Cynigion a Gwelliannau i’w trafod ar 4 Mawrth 2009

Cynigion a gyflwynwyd ar 25 Chwefror 2009

Dadl Fer

NDM4155

Darren Millar (Gorllewin Clwyd): Datganoli Gwirioneddol - Pŵer i’r Bobl

NDM4156 William Graham (Dwyrain De Cymru)

Mae Cynulliad Cenedlaethol Cymru

1. Yn nodi’r byrdwn a roddwyd ar unigolion a theuluoedd yng Nghymru gan y cynnydd o 73% yn y Dreth Gyngor er 1999;

2. Yn gresynu’n benodol yr effaith ddifrifol y mae’r codiadau yn y Dreth Gyngor wedi’u cael ar bensiynwyr yng Nghymru sydd erbyn hyn yn gwario bron chwarter o’u Pensiwn Sylfaenol y Wladwriaeth ar fil y Dreth Gyngor;

3. Yn galw ar Lywodraeth Cynulliad Cymru i alluogi awdurdodau lleol i ddefnyddio cyllid a ryddhawyd o ganlyniad i’w harbedion effeithlonrwydd i gyfyngu ar godiadau yn y Dreth Gyngor yn y dyfodol.

NDM4157 William Graham (Dwyrain De Cymru)

Cynnig bod Cynulliad Cenedlaethol Cymru:

1. Yn nodi â phryder yr anghysondebau o ran Cyllido’r Heddlu yng Nghymru;

2. Yn galw ar Lywodraeth Cynulliad Cymru i gydlynu camau i roi sylw i’r canlyniadau andwyol sy’n deillio o’r drefn gyllido aneglur ar gyfer ein Heddluoedd.

NDM4158 Peter Black (Gorllewin De Cymru)

Cynnig bod Cynulliad Cenedlaethol Cymru:

Yn galw ar Lywodraeth Cynulliad Cymru i nodi pa fesurau y mae’n eu cymryd i ddiogelu data personol am bobl yng Nghymru a ddelir gan y Llywodraeth a gan y gwasanaethau a noddir ganddi.  

Gwelliannau a Gyflwynwyd ar 27 Chwefror 2009

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4156

1. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi bod y dreth gyngor yn rhoi baich anghymesur ar bobl ar incwm isel ac yn credu y dylid ei disodli gyda system decach sy’n seiliedig ar y gallu i dalu.

2. Carwyn Jones (Pen-y-bont ar Ogwr)

Ychwanegu pwynt newydd ar ôl pwynt 1 ac ailrifo fel y bo’n briodol:

Yn dwyn i gof y cafodd y dreth gyngor ei chyflwyno gan y Blaid Geidwadol ac yn nodi bod y codiadau yn y dreth gyngor yn ystod y pedair blynedd diwethaf wedi bod ar y lefelau isaf a gofnodwyd.

3. Carwyn Jones (Pen-y-bont ar Ogwr)

Dileu pwynt 2 a rhoi yn ei le:

Yn cymeradwyo’r camau a gymerwyd gan Lywodraeth Cynulliad Cymru i liniaru effaith y codiadau yn y dreth gyngor ar bensiynwyr

4. Carwyn Jones (Pen-y-bont ar Ogwr)

Dileu pwynt 3 a rhoi yn ei le:

Yn cydnabod bod Llywodraeth Cynulliad Cymru yn galluogi awdurdodau lleol i ddefnyddio cyllid a ryddhawyd o ganlyniad i’w harbedion effeithlonrwydd y tu hwnt i 1% i gyfyngu ar godiadau yn y Dreth Gyngor yn y dyfodol.

NDM4157

1. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn gresynu wrth benderfyniad y Gweinidog i ddefnyddio meini prawf capio gwahanol gyda heddluoedd yng Nghymru i’r rheini a ddefnyddir yn Lloegr.

2. Carwyn Jones (Pen-y-bont ar Ogwr)

Ym mhwynt 2 dileu popeth ar ôl “Cymru” a rhoi yn ei le:

“i barhau i bwyso am fformiwla decach a threfn fwy cydlynol o gyllido ar gyfer ein heddluoedd yn unol â diogelu buddiannau Cymru.”

NDM4158

1. Alun Cairns (Gorllewin De Cymru):

Ychwanegu pwynt newydd ar ddiwedd y cynnig:

Yn cydnabod natur sensitif cofnodion meddygol a’r trallod a achosir i gleifion oherwydd y nifer gynyddol o achosion lle collir data.