Cynigion a Gwelliannau i’w Trafod ar 25.03.09

Cynigion a gyflwynwyd ar 18 Mawrth 2009

Dadl Fer

NDM4183 Ann Jones (Dyffryn Clwyd): Diogelwch ar y Ffyrdd: Y Ffyrdd a’r Llwybrau sydd angen eu hatgyweirio.

NDM4184 Gareth Jones (Aberconwy)

Cynnig bod Cynulliad Cenedlaethol Cymru:

Yn nodi adroddiad y Pwyllgor Menter a Dysgu, Rhoi'r Cytundeb Llwyth Gwaith Athrawon ar Waith, a osodwyd yn y Swyddfa Gyflwyno ar 5 Chwefror 2009.

Noder: Ymateb y Gweinidog dros Blant, Addysg, Dysgu Gydol Oes a Sgiliau a osodwyd yn y Swyddfa Gyflwyno ar 18 Mawrth 2009.

NDM4185 Alun Davies (Canolbarth ar Gorllewin Cymru)

Mae Cynulliad Cenedlaethol Cymru:

Yn nodi adroddiad yr Is-bwyllgor Datblygu Gwledig ar ei Ymchwiliad i’r Adolygiad o Echel 2 Cynllun Datblygu Gwledig Cymru 2007 - 2013 a osodwyd yn y Swyddfa Gyflwyno ar 2 Chwefror 2009.

Noder: Ymateb y Gweinidog dros Faterion Gwledig a osodwyd yn y Swyddfa Gyflwyno ar 18 Mawrth 2009.

NDM4186 Alun Cairns (Gorllewin De Cymru):

Mae Cynulliad Cenedlaethol Cymru

1) Yn gresynu bod cyn lleied o’r Sector Cyhoeddus yng Nghymru wedi manteisio ar fenthyciadau Banc Buddsoddi Ewrop.

2) Yn galw ar Lywodraeth Cynulliad Cymru i gynyddu’r nifer sy’n manteisio ar y benthyciadau hyn er mwyn helpu i fynd i’r afael â’r dirwasgiad presennol.

Gwelliannau a gyflwynwyd ar 20 Mawrth 2009

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4186

1. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi na fydd mesurau o’r fath i helpu i fynd i’r afael â’r dirwasgiad yn effeithiol oni chânt eu gweithredu ar y cyd â strategaeth ehangach i wella sefyllfa ariannol y sector cyhoeddus, yn cynnwys ymgysylltu’n fwy trylwyr â’r sector preifat a’r trydydd sector er mwyn gwneud y defnydd gorau o’r cyllid sydd ar gael ar gyfer prosiectau cyfalaf.