Cwestiynau Ysgrifenedig y Cynulliad a gyflwynwyd ar 26 Ionawr 2012 i’w hateb ar 2 Chwefror 2012

R – Yn dynodi bod yr Aelod wedi datgan buddiant.
W – Yn dynodi bod y cwestiwn wedi’i gyflwyno yn Gymraeg.

(Dangosir rhif gwreiddiol y Cwestiwn mewn cromfachau)

Gofyn i Brif Weinidog Cymru

Antoinette Sandbach (Gogledd Cymru): Yn dilyn ei lythyr FM-/05810/11, a wnaiff y Prif Weinidog gadarnhau cyfanswm y gost i Lywodraeth Cymru yn sgil cyflogi’r 9.5 o swyddogion undeb amser llawn i) yn y flwyddyn ariannol bresennol, a ii) pob swyddog undeb o’r fath ym mhob un o’r tair blynedd blaenorol. (WAQ59660)

Gofyn i’r Gweinidog Busnes, Menter, Technoleg a Gwyddoniaeth

Antoinette Sandbach (Gogledd Cymru): A wnaiff y Gweinidog egluro pam nad yw’r brîd gwartheg duon Cymreig brodorol yn dal heb ei gynnwys ar restr y bridiau cymeradwy o dan elfen Cymru gyfan Glastir. (WAQ59655)

Antoinette Sandbach (Gogledd Cymru): A wnaiff y Gweinidog ddatganiad am gynlluniau presennol Llywodraeth Cymru i gefnogi treulio anaerobig ar ffermydd. (WAQ59657)

Darren Millar (Gorllewin Clwyd): Pa gamau y mae’r Gweinidog yn eu cymryd i sicrhau’r gwerth gorau i drethdalwyr yn sgil gwaredu’r safleoedd technium. (WAQ59667)

Gofyn i’r Gweinidog Addysg a Sgiliau

Darren Millar (Gorllewin Clwyd): Yn ôl pob awdurdod lleol yng Nghymru ac ym mhob un o’r 5 mlynedd diwethaf, sawl digwyddiad o drais gan ddisgyblion yn erbyn staff a gofnodwyd ac, o’r digwyddiadau hynny, faint oedd yn cynnwys defnyddio cyllell, a faint oedd yn cynnwys defnyddio unrhyw arf arall. (WAQ59662)

Gofyn i Weinidog yr Amgylchedd a Datblygu Cynaliadwy

Antoinette Sandbach (Gogledd Cymru): Yn dilyn ei ateb i WAQ58440, ar hyn o bryd pa bryd y mae’n disgwyl y bydd yr adroddiad ar gael i’r cyhoedd. (WAQ59656)

Antoinette Sandbach (Gogledd Cymru): A wnaiff y Gweinidog ddatganiad am gynlluniau presennol Llywodraeth Cymru i wella’r gefnogaeth ar gyfer treulio anaerobig ar ffermydd yn y system gynllunio. (WAQ59658)

Gofyn i’r Gweinidog Cyllid ac Arweinydd y Ty

Kirsty Williams (Brycheiniog a Sir Faesyfed): Faint o gyfarfodydd dwyochrog y mae Llywodraeth Cymru wedi’u cynnal gyda Llywodraeth y DU ynghylch diwygio fformiwla Barnett ac ynghylch pwerau benthyca i’r Cynulliad Cenedlaethol a faint mae’n bwriadu eu cynnal dros y chwe mis nesaf. (WAQ59661)

Gofyn i’r Gweinidog Iechyd a Gwasanaethau Cymdeithasol

Darren Millar (Gorllewin Clwyd): Yn ôl pob bwrdd iechyd lleol, beth oedd y cyfanswm a wariwyd ar blanhigion ym mhob un o’r pum  mlynedd diwethaf. (WAQ59665)

Darren Millar (Gorllewin Clwyd): Yn ôl pob bwrdd iechyd lleol, beth oedd y cyfanswm a wariwyd ar arddio ym mhob un o’r pum mlynedd diwethaf. (WAQ59664)

Darren Millar (Gorllewin Clwyd): Yn ôl pob bwrdd iechyd lleol, beth oedd y cyfanswm a wariwyd ar waredu sbwriel sigaréts ym mhob un o’r pum mlynedd diwethaf. (WAQ59663)

Gofyn i Gomisiwn y Cynulliad

Antoinette Sandbach (Gogledd Cymru): Faint o swyddogion undebau llafur amser llawn neu gyfwerth ag amser llawn y mae Comisiwn y Cynulliad wedi’u cyflogi ym mhob un o’r pum mlynedd diwethaf a beth oedd cyfanswm costau hynny. (WAQ59659)

Antoinette Sandbach (Gogledd Cymru): Faint o gyfrifiaduron llecheniPad1 ac iPad 2 y mae Comisiwn y Cynulliad wedi’u prynu, gan nodi i) cyfanswm y costau prynu a chostau’r contractau, a ii) dyddiad prynu pob un. (WAQ59666)