Bu aelodau U3A, Prifysgol y Drydedd Oes yn Abertawe, ar ymweliad â Chynulliad Cenedlaethol Cymru ym Mae Caerdydd i ymgysylltu â gwaith y Cynulliad.
Mae U3A yn sefydliad hunan-gymorth ar gyfer pobl nad ydynt bellach mewn gwaith llawn amser. Mae'n darparu cyfleoedd addysgol, creadigol a hamdden mewn amgylchedd cyfeillgar.
Trefnwyd yr ymweliad â'r Senedd yn dilyn cyflwyniad a ddarparwyd gan Kevin Davies, Rheolwr Allgymorth y Cynulliad Cenedlaethol, ym Mhrifysgol Abertawe ym mis Hydref.
Gwyliodd aelodau U3A Abertawe gyfarfod y Pwyllgor Cyfrifon Cyhoeddus, cyfarfod â Bethan Jenkins AC, Aelod Cynulliad rhanbarthol Gorllewin De Cymru, cyn cael taith o amgylch y Senedd a gwylio Aelodau'r Cynulliad yn trafod ac yn holi Gweinidogion Llywodraeth Cymru, gan gynnwys Carwyn Jones AC, y Prif Weinidog.
Dywedodd Eluned Evans, Trysorydd U3A Abertawe:
"Bu'n ddiwrnod llawn gwybodaeth i aelodau U3A Abertawe a rhoddodd well dealltwriaeth inni o waith y Cynulliad".
Os oes gan eich grŵp ddiddordeb mewn trefnu ymweliad â'r Senedd, neu weithdy yn eich ardal, ffoniwch 0300 200 6565.
