Roedd Christine
Chapman yn Aelod o Gynulliad Cenedlaethol Cymru rhwng Mai 1999 ac Ebrill 2016.
Hwn oedd ei bywgraffiad pan fu adael.
Cefndir personol
Ganwyd Christine Chapman
yn y Porth, Rhondda. Mae ganddi radd BA (Anrhydedd) mewn Hanes ac Astudiaethau
Clasurol o Brifysgol Cymru, Aberystwyth, ac MSc Econ ac MPhil o Brifysgol
Caerdydd. Mae ganddi ddiploma o Bolytechnig y South Bank, hefyd, mewn Cynghori
Gyrfa.
Cefndir proffesiynol
Ym maes addysg y
mae cefndir proffesiynol Christine. Mae wedi gweithio i’r gwasanaeth gyrfaoedd
ac i ddwy bartneriaeth addysg busnes. Mae hefyd wedi gweithio fel gweithiwr
ieuenctid ac athrawes mewn ysgol uwchradd.
Mae Christine yn
credu’n gryf mewn dysgu gydol oes, ac mae ganddi ddiddordeb arbennig mewn
datblygu economaidd, cyfle cyfartal, adfywio cymunedol a hanes menywod
Cefndir gwleidyddol
Etholwyd
Christine i’r Cynulliad am y tro cyntaf ym 1999. Mae ei swyddi blaenorol yn
cynnwys cadeirio Pwyllgor Monitro’r Rhaglen Amcan Un, bod yn Ddirprwy Weinidog
dros Addysg a Dysgu Gydol Oes, a’r Dirprwy Weinidog dros Gyllid, Llywodraeth
Leol a Gwasanaethau Cyhoeddus. Mae hefyd wedi bod yn Gadeirydd y Pwyllgor
Deisebau. Mae Christine hefyd yn cynrychioli Cynulliad Cymru ar Bwyllgor y
Rhanbarthau, ac mae’n Gadeirydd Grŵp
Menywod a Democratiaeth y Cynulliad.
Cyn cael ei
hethol yn Aelod Cynulliad Llafur dros Gwm Cynon, roedd Christine yn gynghorydd
ar Gyngor Bwrdeistref Sirol Rhondda Cynon Taf.
Ymgysylltiadau
Mae Christine yn
Ysgrifennydd Grŵp
UNSAIN Llafur ac yn aelod o’r Blaid Gydweithredol. Mae hefyd yn cefnogi ymgyrch
“Y Gynghrair Does Dim Curo Plant”.
Cofrestr
Buddiannau
Cofrestr Buddiannau – Y Pedwerydd Cynulliad (PDF, 739KB)
Cofrestr Buddiannau – Y Trydydd Cynulliad
(PDF, 466KB)
Cofrestr Buddiannau – Yr Ail Gynulliad (PDF,
362KB)
Cofrestr Buddiannau – Y Cynulliad Cyntaf (PDF,
307KB)
