Y Pwyllgor Diwylliant i ystyried uno Bwrdd yr Iaith Gymraeg â’r Llywodraeth

Bydd y Pwyllgor Diwylliant, y Gymraeg a Chwaraeon yn trafod uno Bwrdd yr Iaith Gymraeg â Llywodraeth Cynulliad Cymru ddydd Mercher 13 Rhagfyr yn y Senedd. Bydd y Pwyllgor yn trafod y sefyllfa gyda Bwrdd yr Iaith Gymraeg ac yn derbyn cyflwyniad ar waith a chwmpas Swyddfa Comisiynydd y Wyddeleg.   Bydd yr Aelodau hefyd yn archwilio sylwadau’r Gweinidog ar ddatblygu polisi chwaraeon yn y dyfodol a’r berthynas rhwng Llywodraeth Cynulliad Cymru a Chyngor Chwaraeon Cymru ac yn ystyried y Mesur Newid i’r Digidol (Datgelu Gwybodaeth). Caiff y cyfarfod ei gynnal am 9.00am yn Ystafell Bwyllgora 3, Y Senedd, Bae Caerdydd. Manylion llawn ac agenda