Cynigion a Gwelliannau i’w Trafod ar 20 Mawrth 2013
Cynigion a gyflwynwyd ar 13 Mawrth 2013
NDM5194 William Graham (Dwyrain De Cymru)
Mae Cynulliad Cenedlaethol Cymru:
Yn nodi methiant llwyr a chyson Llywodraeth Cymru i sicrhau gwelliannau ym mywydau pobl Cymru, yn benodol ei:
a) anallu i ddatblygu economi Cymru;
b) methiant i gau bylchau cyrhaeddiad allweddol mewn addysg;
c) perfformiad gwael o ran cyrraedd targedau amseroedd aros ac ymateb y GIG; a
d) aneffeithiolrwydd wrth fynd i’r afael â’r hyn sydd wrth wraidd tlodi.
NDM5195 William Graham (Dwyrain De Cymru)
Mae Cynulliad Cenedlaethol Cymru:
Yn galw ar Lywodraeth Cymru i roi blaenoriaeth uwch i agenda lleoliaeth yng Nghymru; gan sicrhau bod cymunedau yng Nghymru yn elwa o fwy o benderfyniadau a grymuso lleol.
Gwelliannau a gyflwynwyd ar 15 Mawrth 2013
Cynnig bod y Cynulliad yn penderfynu mabwysiadu’r gwelliannau isod i gynigion:
NDM5194
1. Aled Roberts (Gogledd Cymru)
Dileu popeth ar ôl ‘pobl Cymru,’ a rhoi yn ei le ‘ac yn galw arni i wneud iawn am ei:
a) anallu i ddatblygu economi Cymru drwy ddatblygu ystod lawn o wasanaethau er mwyn i fusnesau allu cael gafael ar gredyd, cyngor busnes a chymorth marchnata, a ddarperir o un pwynt cyswllt;
b) methiant i gau bylchau cyrhaeddiad allweddol mewn addysg drwy gynyddu gwerth y premiwm disgybl a sicrhau ei fod yn cael ei wario’n effeithiol ar leihau’r bwlch rhwng tlodi a chyrhaeddiad;
c) perfformiad gwael o ran cyrraedd targedau amseroedd aros ac ymateb y GIG drwy sicrhau gwariant effeithiol ar wasanaethau rheng flaen y GIG; a
d) aneffeithiolrwydd wrth fynd i’r afael â’r hyn sydd wrth wraidd tlodi drwy roi sylw i effaith yr ystod lawn o wasanaethau cyhoeddus gwael ar wreiddio tlodi ac anghydraddoldeb ac adrodd yn rheolaidd i'r Cynulliad Cenedlaethol ar ei chynnydd.’
NDM5195
1. Aled Roberts (Gogledd Cymru)
Ychwanegu pwynt newydd ar ddiwedd y cynnig:
Yn credu y bydd modd gwella penderfyniadau a grymuso lleol yn sylweddol drwy:
a) cyflwyno’r Bleidlais Sengl Drosglwyddadwy ar gyfer etholiadau cynghorau lleol;
b) caniatáu i bobl ifanc 16 a 17 oed bleidleisio mewn etholiadau cynghorau lleol; ac
c) datganoli plismona i Gynulliad Cenedlaethol Cymru i sicrhau bod plismona’n gallu ymateb i anghenion cymunedau lleol.