Teithiau a Sgyrsiau yn y Senedd

Mae nifer o deithiau a sgyrsiau ar gael yn y Senedd, sy’n cyfoethogi’r profiad o ymweld â’r sefydliad ac yn rhoi cyfle i chi ddysgu mwy amdano. Mae'r profiadau hyn yn ddewisol, ac maent ar gael yn rhad ac am ddim. Mae croeso i chi ymweld â’r Senedd yn annibynnol, a hynny heb archebu lle ar daith neu sgwrs.

Yn sgil y gwaith adeiladu sy’n digwydd yn Siambr y Senedd i baratoi ar gyfer y Seithfed Senedd, ni fydd yr Oriel Gyhoeddus ar gael i ymwelwyr am gyfnod.

Bydd y Senedd ar agor drwy gydol y gwaith, gan gynnwys y mannau cyhoeddus, y caffi a’r arddangosfeydd. Fodd bynnag, bydd ein Teithiau Grŵp o amgylch y Senedd yn cael eu haddasu, gan y byddwn wedi ein cyfyngu i’r rhannau o’r adeilad sy’n agored i ni.

Mae teithiau sain hunan dywysedig a rhith-daith ar gael hefyd, ac nid oes angen archebu’r teithiau hyn ymlaen llaw.

Yn addas ar gyfer:  grwpiau cymunedol, sefydliadau, grwpiau sy’n cynnwys rhwng 8 a 40 o bobl, a grwpiau diddordeb arbennig llai y byddai'n well ganddynt gael taith unigryw.

Dyddiau pan fo’r teithiau hyn ar gael: dydd Mawrth, dydd Mercher a dydd Gwener

Hyd: 1 awr

Lleoliad: y Senedd

£ Yn rhad ac am ddim

Gwybodaeth am y teithiau hyn:

• Croesewir grwpiau o ymwelwyr sydd wedi archebu lle ymlaen llaw (sy’n cynnwys hyd at 40 o bobl) i’r Senedd a chânt eu tywys o amgylch yr adeilad nodedig unigryw gan y tywyswyr teithiau. 
• Ceir cyfle i ddysgu am y Senedd – pwy ydym ni a beth rydym ni’n ei wneud
• Ceir cyfle i ddysgu am ein hadeilad nodedig a'i nodweddion cynaliadwyedd 
• Gellir teilwra’r daith i fodloni diddordebau penodol eich grŵp 
• Mae’n bosibl y bydd modd i chi hefyd gwrdd â’ch Aelodau etholedig o’r Senedd os gofynnir am gyfarfod ymlaen llaw, yn dibynnu ar eu hargaeledd.

Yn addas ar gyfer: unigolion, grwpiau teulu, grwpiau o 8 neu lai.

Dyddiad ac amser: dydd Mawrth – dydd Gwener (a dydd Llun yn ystod cyfnodau o doriad)

Hyd: 1 awr

Lleoliad: y Senedd

£ Yn rhad ac am ddim

Gwybodaeth am y teithiau hyn:

• Ceir cyfle i ymuno ag un o’n tywyswyr angerddol, a fydd yn eich tywys ar daith o amgylch adeilad unigryw’r Senedd 
• Ceir cyfle i ddysgu am y Senedd – pwy ydym ni a beth rydym ni’n ei wneud
• Ceir cyfle i ddysgu am ein hadeilad nodedig a'i nodweddion cynaliadwyedd 

Yn addas ar gyfer: grwpiau cymunedol, sefydliadau, grwpiau o hyd at 40 o bobl

Dyddiad ac amser: dydd Llun a dydd Iau

Hyd: 1 awr

Lleoliad: y Senedd

£ Yn rhad ac am ddim

Cyflwyniad anffurfiol sy’n edrych ar y canlynol:

• Y Senedd – yr adeilad unigryw a’i nodweddion cynaliadwyedd
• Sut y cafodd y Senedd ei chreu a digwyddiadau pwysig ers hynny
• Sut yr ydych yn cael eich cynrychioli
• Sut y gallwch chi fod yn rhan o lunio dyfodol Cymru

Cynhelir y sgyrsiau hyn yn Ystafell Briffio’r Cyfryngau, sy’n leoliad cyfforddus, ac maent yn para tua 30 munud. Yn dilyn y sgwrs, bydd cyfle i chi fynd ar daith annibynnol o amgylch mannau cyhoeddus y Senedd, a bydd aelodau o’r tîm Ymgysylltu ag Ymwelwyr ar gael i ateb unrhyw gwestiynau sydd gennych.

Addas ar gyfer: unigolion a grwpiau yng Nghymru neu y tu hwnt i Gymru

Hyd: 45 munud 

Lleoliad: ar-lein 

£ Yn rhad ac am ddim

Cyfle i ddysgu am y Senedd yng nghwmni ein tywyswyr gwybodus, naill ai yn eich cartref eich hun neu yn y man lle mae eich grŵp yn cwrdd. Bydd y cyflwyniad yn ymdrin â’r canlynol:

• Y Senedd – yr adeilad unigryw a’i nodweddion cynaliadwyedd
• Sut y cafodd y Senedd ei chreu a digwyddiadau pwysig ers hynny
• Sut y mae pobl Cymru yn cael eu cynrychioli

Cyflwynir y sgyrsiau ar-lein drwy gyfrwng Microsoft Teams. Gall unigolion neu grwpiau gofrestru, a bydd aelodau o’n tîm Ymgysylltu ag Ymwelwyr ar gael ar y diwedd i ateb eich cwestiynau. 

Os oes angen rhagor o wybodaeth arnoch, neu os hoffech drafod archeb, dylech gysylltu â ni a byddwn yn hapus i helpu.