- Enillydd y balot: Mark Isherwood AS, Cynnig 033, Bil Iaith Arwyddion Prydain (BSL) (Cymru)
O bryd i'w gilydd, rhaid i'r Llywydd gynnal balot i benderfynu ar enw Aelod, heblaw aelod o'r Llywodraeth, a gaiff ofyn am gytundeb y Senedd i gyflwyno Bil.
Rhaid i Aelod ddarparu "gwybodaeth cyn y balot" yn nodi bwriad y Bil arfaethedig.
Os bydd y Senedd yn cytuno i gyflwyno Bil o'r fath, gall enillydd y Balot ymgynghori ar ei gynigion cyn cyflwyno'r Bil yn ffurfiol.
| Prif Gerrig Milltir | Manylion |
|---|---|
|
Dyddiad y balot |
24 Ebrill 2024 |
|
Dadl lle bydd y Senedd yn trafod cyflwyno Bil i roi effaith i’r wybodaeth sydd wedi’i chynnwys yn y Memorandwm Esboniadol
|
Memorandwm Esboniadol i'r cynnig a gyflwynwyd ar 31 Mai 2024 |
|
Caniatâd i frwrw ati |
Y Cyfarfod Llawn, 19 Mehefin 2024 |
|
Ymgynghoriad |
Ar 8 Tachwedd 2024, lansiodd Mark Isherwood AS ymgynghoriad ar ei gynnig ar gyfer Bil Iaith Arwyddion Prydain (BSL) (Cymru), yn gwahodd pobl i roi eu barn ar amcanion polisi'r gyfraith arfaethedig. Daeth yr ymgynghoriad i ben ar 31 Ionawr 2025. |
|
Bil Iaith Arwyddion Prydain (BSL) (Cymru) Drafft
|
Gan adeiladu ar yr amcanion polisi a'r ymgynghoriad blaenorol, mae Mark Isherwood AS wedi llunio Bil Iaith Arwyddion Prydain (Cymru) drafft a'r Nodiadau Esboniadol cysylltiedig. |
|
Mae'r Bil drafft a'r Nodiadau Esboniadol cysylltiedig wedi'u cyhoeddi er gwybodaeth yn unig ar hyn o bryd tra bod y gwaith o ddatblygu'r Bil a gweithdrefnau gofynnol y Senedd yn cael eu cwblhau. Disgwylir i’r Bil gael ei gyflwyno’n ffurfiol gerbron y Senedd ar 14 Gorffennaf 2025. Bryd hynny, bydd Memorandwm Esboniadol manwl yn cyd-fynd â’r Bil. Bydd fersiwn BSL o'r Bil hefyd ar gael ar yr adeg honno. Ar ôl ei gyflwyno, bydd y Bil yn destun gwaith craffu manwl gan y Senedd a bydd rhanddeiliaid yn cael cyfle i gyflwyno eu safbwyntiau i un o bwyllgorau perthnasol y Senedd. Bydd rhagor o fanylion ar sut i gyfrannu yn cael eu cyhoeddi gan bwyllgor perthnasol y Senedd maes o law. |
|