Dyddiadau: 17 Mawrth – 15 Hydref 2026
Lleoliad: Oriel y Senedd
O fis Mawrth 2026, beth am edrych ar Eich Senedd, Eich Pleidlais. Gallwch ddarganfod pam mae eich pleidlais yn bwysig a sut allwch chi lunio dyfodol Cymru – cyn ac ar ôl yr etholiad.
Mae gan Gymru ei senedd ei hun – sef Senedd Cymru.
Mae hyn yn golygu bod Senedd Cymru, nid Senedd y DU, yn pasio deddfau am bob math o bethau sy'n effeithio ar eich bywyd bob dydd yng Nghymru.
Pethau fel ysbytai a meddygon teulu, ysgolion ac addysg, trafnidiaeth ffyrdd a rheilffyrdd, ffermio, diwylliant, chwaraeon, yr amgylchedd a’r iaith Gymraeg.
Felly, bydd gan yr Aelodau o'r Senedd sy’n cael eu hethol ym mis Mai 2026 y pŵer i wneud penderfyniadau sy'n effeithio ar bawb yng Nghymru.
Ewch i’r arddangosfa i ddysgu mwy am pam mae’r etholiad yn bwysig, a dysgu am feysydd allweddol:
- Sut mae Aelodau o’r Senedd yn cael eu hethol – Deall y broses y tu ôl i’ch cynrychiolaeth.
- Eich Etholaeth – Mae gan Gymru 16 etholaeth newydd – dysgwch beth yw eich un chi.
- Beth mae Aelodau o’r Senedd yn ei wneud – gweld sut maen nhw’n gweithio yn y Senedd ac yn eich cymuned.
- Beth sy'n digwydd ar ôl etholiad y Senedd – Dysgwch beth sy'n digwydd nesaf unwaith y bydd y pleidleisiau wedi cyrraedd.
- Dweud eich dweud – Darganfyddwch ffyrdd o godi’r materion sydd bwysicaf i chi.
