Prif
ddiddordebau a chyflawniadau
Mae prif
flaenoriaethau Kiera yn ymwneud â phobl ifanc, menywod, tai, yr economi a
chyfiawnder cymdeithasol.
Hanes personol
Magwyd Kiera yn
Townhill, Abertawe. Aeth i Ysgol Bishop Gore a Choleg Gŵyr Abertawe cyn astudio Llywodraeth ac
Economeg yn Ysgol Economeg Llundain. Mae’n byw yng Nghaerdydd ers 2021, ac yn 2025 croesawodd ei phlentyn cyntaf
gyda'i phartner.
Cefndir
proffesiynol
Dechreuodd Kiera
ei gyrfa yn gweithio ym maes lletygarwch yn Abertawe, cyn gweithio i'r
Gyfnewidfa Polisi Cyhoeddus tra oedd yn astudio yn Llundain. Ar ôl graddio,
bu’n gweithio ym maes polisi economaidd fel ymchwilydd i Blaid Cymru ac fel
Dirprwy Bennaeth Polisi i Ffederasiwn Busnesau Bach Cymru.
Hanes
gwleidyddol
Dechreuodd Kiera
ymwneud â gwleidyddiaeth pan oedd yn ei harddegau. Bu’n gyd-gadeirydd Plaid
Ifanc yn 2025-26 ac yn swyddog menywod yn 2024-25. Am sawl blwyddyn, mae wedi
bod yn swyddog ieuenctid i gangen Gorllewin Caerdydd Plaid Cymru. Hi hefyd oedd
ymgeisydd Plaid Cymru yng Ngorllewin Caerdydd yn Etholiad Cyffredinol y DU yn
2024. Ers cael ei hethol, mae wedi ei henwebu'n gadeirydd y Grŵp Trawsbleidiol ar Gyflogaeth Ieuenctid ac
mae'n aelod o Bwyllgor Economi, Ynni a Chysylltedd a Phwyllgor Deddfwriaeth y
Senedd.
