Prif
ddiddordebau a chyflawniadau
Mae Nick yn
canolbwyntio ar gefnogi ei etholwyr drwy wrando ac ymgysylltu â phob cymuned ar
draws etholaeth Caerdydd Ffynnon Taf, yn enwedig y rhai y mae tlodi yn peri her
i’w canlyniadau bywyd. Bydd cefnogi pobl
ifanc yng nghyd-destun eu hanghenion, eu haddysg a’u cyfleoedd hefyd yn
flaenoriaeth, ynghyd â hyrwyddo camau gweithredu i fynd i'r afael â'r argyfwng
hinsawdd. Mae hefyd yn benderfynol o ganolbwyntio ar ein heconomi a chefnogi
busnesau annibynnol lleol.
Hanes personol
Bu Nick yn
ddisgybl mewn ysgolion yng Nghrucywel, Hwlffordd ac Abertawe, ac mae wedi byw a
gweithio yng Nghaerdydd ers dros 20 mlynedd, gan ymgartrefu yno gyda'i wraig
a'i ddwy ferch. Astudiodd yng Ngholeg
Polytechnig Lerpwl, dysgodd Gymraeg fel oedolyn, a chwblhaodd radd MSc mewn
Gwleidyddiaeth a Llywodraeth Cymru ym Mhrifysgol Caerdydd yn 2021.
Cefndir
proffesiynol
Cymhwysodd Nick
fel syrfëwr siartredig ym 1994, a gweithiodd fel ymgynghorydd eiddo masnachol
yn ninasoedd Llundain a Bryste cyn cyd-sefydlu ei fusnes arolygu ei hun yng
Nghaerdydd yn 2006, gan arbenigo mewn eiddo manwerthu canol trefi ledled Cymru.
Hanes
gwleidyddol
Cafodd Nick ei
ethol yn Aelod o’r Senedd dros etholaeth Caerdydd Ffynnon Taf ar 7 Mai 2026, a
dyma ei swydd wleidyddol gyntaf.
