.

Atebion a roddwyd i Aelodau ar 15 Gorffennaf 2009

[R] yn nodi bod yr Aelod wedi datgan buddiant.
[W] yn nodi bod y cwestiwn wedi’i gyflwyno yn Gymraeg.

Cynnwys

Cwestiynau i’r Prif Weinidog

Cwestiynau i’r Gweinidog dros Blant, Addysg, Dysgu Gydol Oes a Sgiliau

Cwestiynau i’r Gweinidog dros Iechyd a Gwasanaethau Cymdeithasol

Cwestiynau i’r Gweinidog dros Dreftadaeth

Cwestiynau i’r Prif Weinidog

Nick Ramsay (Mynwy): Er mis Mai 2007, faint mae Llywodraeth Cynulliad Cymru wedi’i wario ar ymweliadau tramor ac a allech ddarparu manylion imi am i) lleoliad; ii) teithwyr; iii) cynhaliaeth; iv) llety; a v) costau ychwanegol? (WAQ54516)

Y Prif Weinidog (Rhodri Morgan): Ers mis Mai 2007 mae £109,911 wedi’i wario ar ymweliadau tramor. Dangosir y wybodaeth sydd gennym yn y tabl canlynol. Rydym yn cadw data ar gyfanswm y costau, nid ar y dadansoddiad manwl y gofynnwyd amdano.

Ymweliadau Tramor - Mai 2007 i Fehefin 2009

Cwestiynau i’r Gweinidog dros Blant, Addysg, Dysgu Gydol Oes a Sgiliau

Kirsty Williams (Brycheiniog a Sir Faesyfed): A wnaiff y Gweinidog ddatganiad am barhau’r grant ysgolion bach ac am werth ysgolion bach i’r gymuned? (WAQ54538)

Y Gweinidog dros Blant, Addysg, Dysgu Gydol Oes a Sgiliau (Jane Hutt): Yn Cymru’n Un, gwnaethom ymrwymo i barhau â’r broses o ariannu ysgolion bach ac ysgolion gwledig, ac rydym wedi cyflawni’r ymrwymiad hwn. Yn 2009/10 mae cyfanswm o £4.1 miliwn eto ar gael i awdurdodau lleol er mwyn cefnogi cydweithio, penaethiaid sy’n addysgu ac i hyrwyddo ffocws cymunedol ysgolion bach. Mater i awdurdodau lleol yw penderfynu ar batrwm yr ysgolion i wasanaethu pob un o’u cymunedau, a maint priodol yr ysgol sydd ei hangen ym mhob ardal.

Cwestiynau i’r Gweinidog dros Iechyd a Gwasanaethau Cymdeithasol

Andrew R.T. Davies (Canol De Cymru): Faint o farwolaethau a oedd yn gysylltiedig ag alcohol a gafwyd yng Nghymru ymhob blwyddyn er 1999 ac a wnaiff y Gweinidog ddarparu dadansoddiad fesul ardal BILl yn ogystal â phroffil oedran o’r rhai a fu farw? (WAQ54545)

Y Gweinidog dros Iechyd a Gwasanaethau Cymdeithasol (Edwina Hart): Gellir canfod y diffiniad o farwolaethau a oedd yn gysylltiedig ag alcohol ar wefan y Swyddfa Ystadegau Gwladol yn:

www.statistics.gov.uk/StatBase/Product.asp?vlnk=14496&Pos=&ColRank=1&Rank=272

Mae’r tabl isod yn dangos nifer y marwolaethau a oedd yn gysylltiedig ag alcohol fesul grwpiau oedran yng Nghymru ers 1999.

Marwolaethau a oedd yn gysylltiedig ag alcohol ymysg trigolion cyffredin Cymru, fesul grŵp oedran, 1999 i 2007.

Darperir data pellach fesul ardal BILl ar wefan y Gwasanaeth Iechyd Cyhoeddus Cenedlaethol (NPHS) yn:

www.howis.wales.nhs.uk/sites3/page.cfm?orgid=719&pid=28657

Andrew R.T. Davies (Canol De Cymru): Faint o bobl sydd wedi mynd i adrannau Damweiniau ac Achosion Brys gyda chyflyrau sy’n gysylltiedig ag alcohol er 1999 ac a wnaiff y Gweinidog ddarparu dadansoddiad fesul ardal BILl? (WAQ54546)

Edwina Hart: Ers mis Ebrill 2009, casglwyd data ar b’un a yw achosion mewn unedau Damweiniau ac Achosion Brys yn gysylltiedig ag alcohol ar gyfer Set Ddata yr Adran Achosion Brys. Nid oes data wedi’i gyhoeddi o’r ffynhonnell hon hyd yma.

Andrew R.T. Davies (Canol De Cymru): Faint o bobl sydd wedi mynd i adrannau Damweiniau ac Achosion Brys ag anafiadau o ganlyniad i drais domestig ymhob blwyddyn er 1999 ac a wnaiff y Gweinidog ddarparu dadansoddiad fesul ardal BILl? (WAQ54547)

Edwina Hart: Ni chesglir data yn rheolaidd ar hyn o bryd ond mae gweithred yn fersiwn ddrafft ein cynllun gweithredu strategol sy’n nodi, 'Sicrhau bod gan Adrannau Damweiniau ac Achosion Brys systemau gwybodaeth a all nodi unigolion a gaiff eu derbyn i’r ysbyty dro ar ôl tro, ac yn arbennig unigolion a gaiff eu derbyn dro ar ôl tro ac sydd wedi’u hanafu. Bydd hyn yn caniatáu i atgyfeiriadau priodol ac amserol gael eu gwneud.’

Huw Lewis (Merthyr Tudful a Rhymni): A wnaiff y Gweinidog roi’r wybodaeth ddiweddaraf am yr adolygiad o’r defnydd o rifau ffôn 0844 / 0845 gan bractisau meddygon teulu? (WAQ54548)

Edwina Hart: Yn ddiweddar derbyniais bapur briffio gan fy swyddogion yn ymwneud â’r dewisiadau posibl, ond ar ôl rhoi ystyriaeth fanwl iddo, gofynnais i swyddogion gyflawni gwaith pellach cyn i mi benderfynu pa gamau rwyf am eu cymryd. Gobeithiaf fod mewn sefyllfa i wneud penderfyniad ar y ffordd ymlaen yn fuan iawn.

Andrew R.T. Davies (Canol De Cymru): A wnaiff y Gweinidog ddatganiad am drin cleifion glawcoma yn y gymuned? (WAQ54549)

Edwina Hart: Ar 24 Mehefin cyhoeddais gynllun peilot y ganolfan ddiagnostig offthalmig a fyddai’n gwerthuso dichonoldeb y prosesau diagnosio a monitro glawcoma yn y gymuned. Mae dyddiadau peilot a dyddiadau agor y clinigau dal yn berthnasol.

Andrew R.T. Davies (Canol De Cymru): A wnaiff y Gweinidog roi’r wybodaeth ddiweddaraf am y contract optometreg newydd? (WAQ54550)

Andrew R.T. Davies (Canol De Cymru): Pryd bydd y contract optometreg newydd yn barod i’w gyflwyno? (WAQ54551)

Edwina Hart: Daeth adolygiad o’r ddarpariaeth gofal llygaid yng Nghymru i gasgliad y dylid cyflwyno llwybr claf gwell. Cytunwyd ar hyn gydag Optometreg Cymru. Mae’r anawsterau economaidd presennol wedi cael effaith andwyol ar weithredu’r cynllun. Nid wyf wedi penderfynu eto pryd y caiff y contract ei gyflwyno.

Cwestiynau i’r Gweinidog dros Dreftadaeth

Ann Jones (Dyffryn Clwyd): A wnaiff y Gweinidog ddarparu dadansoddiad, fesul lleoliad, yn dangos lle mae Athletau Cymru yn darparu rhaglenni cefnogi ar gyfer athletwyr o Gymru ar hyn o bryd? (WAQ54524)

Y Gweinidog dros Dreftadaeth (Alun Ffred Jones): Mae’r Cyngor Chwaraeon yn gweithio’n agos gydag Athletau Cymru i roi cymorth i athletwyr ledled Cymru.

Un enghraifft yw’r rhaglen Talent Cymru a anelir at athletwyr rhwng 14 a 19 oed. Mae’r cynllun hwn yn darparu cymorth ariannol a chymorth arall i athletwyr sydd â’r potensial i fodloni meini prawf UK Pathway neu Elite Cymru yn ôl Cyrff Llywodraethu Cymru, Athletau Cymru yn yr achos hwn.

Mae Athletau Cymru hefyd yn cyflogi nifer o hyfforddwyr arbenigol i weithio gydag athletwyr perfformiad uchel ac maent wedi sefydlu Canolfannau Datblygu Rhanbarthol yn Abertawe, Glannau Dyfrdwy a Chaerdydd. Cynhelir cyfres o weithdai seicoleg hefyd yng Nghaerdydd, yn Abertawe ac yng Ngogledd Cymru a fydd yn dechrau ym mis Awst. At hynny, drwy Sefydliad Chwaraeon Rhanbarthol Gogledd Cymru, gall athletwyr penodol wneud defnydd o wasanaethau ffisiotherapi yn Llanrwst a Wrecsam.  

Mae’r rhestr isod yn rhoi manylion am yr athletwyr sy’n derbyn cymorth gan Talent Cymru.