Mae gan Lyn hanes
hir o wasanaeth cyhoeddus yng nghymunedau hen etholaeth Islwyn a chymoedd
ehangach y de-ddwyrain. Mae ei gwaith wedi ymdrin â thai, iechyd a gofal
cymdeithasol, gwasanaethau amgylcheddol, llywodraeth leol, ac adfywio
cymunedol. Mae ganddi ddiddordeb arbennig mewn sut y gellir defnyddio arian
cyhoeddus yn effeithiol i wella gwasanaethau a chryfhau cymunedau. Ers iddi
gael ei hethol i'r Senedd, mae Lyn wedi gwasanaethu fel aelod o'r Pwyllgor
Cyllid.
Cafodd Lyn ei
magu yng Nghrymlyn ac mae wedi byw yn Nhrecelyn ers 1986. Aeth i Ysgol Lefel
Uchel Crymlyn ac Ysgol Gyfun Trecelyn.
Mae Lyn wedi bod
yn weithgar yn ei chymuned leol ers blynyddoedd lawer. Mae ei gwaith cymunedol
wedi cynnwys gwasanaethu fel llywodraethwr ysgol a gweithio gyda sefydliadau
cymunedol a gwirfoddol lleol.
Gwasanaethodd Lyn
am fwy na 15 mlynedd fel aelod o Gyngor Bwrdeistref Sirol Caerffili, yn
cynrychioli Trecelyn.
Yn ystod ei
chyfnod ar y cyngor, roedd ganddi gyfrifoldebau uwch gan gynnwys bod yn Aelod
o’r Cabinet dros yr Amgylchedd a Thai ac yn ddiweddarach Gwasanaethau Cyhoeddus
a Thai. Hi hefyd oedd cadeirydd Pwyllgor Craffu Iechyd, Gofal Cymdeithasol a
Llesiant y cyngor.
Mae Lyn wedi
cynrychioli Plaid Cymru mewn sawl etholiad. Safodd yn Islwyn yn etholiad
cyffredinol y DU yn 2015 ac etholiad Cynulliad Cenedlaethol Cymru 2016, ac yn
Nhorfaen yn etholiad y Senedd 2021.
Ym mis Mai 2026
cafodd ei hethol i'r Senedd fel Aelod Plaid Cymru dros Gasnewydd Islwyn.
Mae ei gwaith
gwleidyddol wedi parhau i fod â chysylltiad agos â'r cymunedau lle y cafodd ei
magu ac y mae wedi byw ynddynt am y rhan fwyaf o'i bywyd fel oedolyn, gyda
ffocws penodol ar gynrychiolaeth leol ymarferol a gwasanaethau cyhoeddus.
