Cydweithredu yw’r brif neges wrth i’r Llywydd ffarwelio â Llysgennad UDA
23 Ionawr 2013
Cyfarfu Rosemary Butler AC, Llywydd Cynulliad Cenedlaethol Cymru, â Louis Susman, Llysgennad UDA sy’n ymadael, heddiw (23 Ionawr).
Dyma ymweliad olaf Mr Susman â Chymru cyn iddo adael y swydd a chyn i Matthew Barzun ei olynu.
Yn ystod eu cyfarfod yn y Cynulliad, cadarnhaodd y Llywydd y cysylltiadau rhwng y Cynulliad Cenedlaethol a’r Unol Daleithiau.
Dywedodd y Llywydd, “Roedd y ddau ohonom yn cytuno bod cydweithredu a phartneriaeth rhwng yr Unol Daleithiau a Chymru yn bwysig i’r ddwy wlad.
“Croesawodd y Cynulliad swyddogion Llysgenhadaeth UDA o’r Adran Amaethyddiaeth tra oeddent yn ymweld â Sioe Frenhinol Cymru.
“Mae gan y Cynulliad interniaethau i fyfyrwyr Americanaidd sy’n rhoi cyfle iddynt gael profiad gwaith o dri mis yn swyddfeydd Aelodau’r Cynulliad o bob plaid wleidyddol.
“Gwnaethom hefyd drafod sut y gallem wella’r cysylltiadau hyn ymhellach, gyda gwell cysylltiadau er mwyn dysgu prosesau craffu a deddfwriaethol o’n gilydd.”