Canolbwyntio ar Wasanaethau Iechyd Meddwl Plant a'r Glasoed
24 Ionawr 2014
Fel rhan o ymchwiliad newydd, bydd un o bwyllgorau Cynulliad Cenedlaethol Cymru yn archwilio safonau ac argaeledd Gwasanaethau Iechyd Meddwl Plant a'r Glasoed (CAMHS).
Bydd y Pwyllgor Plant, Pobl Ifanc ac Addysg yn ystyried a yw gwasanaethau wedi gwella o ganlyniad i ddiwygiadau a gyflwynodd Llywodraeth Cymru o dan Chwalu'r Rhwystrau;
gweithredu Mesur Iechyd Meddwl (Cymru) 2010
; a strategaeth iechyd meddwl 2012 Law yn Llaw at Iechyd Meddwl
.
argaeledd gwasanaethau ymyrraeth gynnar ar gyfer plant a phobl ifanc sydd â phroblemau iechyd meddwl;
mynediad at wasanaethau arbenigol iechyd meddwl plant a'r glasoed yn y gymuned yn haen 2 ac uwch ar gyfer plant a phobl ifanc sydd â phroblemau iechyd meddwl, gan gynnwys mynediad at therapïau seicolegol;
i ba raddau y mae gwasanaethau iechyd meddwl plant a'r glasoed yn cael eu hymgorffori o fewn gwasanaethau iechyd a gofal cymdeithasol ehangach;
a yw gwasanaethau iechyd meddwl plant a'r glasoed yn cael digon o flaenoriaeth o fewn gwasanaethau iechyd meddwl a gofal cymdeithasol ehangach, gan gynnwys dyrannu adnoddau i wasanaethau iechyd meddwl plant a'r glasoed;
unrhyw amrywiaeth rhanbarthol sylweddol o ran mynediad at wasanaethau iechyd meddwl plant a'r glasoed ledled Cymru;
effeithiolrwydd y trefniadau ar gyfer plant a phobl ifanc sydd â phroblemau iechyd meddwl sydd angen gwasanaethau brys;
i ba raddau y mae'r ddarpariaeth bresennol o wasanaethau iechyd meddwl plant a'r glasoed yn hyrwyddo diogelu, hawliau plant a chynnwys plant a phobl ifanc; ac
unrhyw faterion allweddol eraill a nodwyd gan randdeiliaid.
Dywedodd Ann Jones AC, Cadeirydd y Pwyllgor Plant, Pobl Ifanc ac Addysg, "Mae'n hanfodol fod plant a phobl ifanc sydd â phroblemau iechyd meddwl yn gallu cael gafael ar ofal o safon uchel ble bynnag y maent yng Nghymru."
"Dylai'r gofal a gânt fod yn rhan annatod hefyd o unrhyw gymorth arall sydd ar gael drwy'r gwasanaethau addysg, iechyd a gofal cymdeithasol.
"Bydd y Pwyllgor yn ystyried safon ac argaeledd y gwasanaethau hyn ledled Cymru i ganfod a oes unrhyw amrywiaethau a pham.
"Byddwn hefyd yn canfod pa effaith a gaiff polisïau Llywodraeth Cymru, gan gynnwys gweithredu'r Mesur Iechyd Meddwl, a'i strategaeth iechyd meddwl, ar y gwasanaethau hyn."
Gall unrhyw un sydd am gyfrannu wneud hynny drwy anfon e-bost i PwyllgorPPI@cymru.gov.uk neu ysgrifennu at:
Y Pwyllgor Plant, Pobl Ifanc ac Addysg
Cynulliad Cenedlaethol Cymru
Bae Caerdydd
Caerdydd
CF99 1NA
Y dyddiad cau ar gyfer cyflwyniadau yw 28 Chwefror 2014