Prif
ddiddordebau a chyflawniadau
Mae gan Kerry
ymrwymiad hirsefydlog i ddatblygu cymunedau, addysg a chefnogi busnesau lleol.
Cyn cael ei hethol i'r Senedd, bu’n gwasanaethu fel cynghorydd tref yn
Aberystwyth ers 2021, gan wasanaethu fel Maer Aberystwyth yn 2023-24. Mae hi
hefyd wedi chwarae rôl weithredol yng ngwaith ystod o sefydliadau gwirfoddol a
chymunedol, gan gynnwys Menter Aberystwyth, lle bu’n helpu i gynnal
digwyddiadau a chyflawni prosiectau adfywio ledled y dref, ac fel Cyd-gadeirydd
Clwb Busnes Aberystwyth rhwng 2022 a 2025. Gwasanaethodd Kerry fel Llywydd Clwb
Rotari Ardal Aberystwyth yn ystod 2023–24, gan gefnogi ymdrechion elusennau i
godi arian a mentrau cymunedol ar draws Aberystwyth a’r ardal. Bu hefyd yn
llywodraethwr ysgol yn Ysgol Penglais ac Ysgol Plascrug.
Hanes personol
Cafodd Kerry ei
geni yn Sir Ddinbych, a threuliodd ei phlentyndod cynnar ym Metws Gwerful Goch
cyn symud i Gerrigydrudion. Bu Kerry yn ddisgybl yn Ysgol Cerrigydrudion, ac
yna yn Ysgol Brynhyfryd yn Rhuthun. Symudodd Kerry i Aberystwyth i astudio ym
Mhrifysgol Aberystwyth yn 2007. Enillodd radd BSc mewn Gwyddor Daear
Amgylcheddol cyn cwblhau gradd MSc mewn Monitro a Dadansoddi Amgylcheddol. Mae
hi bellach wedi ymgartrefu yng Ngheredigion, ac wedi chware rôl weithredol mewn
bywyd cymunedol ers blynyddoedd lawer. Mae'n angerddol am gefnogi'r cymunedau
a'r busnesau sy'n cyfrannu at lwyddiant yr ardal.
Cefndir
proffesiynol
Cyn cael ei
hethol i'r Senedd, Kerry oedd sylfaenydd cwmni dwyieithog ym maes dylunio
gwefannau a marchnata digidol a sefydlwyd yn Aberystwyth yn 2013. O dan ei
harweinyddiaeth, tyfodd y busnes yn gwmni arobryn sy'n cefnogi sefydliadau a
busnesau ledled Cymru a thu hwnt. Yn 2024, daeth Kerry yn rhan o drefniadau
perchnogaeth a datblygu bragdy lleol. Ochr yn ochr â'i gyrfa fusnes, bu'n
gweithio fel tiwtor yn Adran Dysgu Gydol Oes Prifysgol Aberystwyth rhwng 2022 a
2024, a bu’n fentor gyda Busnes Cymru, ac yn fodel rôl gyda menter Syniadau
Mawr Cymru. Mae profiad proffesiynol Kerry yn cwmpasu entrepreneuriaeth,
technoleg ddigidol, marchnata, datblygu busnes, addysg ac arweinyddiaeth
gymunedol.
Hanes
gwleidyddol
Etholwyd Kerry yn
gynghorydd tref yn Aberystwyth yn 2021, gan wasanaethu fel Maer Aberystwyth yn
2023–24. Ym mis Mai 2026, cafodd ei hethol yn Aelod o'r Senedd, yn cynrychioli
etholaeth Ceredigion Penfro.
Arall
Mae Kerry yn hoff
o wylio adar a chymryd ffotograffau o fywyd gwyllt. Mae hi hefyd yn mwynhau
garddio, darllen a chanu mewn côr. Mae hi'n angerddol am gadwraeth
amgylcheddol, gwirfoddoli cymunedol a chefnogi diwylliant Cymru a mentrau
lleol.
