Mae dau gorff annibynnol allanol hefyd yn rhan o lunio canllawiau a rheolau ymddygiad y Senedd.
Mae rôl Comisiynydd Safonau yn cynnwys cynghori'r Senedd ar y Cod Ymddygiad Aelodau o'r Senedd a'r canllawiau cysylltedig, ac ymchwilio i gwynion yn erbyn Aelodau o’r Senedd.
Y Bwrdd Taliadau sy'n gyfrifol am bennu tâl, lwfansau ac adnoddau Aelodau.
Mae'r rheolau hyn yn ystyried unrhyw ddarpariaethau perthnasol a nodir yn Neddf Llywodraeth Cymru 2006. Caiff y Pwyllgor Busnes, sy'n cael ei gadeirio gan y Llywydd, ddewis gwneud argymhellion ynglŷn â gweithdrefn y Senedd, gan gynnwys unrhyw gynigion ar gyfer adolygu'r Rheolau Sefydlog.
Rôl y Llywydd yw'r pwysicaf yn Senedd Cymru ac mae'n adlewyrchu rolau Llefarwyr a Llywyddion mewn seneddau ledled y byd.
Cafodd y canllawiau ar y modd priodol o gynnal busnes y Senedd, a gyflwynwyd gan y Llywydd dan Reol Sefydlog 6.17, eu casglu a’u cytuno ar 04 Mehefin 2019 yn dilyn ymgynghoriad â’r Pwyllgor Busnes. Gall y Llywydd, mewn ymgynghoriad â’r Pwyllgor Busnes, ddiwygio’r canllawiau ar unrhyw adeg.
Mae'r canllawiau yma wedi cael eu paratoi i gynorthwyo Aelodau i ddeall gwahanol fathau o fusnes y Senedd.
Os ydych yn newydd i Fusnes y Senedd a'r termau a ddefnyddir i ddisgrifio ei weithdrefnau ac allbynnau, ewch i'r adran cymorth
Bwrdd annibynnol yw’r Bwrdd Taliadau sy’n gyfrifol am sicrhau bod Aelodau Senedd Cymru yn cael y tâl a’r adnoddau priodol ac yn parhau i fod yn atebol i bobl Cymru
Mae Comisiynydd Safonau'r Senedd yn berson annibynnol a benodir gan Senedd Cymru i ddiogelu safonau, cynnal enw da’r sefydliad a mynd i’r afael â chwynion.
