Cwestiynau Ysgrifenedig y Cynulliad a gyflwynwyd ar 08 Gorffennaf 2010 i’w hateb ar 15 Gorffennaf 2010
R - Yn dynodi bod yr Aelod wedi datgan buddiant.
W - Yn dynodi bod y cwestiwn wedi’i gyflwyno yn Gymraeg.
(Dangosir rhif gwreiddiol y Cwestiwn mewn cromfachau)
Gofyn i'r Gweinidog dros Fusnes a’r Gyllideb
Nick Bourne (Canolbarth a Gorllewin Cymru): Yn dilyn ei hateb i WAQ56145, a wnaiff y Gweinidog ddatgelu sawl swyddog a deithiodd o Swindon i Heathrow, a beth oedd cyfanswm cost y ffioedd tacsi. (WAQ56221)
Gofyn i’r Gweinidog dros Blant, Addysg a Dysgu Gydol Oes
Mark Isherwood (Gogledd Cymru): A wnaiff y Gweinidog gadarnhau aelodaeth y Grŵp Gorchwyl a Gorffen ar bobl ifanc ag anghenion dysgu ychwanegol sy'n symud o addysg cyn-16 i addysg ôl-16. (WAQ56216)
Mark Isherwood (Gogledd Cymru): A wnaiff y Gweinidog gadarnhau cylch gorchwyl y Grŵp Gorchwyl a Gorffen ar bobl ifanc ag anghenion dysgu ychwanegol sy'n symud o addysg cyn-16 i addysg ôl-16. (WAQ56217)
Mark Isherwood (Gogledd Cymru): Pa bryd y mae’r Gweinidog yn disgwyl cael adroddiad y Grŵp Gorchwyl a Gorffen ar bobl ifanc ag anghenion dysgu ychwanegol sy'n symud o addysg cyn-16 i addysg ôl-16. (WAQ56218)
Mark Isherwood (Gogledd Cymru): A yw’r Gweinidog yn bwriadu cyhoeddi unrhyw ddatganiadau llafar pellach ar y Grŵp Gorchwyl a Gorffen ar bobl ifanc ag anghenion dysgu ychwanegol sy'n symud o addysg cyn-16 i addysg ôl-16. (WAQ56219)
Gofyn i’r Gweinidog dros yr Economi a Thrafnidiaeth
Nick Ramsay (Mynwy): A wnaiff y Gweinidog gadarnhau ei fwriad i wneud yr A465 rhwng Gilwern a Brynmawr yn ffordd ddeuol, ac a wnaiff ddarparu manylion ynghylch pa bryd y bydd disgwyl i’r gwaith ddechrau. (WAQ56222)
Nick Ramsay (Mynwy): Pa asesiad sydd wedi’i wneud o bont troed Gilwern fel yr unig le y gall pobl anabl a'r henoed groesi yn rhan ddeheuol yr A465 (ardal Heol yr Orsaf). (WAQ56223)
Nick Ramsay (Mynwy): Pa ystyriaeth a roddodd Llywodraeth Cynulliad Cymru i’w dyletswyddau dan y Ddeddf Gwahaniaethu ar Sail Anabledd wrth benderfynu peidio ag ailosod nac addasu pont droed Gilwern hyd nes bo’r ffordd ddeuol wedi’i chwblhau. (WAQ56224)
Gofyn i’r Gweinidog dros yr Amgylchedd, Cynaliadwyedd a Thai
Kirsty Williams (Brycheiniog a Sir Faesyfed): A wnaiff y Gweinidog ddarparu enwau a chyllidebau’r sefydliadau a gyllidwyd gan ei hadran yn y tair blynedd diwethaf i ddarparu cyngor, gwybodaeth neu ymchwil yn ymwneud â’r newid yn yr hinsawdd, a hefyd y sefydliadau hynny a gyllidwyd i hyrwyddo ymwybyddiaeth y cyhoedd o'r newid yn yr hinsawdd. (WAQ56220)
Gofyn i’r Gweinidog dros Iechyd a Gwasanaethau Cymdeithasol
Dai Lloyd (Gorllewin De Cymru): A wnaiff y Gweinidog nodi ei chyfrifoldebau dros faterion iechyd yr amgylchedd yng Nghymru. (WAQ56225)
Dai Lloyd (Gorllewin De Cymru): A all y Gweinidog gadarnhau swyddogaeth Llywodraeth Cynulliad Cymru o ran craffu ar yr Asiantaeth Safonau Bwyd yng Nghymru. (WAQ56226)
Dai Lloyd (Gorllewin De Cymru): A wnaiff y Gweinidog ddatganiad am yr ymgyrch 'Scores on the Doors’. (WAQ56227)