Cwestiynau Ysgrifenedig y Cynulliad a gyflwynwyd ar 19 Chwefror 2010 i’w hateb ar 26 Chwefror 2010
R - Yn dynodi bod yr Aelod wedi datgan buddiant.
W - Yn dynodi bod y cwestiwn wedi’i gyflwyno yn Gymraeg.
(Dangosir rhif gwreiddiol y Cwestiwn mewn cromfachau)
Gofyn i’r Gweinidog dros Blant, Addysg a Dysgu Gydol Oes
Nick Bourne (Canolbarth a Gorllewin Cymru): Yn dilyn yr ateb i gwestiynau WAQ 54687, 54688, 54689 a 54690, a wnaiff y Gweinidog ddarparu manylion ynghylch pryd y mae Llywodraeth Cynulliad Cymru yn bwriadu gweithredu’n llawn ei pholisi ar gyfer darparu gliniaduron am ddim i ysgolion. (WAQ55685)
Nick Bourne (Canolbarth a Gorllewin Cymru): O ran cynllun Llywodraeth Cynulliad Cymru i ddarparu gliniaduron am ddim i ysgolion, a all y Gweinidog ddarparu (a) manylion am gostau, lleoliad a gwerthusiad y rhaglen beilot, a (b) amcangyfrif o gost gweithredu’r cynllun yn llawn. (WAQ55686)
Gofyn i’r Gweinidog dros yr Economi a Thrafnidiaeth
Nick Bourne (Canolbarth a Gorllewin Cymru): Beth oedd cost yr hysbyseb ar dudalen 9 atodiad busnes y Western Mail ar 17 Chwefror 2010. (WAQ55687)
Nick Bourne (Canolbarth a Gorllewin Cymru): Beth oedd cost yr hysbyseb ar dudalen 24 y Daily Post ar 17 Chwefror 2010. (WAQ55688)
Nick Bourne (Canolbarth a Gorllewin Cymru): A wnaiff y Gweinidog ddarparu manylion am yr holl gyhoeddiadau a oedd yn cynnwys yr hysbyseb yn hyrwyddo Cymorth Hyblyg i Fusnesau ym mis Chwefror 2010. (WAQ55689)
Nick Bourne (Canolbarth a Gorllewin Cymru): A wnaiff y Gweinidog ddarparu manylion am gyfanswm cost yr hysbyseb yn hyrwyddo Cymorth Hyblyg i Fusnesau a ymddangosodd ym mis Chwefror 2010. (WAQ55690)
Nerys Evans (Canolbarth a Gorllewin Cymru): A oes arwyddion rhybuddio a gaiff eu hysgogi gan gyflymder wedi’u gosod ar y cefnffyrdd sy’n mynd i mewn i bentref Llanddewi Felffre ac os nad oes, beth yw’r amserlen ar gyfer eu gosod. (WAQ55692)
Gofyn i’r Gweinidog dros Gyfiawnder Cymdeithasol a Llywodraeth Leol
Nerys Evans (Canolbarth a Gorllewin Cymru): Beth yw’r datblygiadau diweddaraf a’r amserlen bresennol ar gyfer bwrw ymlaen â'r Gorchymyn Cymhwysedd Deddfwriaethol ar gyfer Llywodraeth Leol a pha bryd yr ydych yn disgwyl y rhoddir y pwerau ychwanegol hyn. (WAQ55691)