Cynigion a Gwelliannau i’w Trafod ar 28 Medi 2010

Cynigion a gyflwynwyd ar 21 Medi 2010

NDM4538

Jane Hutt (Bro Morgannwg)

Mae Cynulliad Cenedlaethol Cymru yn croesawu’r cynnydd a wnaed ym maes datblygu cynaliadwy yn 2009-10 fel y nodwyd yn Adroddiad Blynyddol Llywodraeth y Cynulliad ar y Cynllun Datblygu Cynaliadwy a osodwyd gerbron Cynulliad Cenedlaethol Cymru ar 21 Medi 2010.

Gwelliannau a gyflwynwyd ar 23 Medi 2010

Cynnig bod y Cynulliad yn penderfynu mabwysiadu’r gwelliannau isod i gynigion:

NDM4538

1. Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn credu nad yw cymhorthdal Llywodraeth Cynulliad Cymru ar gyfer y cyswllt hedfan rhwng y gogledd a'r de yn cyfateb i ddyheadau Cynllun Datblygu Cynaliadwy'r llywodraeth.

2. Nick Ramsay (Mynwy)

Ychwanegu pwynt newydd ar ddiwedd y cynnig:

Yn galw ar Lywodraeth Cynulliad Cymru i gymeradwyo argymhelliad Comisiwn Datblygu Cymru yn Adroddiad Blynyddol 2009-2010 'ddim yn unig yn adrodd ar y cynnydd a wnaed ar y Prif Ddangosyddion Datblygu Cynaliadwy, ond ei fod hefyd yn cynnwys cyfres o fesurau ar effeithiolrwydd Llywodraeth Cynulliad Cymru yn ôl ei hamcanion perfformiad ei hun (ar draws llywodraeth)'.

3. Nick Ramsay (Mynwy)

Ychwanegu pwynt newydd ar ddiwedd y cynnig:

Yn galw ar Lywodraeth Cynulliad Cymru i fesur perfformiad Datblygu Cynaliadwy yn glir yn erbyn ymrwymiadau Cymru'n Un yn flynyddol ac adrodd yn ôl i'r Cynulliad hwn.