Cynigion a Gwelliannau i’w Trafod ar 08 Rhagfyr 2009

Cynigion a gyflwynwyd ar 01 Rhagfyr 2009

NDM4341 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru; yn unol â Rheol Sefydlog 24.4:

Yn cymeradwyo bod y fersiwn drafft o’r Rheoliadau Trwyddedu Amgylcheddol (Cymru a Lloegr) (Diwygio) (Rhif 2) 2009 yn cael ei lunio yn unol â’r fersiwn drafft a osodwyd yn y Swyddfa Gyflwyno ar 17 Tachwedd 2009.

NDM4342 Andrew Davies (Gorllewin Abertawe)

Cynnig bod Cynulliad Cenedlaethol Cymru, yn unol â Rheol Sefydlog 27.17, yn cymeradwyo'r Gyllideb Blynyddol ar gyfer y flwyddyn ariannol 2010-11, a osodwyd yn y Swyddfa Gyflwyno gan y Gweinidog dros Gyllid a Chyflenwi Gwasanaethau Cyhoeddus ac a e-bostiwyd at Aelodau'r Cynulliad ar  ddydd Mawrth 01 Rhagfyr 2009.

Troednodyn:

Yn unol â'r darpariaethau perthnasol a gynhwysir yn Neddf Llywodraeth Cymru 2006 a Rheol Sefydlog 27.19, mae'r Gyllideb Blynyddol yn cynnwys yr wybodaeth ganlynol:

1. y datganiad ysgrifenedig sy’n ofynnol o dan adran 125(3) Deddf Llywodraeth Cymru;

2. yr adnoddau y cytunir arnynt gan y Trysorlys ar gyfer cyllideb bloc Cymru yn y flwyddyn ariannol y mae'r cynnig yn ymwneud â hi;

3. cysoniad rhwng yr adnoddau a ddyrennir ar gyfer cyllideb bloc Cymru gan y Trysorlys â'r adnoddau yr awdurdodir eu defnyddio yn y cynnig;

4. cysoniad rhwng y symiau yr amcangyfrifir y telir amdanynt i Gronfa Gyfunol Cymru gan yr Ysgrifennydd Gwladol a’r symiau yr awdurdodir eu talu o’r Gronfa yn y cynnig; a

5. cysoniad rhwng yr adnoddau i’w hawdurdodi o dan adran 125(1)(a) a (b) y Ddeddf a’r symiau yr awdurdodir eu talu o Gronfa Gyfunol Cymru o dan adran 125(1)(c).

Mae’r wybodaeth ychwanegol ganlynol ar gael i’r Aelodau:

• nodyn esboniadol am newidiadau rhwng y cynigion yn y Gyllideb Ddrafft a’r cynigion yn y Gyllideb Blynyddol.

NDM4343 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru:

Yn croesawu adroddiad Comisiynydd Pobl Hŷn Cymru 2008/09, y gosodwyd copi ohono yn y Swyddfa Gyflwyno ar 1 Rhagfyr 2009.

Gwelliannau a gyflwynwyd ar 03 Rhagfyr 2009

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4343

1. Alun Cairns (Gorllewin De Cymru)

Ychwanegu pwynt newydd ar ddiwedd y Cynnig:

Yn galw ar Lywodraeth Cynulliad Cymru i ddiogelu gwasanaethau ar gyfer pobl hyn yng ngoleuni pwysau cyllidebol.

2. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi â braw y bu cynnydd o 70% yn nifer marwolaethau ychwanegol y gaeaf ymysg pobl hyn yng Nghymru.

3. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn cydnabod y potensial i’r Cynllun Cydraddoldeb Sengl wireddu dyheadau’r Comisiynydd Pobl Hyn ac yn galw ar Lywodraeth Cynulliad Cymru i ddarparu manylion effeithiolrwydd y cynllun yng nghyswllt pobl hyn cyn gynted ag sy’n bosibl.

Mae’r Cynllun Cydraddoldeb Sengl ar gael drwy ddilyn y ddolen ganlynol:

http://wales.gov.uk/topics/equality/sescheme/?skip=1&lang=cy