Prif
ddiddordebau a chyflawniadau
Mae Mair wedi
dangos ymrwymiad cryf i rymuso pobl ifanc a chymunedau, a hyrwyddo
cydraddoldeb, yr iaith Gymraeg a chynaliadwyedd. Mae ei gwaith arweinyddiaeth
yn ymestyn dros addysg uwch, y sector gwirfoddol a llywodraeth leol, ynghyd â
chyfraniad gwerthfawr ar fyrddau cymunedol ac elusennol.
Hanes personol
Cafodd Mair
Rowlands ei geni a’i magu yng Nghaerdydd cyn symud i ogledd Cymru i astudio ym
Mhrifysgol Bangor. Mae’n byw ym Mangor gyda’i phartner a’i phlentyn ifanc, ac
mae ganddi angerdd dros gefnogi teuluoedd a chryfhau cymunedau ar draws Bangor,
Conwy a Môn.
Cefndir
proffesiynol
Mae gan Mair dros
ddegawd o brofiad arwain ar draws addysg uwch, y sector gwirfoddol a
llywodraeth leol. Cyn ei hetol yn Aelod Senedd roedd yn gweithio fel
Cyfarwyddwr Undeb Myfyrwyr Prifysgol Bangor, ac yn flaenorol bu’n gweithio ym
maes cynaliadwyedd yn y Brifysgol.
Hanes
gwleidyddol
Cafodd Mair ei
hethol gyntaf fel cynghorydd Plaid Cymru yn 2012 yn 23 oed. Yn ddiweddarach
bu’n Aelod Cabinet dros Blant, Pobl Ifanc a Hamdden cyn dod yn Ddirprwy
Arweinydd Cyngor Gwynedd yn 28 oed.
