Pan fydd Senedd y DU yn dymuno deddfu ar fater sydd eisoes wedi'i ddatganoli i Senedd Cymru, mae confensiwn yn ei gwneud yn ofynnol na fydd yn gwneud hynny fel arfer heb gael cydsyniad Senedd Cymru. Bydd y Senedd yn rhoi'r cydsyniad hwn drwy gyfrwng Cynigion Cydsyniad Deddfwriaethol. Mae'r Senedd yn ystyried Cynigion Cydsyniad Deddfwriaethol drwy graffu ar Femoranda Cydsyniad Deddfwriaethol.
Mae Rheol Sefydlog 29 yn nodi'r broses i'w dilyn, sef cyflwyno cynnig cydsyniad deddfwriaethol yn gofyn am gytundeb y Senedd i'r hyn sydd wedi'i gynnwys ym mil y DU mewn meysydd datganoledig.
Mae’r biliau a ganlyn gan y DU yn destun y broses cydsyniad deddfwriaethol o dan Reol Sefydlog 29.
Ceir manylion llawn yr ystyriaeth honno gan gynnwys yr amserlen ar gyfer Craffu gan y Pwyllgor Busnes a chanlyniad unrhyw graffu gan y Cyfarfod Llawn neu'r Pwyllgorau ar y dudalen a ganlyn ar gyfer pob bil unigol y DU.
