Mynd i dudalen Busnes y Senedd chevron_right
Mynd i dudalen Sut rydym yn gweithio chevron_right
Crwydro’r adran Ymweld â ni chevron_right
'Hyrwyddwyr Cymunedol Casnewydd' yw'r drydedd mewn cyfres o arddangosfeydd gan Kamila Jarczak a Menywod Casnewydd. Trwy ffotograffiaeth Kamila, mae’r arddangosfa’n dathlu llwyddiannau menywod lleol sy’n cefnogi eraill, yn creu cysylltiadau yn eu cymunedau ac yn dod â phositifrwydd i Gasnewydd. Noddir gan John Griffiths MS. Dyddiadau: 23 Ionawr - 1 Ebrill 2024.
Cynhaliodd Senedd Ieuenctid Cymru ei hetholiad cyntaf yn 2018. Mae’n llwyfan i godi lleisiau pobl ifanc ar y materion sy’n bwysig iddyn nhw. Mae’r arddangosfa hon yn edrych ar waith ail Senedd Ieuenctid Cymru. Dyddiadau: 24 Chwefror - 18 Mai 2024.
Cafodd Martin ei ysbrydoli i wehyddu’r tapestri lliwgar hwn gan un rhan fach o stori Peredur. Daw stori Peredur o lawysgrif o’r Oesoedd Canol hwyr, sef Llyfr Gwyn Rhydderch (c.1325). Mae’r llawysgrif hwn, ynghyd â Llyfr Coch Hergest (c.1400), yn ffurfio un ar ddeg o straeon y Mabinogion. Noddir gan Paul Davies AS. Dyddiadau: 15 Mawrth - 30 Ebrill 2024.
Ar y cyd â’r Heritage and Cultural Exchange, mae tair arddangosfa newydd wedi’i llunio yn y Pierhead i roi cipolwg ar fywyd ym Mhorth Teigr a’r dociau o’r 1880au i’r 1950au.
Arddangosfa newydd yn y Pierhead. Beth am ddysgu rhagor am y weledigaeth wreiddiol ar gyfer y Senedd, a gweld brasluniau pensaernïol cynnar Ivan Harbour o’r adeilad.
"Mae’n tynnu ynghyd waith gan ugain o artistiaid Cwrdaidd adnabyddus sy’n hanu o Ganada, America, Ewrop a Chanolbarth Cwrdistan. Mae’r aristiaid hyn, sydd wedi’u hysbrydoli gan y delweddau byw a geir ym marddoniaeth Goran, un o feirdd mwyaf blaenllaw y Cwrdiaid, yn creu clytwaith creadigol sy’n atseinio ar draws cyfandiroedd." Noddir gan Heledd Fychan AS a Darren Millar AS. Dyddiadau: 6 Ebrill - 18 Mai 2024.
Yn 2013, penderfynodd Grahame Hurd-Wood ddechrau prosiect uchelgeisiol i beintio portread o bob un o drigolion Tyddewi, Sir Benfro. Noddir gan Eluned Morgan AS. Dyddiadau: 27 Chwefror - 9 Mawrth 2024.
Mae Beth Sydd Bwysicaf? (What Matters Most?) yn cynnig darlun gonest, cignoeth ac ysbrydoledig o'r hyn sy'n bwysig wrth fyw ac wrth farw, gyda'r nod o wella gofal diwedd oes trwy rannu profiadau pobl sy'n derbyn gofal a phobl sy’n rhoi gofal. Noddir gan Mark Isherwood AS. Dyddiadau: 12 Ionawr - 15 Chwefror 2024.
Yn yr arddangosfa hon mae aelodau o grŵp Celfyddyd Meisgyn (Miskin Art) yn tynnu sylw at lawer o wahanol agweddau ar fywyd Cymru. Maent yn talu teyrnged i Gymry a lleoedd arwyddocaol drwy bortreadau a gwaith tirwedd. Noddir gan Andrew RT Davies AS. Dyddiadau: 4 - 17 Ionawr 2024.
Mae’r Senedd a’r Pierhead yn gartref i raglen reolaidd o arddangosfeydd, sy’n rhoi’r cyfle i chi godi proffil eich sefydliad neu gymuned a’i ddyheadau a’i bryderon.
Pan agorodd adeilad y Senedd am y tro cyntaf, comisiynwyd pedwar artist i greu cerfluniau fel rhan o bensaernïaeth yr adeilad. Yn fwy diweddar, comisiynwyd yr artist o Gymru Angharad Pearce Jones i greu dau gerflun ar gyfer prif fannau cyhoeddus y Senedd i alluogi pobl i gysylltu â’r Senedd a’r Aelodau sy’n eu cynrychioli, a dysgu amdanynt.
Mae'n hawdd dod o hyd i ystâd y Senedd. Gallwch gyrraedd yn y car, ar y trên, mewn bws, neu ar feic.
Dysgwch am yr hyn sy'n digwydd yn eich Senedd a sut i ymgysylltu â hi ar-lein.
Dysgwch am arddangosfeydd, gweithgareddau, teithiau a digwyddiadau sy’n digwydd yn y Senedd a'r Pierhead.
Mae cynnal digwyddiad ar ystâd y Senedd yn rhoi’r cyfle ichi godi proffil eich sefydliad a’r materion a’r pryderon sy’n berthnasol iddo.