Cynigion a Gwelliannau i’w Trafod ar 2 Mai 2012
Cynigion a gyflwynwyd ar 25 Ebrill 2012
Dadl Fer
NDM4968
Mark Isherwood (Gogledd Cymru): Gofal Hosbis a Gofal Lliniarol yng Nghymru
Wrth i’r boblogaeth heneiddio ac wrth i bobl ddynesu at ddiwedd eu hoes gydag anghenion gofal mwy cymhleth drwy’r amser, nodir bod hwyluso mynediad at ofal lliniarol a gofal diwedd oes sy'n gost effeithiol ac o ansawdd uchel yn mynd i ddod yn fwyfwy pwysig.
N
DM4969
Rosemary Butler (Gorllewin Casnewydd)
Cynnig bod Cynulliad Cenedlaethol Cymru, yn unol â Rheol Sefydlog 16.5:
1. Yn sefydlu Pwyllgor Craffu ar Waith y Prif Weinidog; a
2. Yn cytuno mai cylch gwaith y Pwyllgor fydd craffu ar waith y Prif Weinidog am unrhyw fater sy’n berthnasol i’r gwaith o arfer swyddogaethau Llywodraeth Cymru.
NDM4970
Rosemary Butler (Gorllewin Casnewydd)
Cynnig bod Cynulliad Cenedlaethol Cymru, yn unol â Rheol Sefydlog 17.3, yn ethol:
1. Paul Davies (Ceidwadwyr), Mark Drakeford (Llafur), Elin Jones (Plaid Cymru), David Melding (Ceidwadwyr) ac Eluned Parrott (Democratiaid Rhyddfrydol) yn aelodau o’r Pwyllgor Craffu ar Waith y Prif Weinidog; a
2. David Melding (Ceidwadwyr) yn Gadeirydd y Pwyllgor Craffu ar Waith y Prif Weinidog.
NDM4971
Christine Chapman (Cwm Cynon)
Cynnig bod Cynulliad Cenedlaethol Cymru:
Yn nodi adroddiad y Pwyllgor Plant a Phobl Ifanc ar yr ymchwiliad i iechyd y geg ymhlith plant, a osodwyd yn y Swyddfa Gyflwyno ar 22 Chwefror 2012.
Noder: Gosodwyd ymateb Llywodraeth Cymru ar 25 Ebrill 2012.
NDM4972
William Graham (Dwyrain De Cymru)
Cynnig bod Cynulliad Cenedlaethol Cymru:
1. Yn nodi:
a) y manteision i economi Cymru a fyddai’n dod yn sgîl rhewi’r dreth gyngor;
b) yr arian canlyniadol gwerth £38.9m gan Lywodraeth y DU o ganlyniad i gyllido rhewi’r dreth gyngor yn Lloegr;
c) y byddai cost rhewi’r dreth gyngor yn y flwyddyn ariannol 2012-13 yn sylweddol is na’r £38.9m;
d) y manteision y gellid eu gwireddu gyda gweddill yr arian i helpu busnesau bach a chanolig yng Nghymru
2. Yn galw am dryloywder, atebolrwydd ac effeithlonrwydd llwyr mewn gwariant cyhoeddus yng Nghymru.
NDM4973
Peter Black (Gorllewin De Cymru)
Cynnig bod Cynulliad Cenedlaethol Cymru:
Yn croesawu’r rheolaeth ariannol ofalus a gaiff ei chyflawni gan awdurdodau lleol a arweinir gan Ddemocratiaid Rhyddfrydol Cymru sydd wedi’u galluogi i gadw’r codiadau yn y dreth gyngor yn isel dros yr wyth mlynedd diwethaf.
Gwelliannau a gyflwynwyd ar 26 Ebrill 2012
Cynnig bod y Cynulliad yn penderfynu mabwysiadu’r gwelliannau isod i gynigion:
NDM4972
1. Jocelyn Davies (Dwyrain De Cymru)
Ym mhwynt 1, dileu ‘rhewi’r dreth gyngor’ a rhoi yn ei le ‘rhagor o wariant ar seilwaith’
2. Jocelyn Davies (Dwyrain De Cymru)
Ym mhwynt 1, dileu popeth ar ôl ‘yn ’ a rhoi yn ei le ‘Lloegr ac yn credu y dylid defnyddio’r arian hwn i ysgogi economi Cymru, gan gynnwys helpu busnesau bach a chanolig yng Nghymru.’
3. Jocelyn Davies (Dwyrain De Cymru)
Cynnwys ar ddiwedd pwynt 2: ‘yn cynnwys gwneud gwell defnydd o wariant ar seilwaith’
Gwelliannau a gyflwynwyd ar 27 Ebrill 2012
Cynnig bod y Cynulliad yn penderfynu mabwysiadu’r gwelliannau isod i gynigion:
NDM4972
1. Peter Black (Gorllewin De Cymru)
Ar ddiwedd pwynt 1b, ychwanegu:
“ac yn croesawu’r pecyn ysgogi economaidd a gyllidwyd ganddo.”
2. Peter Black (Gorllewin De Cymru)
Ychwanegu pwynt newydd ar ddiwedd y cynnig:
Yn nodi bod 16 Cyngor Ceidwadol yn Lloegr ac un yng Nghymru wedi methu â dilyn polisi’r blaid Geidwadol wrth iddynt gynyddu’r dreth gyngor eleni.
3. Peter Black (Gorllewin De Cymru)
Ychwanegu pwynt newydd ar ddiwedd y cynnig:
"Yn croesawu’r rheolaeth ariannol ofalus a gaiff ei chyflawni gan awdurdodau lleol a arweinir gan Ddemocratiaid Rhyddfrydol Cymru sydd wedi’u galluogi i gadw’r codiadau yn y dreth gyngor yn isel dros yr wyth mlynedd diwethaf."
4. Peter Black (Gorllewin De Cymru)
Dileu pwynt 1c ac 1d.
NDM4973
1. William Graham (Dwyrain De Cymru)
Dileu’r cyfan a rhoi yn ei le:
Yn annog rheolaeth ariannol ofalus ar ran pob awdurdod lleol i’w galluogi i rewi’r dreth gyngor
2. William Graham (Dwyrain De Cymru)
Ychwanegu pwynt newydd.
Yn gresynu wrth fethiant Llywodraeth Cymru i drosglwyddo’r £38.9 miliwn o arian canlyniadol er mwyn gallu rhewi’r dreth gyngor ledled Cymru.