Cynigion a gwelliannau i'w trafod ar 25 Tachwedd 2015
Cynigion a gyflwynwyd ar 9 Tachwedd 2015
NNDM5872 Llyr Gruffydd (Gogledd Cymru)
Cynnig bod Cynulliad Cenedlaethol Cymru, yn unol â Rheol Sefydlog 27.2:
Yn cytuno bod Gorchymyn Twbercwlosis (Cymru) (Diwygio) 2015, a osodwyd gerbron y Cynulliad ar 12 Hydref 2015, yn cael ei ddirymu.
Cynigion a gyflwynwyd ar 18 Tachwedd 2015
Dadl Fer
NDM5887 Darren Millar (Gorllewin Clwyd)
Pentecostiaeth yng Nghymru: Pam ddylai Cymru wneud mwy i ddathlu ei threftadaeth gyfoethog Pentecostaidd.
NDM5888 Paul Davies (Preseli Sir Benfro)
Cynnig bod Cynulliad Cenedlaethol Cymru:
1. Yn gresynu at y ffaith bod lefelau sbwriel, cŵn yn baeddu, tipio anghyfreithlon a graffiti yn parhau i fod yn bla ar lawer o gymunedau lleol ledled Cymru;
2. Yn galw ar Lywodraeth Cymru i weithio gydag awdurdodau lleol i edrych ar gynyddu cosbau ar gyfer troseddau amgylcheddol; a
3. Yn cydnabod y rôl y gall ailgylchu ei chwarae yn y broses o leihau gwastraff a sicrhau cymunedau glanach ledled Cymru ac yn annog Llywodraeth Cymru i edrych ar atebion arloesol i hybu ailgylchu ymhellach.
NDM5890 Elin Jones (Ceredigion)
Cynnig bod Cynulliad Cenedlaethol Cymru:
1. Yn nodi'r angen i gryfhau perfformiad economi gogledd Cymru;
2. Yn cydnabod yr angen i ddatblygu gogledd Cymru fel pwerdy economaidd ochr yn ochr â phwerdy gogledd Lloegr a gan gydweithio gydag ef er mwyn hyrwyddo gweithgarwch economaidd trawsffiniol;
3. Yn cydnabod pwysigrwydd buddsoddiad seilwaith i hyrwyddo'r economi, yn galw am raglen barhaus o welliannau i goridor yr A55 ac yn galw ar Lywodraeth Cymru i barhau i gefnogi trydaneiddio rheilffordd arfordir gogledd Cymru; a
4. Yn credu bod yn rhaid i fasnachfraint ddatganoledig nesaf Cymru barhau i gynnwys llwybrau i ogledd-orllewin Lloegr.
NDM5889 Aled Roberts (Gogledd Cymru):
Cynnig bod Cynulliad Cenedlaethol Cymru:
1. Yn cydnabod pwysigrwydd sicrhau cytundeb byd-eang ar gytuniad newid hinsawdd yng Nghynhadledd Newid Hinsawdd y Cenhedloedd Unedig ar gyfer 2015 ym Mharis, i sicrhau bod yr amcan y cytunwyd arno yn rhyngwladol o gyfyngu ar gyfartaledd y cynnydd mewn tymheredd byd-eang i lai na dwy radd Celsius yn aros o fewn cyrraedd; a
2. Yn galw ar Lywodraeth Cymru i arwain gydag uchelgais drwy osod targed ym Mil yr Amgylchedd (Cymru) ar gyfer gostyngiad o 100 y cant mewn nwyon tŷ gwydr erbyn 2050.
Cynigion a gwelliannau i'w trafod ar 25 Tachwedd 2015
Cynigion a gyflwynwyd ar 9 Tachwedd 2015
NNDM5872 Llyr Gruffydd (Gogledd Cymru)
Cynnig bod Cynulliad Cenedlaethol Cymru, yn unol â Rheol Sefydlog 27.2:
Yn cytuno bod Gorchymyn Twbercwlosis (Cymru) (Diwygio) 2015, a osodwyd gerbron y Cynulliad ar 12 Hydref 2015, yn cael ei ddirymu.
Gwelliannau a gyflwynwyd ar 19 Tachwedd 2015
Cynnig bod y Cynulliad yn penderfynu mabwysiadu'r gwelliannau isod i gynigion:
NDM5888
1. Elin Jones (Ceredigion)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i gyflwyno cynllun dychwelyd blaendal ar gyfer cynwysyddion plastig a gwydr a chaniau diod yng Nghymru.
2. Aled Roberts (Gogledd Cymru)
Cynnwys pwynt 2 newydd ac ail-rifo yn unol â hynny:
Yn nodi y gall awdurdodau lleol waethygu'r sefyllfa hon drwy godi tâl ar gyfer casglu gwastraff swmpus a chau canolfannau ailgylchu.
3. Aled Roberts (Gogledd Cymru)
Mewnosod ar ddiwedd pwynt 2:
'gan gynnwys dirwyon yn y fan a'r lle er mwyn glanhau ein strydoedd a'n ardaloedd gwledig.'
4. Aled Roberts (Gogledd Cymru)
Ym mhwynt 3, cyn 'ymhellach' mewnosod:
', trwsio ac ailddefnyddio'
NDM5889
1. Jane Hutt (Bro Morgannwg)
Dileu pwynt 2.
NDM5890
1. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn croesawu cydnabyddiaeth Llywodraeth y DU bod gogledd Cymru yn rhan ganolog o brosiect pwerdy'r gogledd.
2. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn gresynu at y ffaith nad oes gan Lywodraeth Cymru strategaeth glir gan sy'n anelu at sicrhau bod gogledd Cymru yn elwa ar yr holl fanteision posibl y mae prosiect pwerdy'r gogledd yn eu cynnig.
3. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn credu y byddai penodi Gweinidog Llywodraeth Cymru sydd â chyfrifoldeb dynodedig ar gyfer gogledd Cymru yn chwarae rôl hollbwysig o ran gwella perfformiad economaidd y rhanbarth.
4. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn nodi â phryder y sylwadau gan gadeirydd Siambr Fasnach Gogledd Cymru, a ddywedodd fod Llywodraeth Cymru yn canolbwyntio gormod ar Gaerdydd.
'North Wales: Chamber boss Richard Thomas calls for devolution debate'
5. Aled Roberts (Gogledd Cymru)
Mewnosod ar ddiwedd pwynt 3:
'i wella'r potensial ar gyfer cludo teithwyr a nwyddau ar reilffyrdd.'
6. Aled Roberts (Gogledd Cymru)
Mewnosod ar ddiwedd pwynt 4:
'a diogelu cysylltiadau rheilffordd â Birmingham.'
Gwelliannau a gyflwynwyd ar 20 Tachwedd 2015
Cynnig bod y Cynulliad yn penderfynu mabwysiadu'r gwelliannau isod i gynigion:
NDM5889
1. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn gresynu at y ffaith nad yw Llywodraeth Cymru ar y trywydd iawn i gyrraedd ei thargedau newid hinsawdd ar gyfer 2020.
2. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i gyflymu ei gwaith cynllunio economi carbon isel ar gyfer Cymru, i ddarparu swyddi gwyrdd ar gyfer y dyfodol.
3. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn cydnabod pwysigrwydd monitro allyriadau carbon blynyddol.
4. Paul Davies (Preseli Sir Benfro)
Ychwanegu pwynt newydd ar ddiwedd y cynnig:
Yn nodi'r rôl y gall ôl-osod eiddo hŷn ei chwarae o ran bodloni'r targedau lleihau allyriadau carbon.
5. Elin Jones (Ceredigion)
Ychwanegu pwynt newydd ar ddiwedd y cynnig:
Yn galw ar Lywodraeth Cymru i gryfhau rheoliadau adeiladu a uwchraddio ei rhaglen ôl-osod yn sylweddol er mwyn torri allyriadau, helpu i fynd i'r afael â thlodi tanwydd a chreu swyddi.