Hwyl i’r teulu yn y Senedd ar Ddydd Gwyl Dewi

26 Chwefror 2014

Bydd paentio wynebau, gwneud crefftau a gweld arddangosfeydd coginio yn ddim ond rhai o’r gweithgareddau hwyliog a gaiff eu cynnig wrth i Gynulliad Cenedlaethol Cymru ddathlu Dydd Gwyl Dewi yn y Senedd ar 1 Mawrth.

Caiff ymwelwyr brofi rhai o gynnyrch gorau Cymru a chael cynghorion am goginio gan Dudley Newbery, y cogydd sy’n ymddangos ar S4C.

Bydd ein tîm sy’n arwain teithiau i ymwelwyr hefyd yn rhoi sgyrsiau arbennig am waith y Cynulliad Cenedlaethol yn y Siambr, ar gyfer yr oriel gyhoeddus.

Hefyd os yw’r tywydd gwlyb a gwyntog yn parhau, gall pobl gynhesu â phowlaid o gawl am ddim.

Uchafbwynt y diwrnod fydd cyflwyno Neges Dydd Gwyl Dewi gan David Melding AC, Dirprwy Lywydd y Cynulliad Cenedlaethol.

Bu’r Cynulliad Cenedlaethol yn trydaru ffaith am Gymru bob dydd yn ystod yr wythnos sy’n arwain at 1 Mawrth, gan ddefnyddio #dyddgwyldewi.

Bydd y diwrnod i’r teulu yn y Senedd yn dechrau am 10.30. Mae’r rhaglen lawn yn cynnwys:

Celf a chrefft drwy’r dydd

Teithiau o amgylch y Cynulliad Cenedlaethol drwy’r dydd

12.00 – 14.00 – Cawl am ddim

12.00 – 14.00 – Arddangosfa goginio gan Dudley Newbury, y cogydd ar S4C

12.00 – 14.00 – Y delynores, Eleri Darkins, yn perfformio yn y Senedd

15.30 – Dirprwy Lywydd y Cynulliad yn cyflwyno’r neges Gwyl Ddewi ar lawr y Siambr

16.00 – Diwedd