Cynigion a Gwelliannau i’w Trafod ar 11 Mehefin 2008

Cynigion a gyflwynwyd ar 4 Mai 2008

Dadl Fer

NDM3956

Janet Ryder (Gogledd Cymru): Pŵer i’r Bobl

NDM3953

Dafydd Elis-Thomas (Dwyfor Meirionydd)

Cynnig bod Cynulliad Cenedlaethol Cymru, yn unol â Rheol Sefydlog 10.3, yn ethol Angela Burns (Ceidwadwyr) yn aelod o’r Pwyllgor ar y Mesur Arfaethedig Bwyta'n Iach mewn Ysgolion yn lle Alun Cairns (Ceidwadwyr).

NDM3919

Peter Black (Gorllewin De Cymru)

Cynnig bod Cynulliad Cenedlaethol Cymru, yn unol â Rheol Sefydlog 22.50:

Yn cytuno y caiff Peter Black gyflwyno Gorchymyn arfaethedig, i weithredu’r Gorchymyn arfaethedig amlinellol a ddarparwyd ar 14 Chwefror 2008 dan Reol Sefydlog 22.48, a Memorandwm Esboniadol.

Gellir gweld y Gorchymyn arfaethedig amlinellol trwy ymweld â’r ddolen ganlynol:

h

ttp://www.assemblywales.org/bus-home/bus-legislation/bus-leg-measures/business-legislative-ballots/busnes-gorchmynion-cymhwysedd-deddfwriaethol

NDM3954

William Graham (Dwyrain De Cymru)

Cynnig bod Cynulliad Cenedlaethol Cymru:

Yn nodi â phryder bod Cymru wedi cyflawni’r twf economaidd isaf o holl wledydd a rhanbarthau’r DU rhwng 1997 a 2006.

NDM3955

Kirsty Williams (Brycheiniog a Sir Faesyfed)

Cynnig bod Cynulliad Cenedlaethol Cymru:

1 Yn nodi â phryder:

a) bod nifer y gorchmynion adfeddiannu yng Nghymru wedi codi 26% er 2007

b) y gallai cyfraddau morgais uwch, y wasgfa gredyd a dyled gynyddol defnyddwyr arwain at gynnydd pellach mewn adfeddiannu yng Nghymru.

2 Yn galw ar Lywodraeth Cynulliad Cymru i helpu i leihau nifer yr achosion adfeddiannu posibl drwy gefnogi:

a) cynlluniau cyngor ar ddyled ac achub morgeisi; a

b) datblygu protocol a fyddai’n mynnu bod llys yn fodlon bod y rheini sy’n rhoi benthyg a’r rheini sy’n cael benthyg wedi cymryd y camau perthnasol cyn dyfarnu adfeddiannu.

Gwelliannau a gyflwynwyd ar 5 Mehefin 2008

Cynnig bod y Cynulliad yn penderfynu mabwysiadu’r gwelliannau isod i gynigion:

NDM3954

Kirsty Williams (Brycheiniog a Sir Faesyfed)

Ychwanegu pwynt newydd ar ddiwedd y Cynnig:

Yn nodi bod sylfaen sgiliau dda ac amrywiol yn allweddol er mwyn codi twf economaidd, felly’n gresynu wrth y tangyllido enfawr yng nghyswllt addysg ar gyfer pob oed ledled Cymru.

Gwelliannau a gyflwynwyd ar 6 Mehefin 2008

Cynnig bod y Cynulliad yn penderfynu mabwysiadu’r gwelliannau isod i gynigion:

NDM3954

1. Carwyn Jones (Pen-y-bont ar Ogwr)

Yn lle “nodi â phryder” rhoi “nodi’r honiad”.

2. Carwyn Jones (Pen-y-bont ar Ogwr)

Ychwanegu pwynt newydd ar ddiwedd y cynnig:

Yn cydnabod bod Cymru, mewn gwirionedd, yn ystod y cyfnod rhwng 1997 a 2006 wedi cyflawni cyfradd twf economaidd sy’n fwy na 2% y flwyddyn mewn termau real, sy’n gyflymach na’r hyn a gyflawnwyd o dan gyfnod 9 mlynedd blaenorol Llywodraeth geidwadol”.

3. Carwyn Jones (Pen-y-bont ar Ogwr)

Ychwanegu pwynt newydd ar ddiwedd y cynnig:

“Yn llongyfarch y gweithredu pendant gan Lywodraeth y Cynulliad o dan gytundeb Cymru’n Un i gyrraedd lefel gweithgarwch economaidd o 80% a sicrhau llwyddiant o gyllid Cydgyfeirio.”