Roedd Inspire Her yn sesiwn a oedd yn cynnig cefnogaeth ac ysbrydoliaeth i fenywod ifanc â diddordeb mewn gwleidyddiaeth, i’w hannog nhw i fod yn ymgyrchwyr ac arweinwyr y dyfodol. Croesawyd menywod ifanc i’r Senedd i gymryd rhan mewn digwyddiad rhwydweithio cyflym ac i gysylltu gydag aelodau etholedig trwy drafodaethau 1:1 ac mewn grwpiau bach. Bu’n gyfle i’r menywod lleisio’u barn ar yr hyn sydd o bwys iddyn nhw, a chlywed am brofiadau o sefyll etholiad ac o fywyd yn y Senedd.
