05/03/2014 - Cynigion a Dyddiad Trafod a Gwelliannau

Cyhoeddwyd 10/06/2014 | Diweddarwyd Ddiwethaf 10/06/2014

Cynigion a Gwelliannau i'w Trafod ar 4 Mawrth 2014

Cynigion a gyflwynwyd ar 14 Ionawr 2014

NDM5402 Kirsty Williams (Brycheiniog a Sir Faesyfed):

Cynnig bod Cynulliad Cenedlaethol Cymru, yn unol â Rheol Sefydlog 26.91:

Yn cytuno y caiff Kirsty Williams gyflwyno Bil i weithredu'r wybodaeth cyn y balot a gyflwynwyd ar 15 Ebrill 2013 o dan Reol Sefydlog 26.90.

Gellir gweld y wybodaeth cyn y balot drwy fynd i:

http://www.cynulliadcymru.org/cy/bus-home/bus-legislation/bill_ballots/bill-046.htm

Cynigion a gyflwynwyd ar 21 Chwefror 2014

NDM5441 Elin Jones (Ceredigion)

Cynnig bod Cynulliad Cenedlaethol Cymru:

1. Yn cydnabod llwyddiant hanesyddol Cymru fel canolfan ar gyfer arloesi a diwydiant;

2. Yn cydnabod rhan ganolog strategaeth sy’n seiliedig ar allforio ar gyfer llwyddiant economaidd yn y dyfodol;

3. Yn credu bod dulliau newydd yn angenrheidiol i asesu'r gallu i allforio; a

4. Yn cefnogi ymdrechion i sicrhau potensial mwyaf posibl busnesau cynhenid i ehangu a chreu cyflogaeth a ffyniant.

Cynigion a gyflwynwyd ar 25 Chwefror 2014

NDM5444 Paul Davies (Preseli Sir Benfro)

Cynnig bod Cynulliad Cenedlaethol Cymru:

1. Yn nodi pryderon a fynegwyd gan Syr Bruce Keogh ynglyn ag amseroedd aros a chyfraddau marwolaeth yn GIG Cymru.

2. Yn galw ar Lywodraeth Cymru i gomisiynu ar unwaith adolygiad annibynnol o ysbytai Cymru sydd â chyfraddau marwolaeth sy'n uwch na'r cyfartaledd.

Cynigion a gyflwynwyd ar 26 Chwefror 2014

NDM5445 William Graham (Dwyrain De Cymru): Llong Ganoloesol Casnewydd – Wedi'i suddo ym 1469 ac yn 2014?

Cynyddu ymwybyddiaeth ac arwyddocâd hanesyddol unigryw'r llong hon i sicrhau ei chadwraeth a'i harddangos yng Nghasnewydd.

Gwelliannau a gyflwynwyd ar 27 Chwefror 2014

Cynnig bod y Cynulliad yn penderfynu mabwysiadu’r gwelliannau isod i gynigion:

NDM5441

1. Aled Roberts (Gogledd Cymru)

Dileu pwynt 2 a rhoi yn ei le:

Yn cydnabod pwysigrwydd allforio, mewnfuddsoddi a masnach o fewn y DU o ran unrhyw strategaeth ar gyfer llwyddiant economaidd i Gymru.

2. Aled Roberts (Gogledd Cymru)

Cynnwys pwynt 3 newydd ac ailrifo yn unol â hynny:

Yn cydnabod pwysigrwydd aelodaeth Cymru o’r Undeb Ewropeaidd i fusnesau Cymru a’r potensial o ran allforio, gyda 44% o allforion Cymru’n mynd i aelod-wladwriaethau eraill y UE.

3. Aled Roberts (Gogledd Cymru)

Ym mhwynt 4, dileu ‘busnesau cynhenid’ a rhoi yn ei le ‘busnesau a leolir yng Nghymru’.

4. Paul Davies (Preseli Sir Benfro)

Ym mhwynt 1, dileu popeth ar ôl ‘Cymru’ a rhoi yn ei le ‘fel cenedl o entrepreneuriaeth, creadigrwydd, diwydiant, arloesedd cymdeithasol ac economaidd’

5. Paul Davies (Preseli Sir Benfro)

Ym mhwynt 3, dileu popeth ar ôl ‘bod’ a rhoi yn ei le ‘rhaid i Lywodraeth Cymru ddatblygu dulliau newydd i asesu’r gallu i allforio; a’

Gwelliannau a gyflwynwyd ar 28 Chwefror 2014

Cynnig bod y Cynulliad yn penderfynu mabwysiadu’r gwelliannau isod i gynigion:

NDM5444

1. Aled Roberts (Gogledd Cymru)

Ychwanegu pwynt newydd ar ddiwedd y cynnig:

Yn galw ar Lywodraeth Cymru i adolygu cylch gwaith a swyddogaethau Arolygiaeth Gofal Iechyd Cymru, yn dilyn y pryderon a godwyd ynghylch amseroedd aros a chyfraddau marwolaeth yn GIG Cymru.