Cynigion a Gwelliannau i’w Trafod ar 12 Hydref 2011

Cynigion a gyflwynwyd ar 5 Hydref 2011

Dadl Fer

NDM4823 Joyce Watson (Canolbarth a Gorllewin Cymru): Busnesau Bach, Effaith Fawr

NDM4820 Angela Burns (Gorllewin Caerfyrddin a De Sir Benfro)

Cynnig bod Cynulliad Cenedlaethol Cymru, wrth weithredu o dan Reol Sefydlog Rhif 1.7, yn ethol David Melding AC, Mike Hedges AC, Peter Black AC a Jocelyn Davies AC, yn Ymddiriedolwyr i gynllun pensiwn Aelodau Cynulliad Cenedlaethol Cymru yn lle Rosemary Butler AC, John Griffiths AC, yr Arglwydd German a’r Arglwydd Wigley.

NDM4821 William Graham (Dwyrain De Cymru)

Mae Cynulliad Cenedlaethol Cymru:

1. Yn galw ar Lywodraeth Cymru i:

a) Sefydlu ‘Cynllun Canser Cenedlaethol’; a

b) Penodi cydgysylltydd canser annibynnol i oruchwylio gweithredu’r ‘Cynllun Canser Cenedlaethol’ hwnnw a chodi ymwybyddiaeth o ganser, cydgysylltu gwasanaethau a hyrwyddo mesurau ataliol.

NDM4822 Jocelyn Davies (Dwyrain De Cymru)

Mae Cynulliad Cenedlaethol Cymru:

1. Yn gresynu wrth y toriad o 41 y cant yng nghyllideb cyfalaf Llywodraeth Cymru ac effaith andwyol hynny ar y sector adeiladu; a

2. Yn galw ar Lywodraeth Cymru i hybu’r economi drwy:

a) Creu cronfa buddsoddi mewn seilwaith;

b) Defnyddio pwerau benthyg Awdurdodau Lleol;

c) Gweithredu i helpu i gynyddu canran y cwmnïau yng Nghymru sy’n ennill tendrau caffael cyhoeddus; a

d) Chwilio am ffyrdd arloesol o godi cyfalaf ar gyfer prosiectau seilwaith ar wahân i Fenter Cyllid Preifat.

NDM4824 Peter Black (Gorllewin De Cymru)

Cynnig bod Cynulliad Cenedlaethol Cymru:

1. Yn galw ar Lywodraeth Cymru i:

a) Sefydlu Cynllun Canser cynhwysfawr sy’n canolbwyntio ar yr unigolyn er mwyn:

i) pennu targedau clir i sicrhau bod y triniaethau gorau sydd ar gael ar gael i bawb yng Nghymru, ni waeth pa fath o ganser sydd ganddynt na lle maent yn byw;   

ii) datblygu cynlluniau clir ar gyfer canfod canser yn gynharach yng Nghymru.

iii) sicrhau bod cefnogaeth holistaidd yn cael ei darparu i’r rheini sy’n byw â chanser a’u teuluoedd o’r funud maent yn amau bod ganddynt ganser, yn ystod eu triniaeth ac ar ôl y driniaeth honno, yn ogystal ag ar ddiwedd oes;

b) Sefydlu Cronfa Cyffuriau Canser; ac

c) Datblygu cynllun i gefnogi’r rheini sy’n goroesi canser.

Gwelliannau a gyflwynwyd ar 6 Hydref 2011

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4821

1. Jocelyn Davies (Dwyrain De Cymru)

Cynnwys ar ddechrau pwynt 1:

‘Yn nodi cymeradwyaeth unfrydol y Cynulliad ar 5 Hydref 2011 i lunio a gweithredu Cynllun Canser Cenedlaethol ac felly’.

NDM4824

1. Jocelyn Davies (Dwyrain De Cymru)

Cynnwys ar ddechrau pwynt 1:

‘Yn nodi cymeradwyaeth unfrydol y Cynulliad ar 5 Hydref 2011 i lunio a gweithredu Cynllun Canser Cenedlaethol ac felly’.

Gwelliannau a gyflwynwyd ar 7 Hydref 2011

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4821

1. Jane Hutt (Bro Morgannwg)

Dileu pwynt b) a rhoi yn ei le:

Adolygu pa gymorth sydd angen ei roi ar lefel Cymru gyfan i gynorthwyo GIG Cymru i fynd i’r afael â chanser

NDM4822

1. William Graham (Dwyrain De Cymru)

Dileu pwynt 1 a rhoi yn ei le “Yn nodi’r gostyngiad o 41 y cant yng nghyllideb cyfalaf Llywodraeth Cymru; ac”

2. William Graham (Dwyrain De Cymru)

Ym mhwynt 2d dileu “ar wahân i Fenter Cyllid Preifat” a rhoi yn ei le “yn cynnwys Banc Buddsoddi Ewrop”.

3. William Graham (Dwyrain De Cymru)

Ychwanegu fel is-bwynt newydd ar ddiwedd pwynt 2:

Bidio i leoli’r Banc Buddsoddi Gwyrdd yng Nghaerdydd

4. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn gresynu cyn lleied o gontractau Olympaidd a enillwyd o dan y llywodraeth “Cymru’n Un" flaenorol, a allai fod wedi bod o fudd i’r sector adeiladu.

5. Peter Black (Gorllewin De Cymru)

Ychwanegu is-bwynt newydd ar ddiwedd y cynnig:

Cyflwyno proses ariannu drwy gynyddrannau treth er mwyn galluogi awdurdodau lleol i godi arian cyfalaf ar gyfer prosiectau seilwaith.

6. Peter Black (Gorllewin De Cymru)

Ychwanegu is-bwynt newydd ar ddiwedd y cynnig:

Sefydlu cronfa arloesedd i gynyddu nifer y patentau a sefydlu cynlluniau mentora busnes.

NDM4824

1. Jane Hutt (Bro Morgannwg)

Dileu pwyntiau b.) ac c.) a rhoi yn eu lle:

“sicrhau bod pobl yn gallu cael gafael ar driniaethau canser diogel ac effeithiol mewn modd teg a phrydlon.”