Sioeau Haf 2025

Dros yr haf rydyn ni'n dod â'r Senedd atoch chi! O fis Mai 2025 tan Etholiad 2026, byddwn ni'n ymweld â lleoliadau ledled Cymru i drafod y newidiadau sydd yn dod i'r Senedd a'r hyn maen nhw'n ei olygu i chi a'ch cymuned.

Dysgwch fwy am ble rydyn ni'n mynd a sut allwch chi gymryd rhan. Gwelwn ni chi cyn bo hir!

• 10 Mai - Gŵyl Fwyd Caernarfon, Caernarfon, Gwynedd.
• 26 – 31 Mai – Eisteddfod yr Urdd, Parc Margam, Aberafan.
• 14 Mehefin – Sioe Sir Aberystwyth a Cheredigion, Aberystwyth, Ceredigion.
• 2 Gorffennaf – Gofod 3 (Cynhadledd WCVA) – Stadiwm Dinas Caerdydd, Caerdydd.
• 5 – 6 – Gorffennaf Sioe Awyr Cymru, Bae Abertawe, Abertawe
• 21 – 25 Gorffennaf – Sioe Frenhinol Cymru, Llanfair-ym-Muallt.
• 4 – 9 Awst – yr Eisteddfod Genedlaethol, Wrecsam.
• 20 – 21 Awst – Sioe Sir Benfro, Hwlffordd
• 13 – 14 Medi – Gŵyl Fwyd Sain Ffagan, Caerdydd

Mwy o leoliadau i'w cadarnhau'n fuan!

Rydym yn mynd ar daith dros yr haf – yn ymweld â sioeau a digwyddiadau ledled Cymru – ac rydym am glywed gennych chi!

Galwch heibio i'n stondin i ddysgu mwy am y Senedd a sut mae'n eich cynrychioli chi. Darganfyddwch beth sy'n newid, sut y gallai'r newidiadau hynny fod o fudd i chi, a pham mae eich llais yn bwysig.

Byddwn yn rhannu gwybodaeth, yn ateb eich cwestiynau, ac yn annog pawb i gymryd rhan – boed hynny'n golygu pleidleisio, dysgu mwy am eich Aelodau, neu ddeall sut mae'r Senedd yn siapio bywyd yng Nghymru.

Dweud eich dweud, gofynnwch gwestiynau, a darganfyddwch sut mae democratiaeth yn gweithio yng Nghymru – byddem wrth ein bodd yn sgwrsio â chi.