Cynigion a Gwelliannau i’w Trafod ar 09 Mehefin 2010

Cynigion a gyflwynwyd ar 02 Mehefin 2010

Dadl Fer

NDM4492 Mick Bates (Sir Drefaldwyn): Newid gwleidyddiaeth: a all diwygio democrataidd ddechrau yn y Cynulliad?

NDM4489 William Graham (Dwyrain De Cymru)

Cynnig bod Cynulliad Cenedlaethol Cymru, wrth weithredu o dan Reol Sefydlog Rhif 1.10, yn ethol Gareth Jones AC a John Griffiths AC, yn ymddiriedolwyr i gynllun pensiwn Aelodau Cynulliad Cenedlaethol Cymru yn lle Mohammad Asghar AC a Carwyn Jones AC.

NDM4490 Nick Ramsay (Mynwy)

Cynnig bod Cynulliad Cenedlaethol Cymru:

1. Yn nodi â chryn bryder maint y diffyg yng nghyllideb y Deyrnas Unedig;

2. Yn croesawu ymdrechion cynnar Llywodraeth Ei Mawrhydi i wella cyllid cyhoeddus; a

3. Yn galw ar Lywodraeth Cynulliad Cymru i weithio'n agosach gyda Llywodraeth y DU i sicrhau rhagor o welliannau.

NDM4491 Rhodri Glyn Thomas (Dwyrain Caerfyrddin a Dinefwr)

Mae Cynulliad Cenedlaethol Cymru:

Yn nodi Adroddiad yr Is-bwyllgor Datblygu Gwledig ar ei Ymchwiliad i Ddyfodol yr Ucheldiroedd a osodwyd yn y Swyddfa Gyflwyno ar 01 Ebrill 2010.

Noder: Ymateb Llywodraeth Cymru a osodwyd yn y Swyddfa Gyflwyno ar 02 Mehefin 2010.

Gwelliannau a gyflwynwyd ar 04 Mehefin 2010

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4490

Jane Hutt (Bro Morgannwg)

Dilewch y cyfan a rhoi yn ei le:

Mae’r Cynulliad Cenedlaethol Cymru:

1. Yn nodi’r diffyg yng nghyllideb y Deyrnas Unedig a’r trafodaethau sy’n mynd rhagddynt rhwng Llywodraeth Cynulliad Cymru a Llywodraeth y DU;

2. Yn nodi bod angen eglurder ynghylch cynigion Llywodraeth y DU ar gyfer gwariant cyhoeddus er mwyn medru gwneud penderfyniadau effeithiol yn y flwyddyn ariannol hon;

3. Yn nodi bod angen i’r amseriad ar gyfer y toriadau arfaethedig mewn gwariant cyhoeddus fod yn iawn ac os torrir gwariant yn rhy fuan, tanseilir yr adferiad mawr ei angen gan arwain at golli swyddi;

4. Yn gresynu methiant Llywodraeth y DU i ystyried y tanwariant yng Nghymru, fel y’i cydnabu gan Gomisiwn Holtham wrth gynnig toriadau mewn gwariant cyhoeddus.