Cwestiynau Ysgrifenedig y Cynulliad a gyflwynwyd ar 09 Mawrth 2010 i’w hateb ar 16 Mawrth 2010

R - Yn dynodi bod yr Aelod wedi datgan buddiant.
W - Yn dynodi bod y cwestiwn wedi’i gyflwyno yn Gymraeg.

(Dangosir rhif gwreiddiol y Cwestiwn mewn cromfachau)

Gofyn i'r Gweinidog dros Fusnes a’r Gyllideb

Kirsty Williams (Brycheiniog a Sir Faesyfed): A wnaiff y Gweinidog roi manylion, gan roi’r ffigurau ar gyfer pob adran, faint y mae Llywodraeth Cynulliad Cymru wedi’i wario ar (a) hysbysebu ac (b) ymgynghorwyr ym mhob blwyddyn er 1999. (WAQ55857)

Gofyn i’r Gweinidog dros Blant, Addysg a Dysgu Gydol Oes

Jenny Randerson (Canol Caerdydd): Ar gyfer pob cynnig i ad-drefnu ysgolion y mae Llywodraeth Cynulliad Cymru wedi delio â nhw dros y 12 mis diwethaf, a wnaiff y Gweinidog ddarparu dadansoddiad sy’n dangos ar gyfer pob un ohonynt faint o amser a gymerodd pob penderfyniad ac o ba awdurdod lleol y dônt. (WAQ55851)

Jenny Randerson (Canol Caerdydd): Ar gyfer y cynigion i ad-drefnu ysgolion sy’n disgwyl cymeradwyaeth gweinidogol ar hyn o bryd, a wnaiff y Gweinidog ddarparu dadansoddiad sy’n dangos pa mor hir mae pob un ohonynt wedi bod yn disgwyl am gymeradwyaeth ac o ba awdurdod lleol y dônt. (WAQ55852)

Mick Bates (Sir Drefaldwyn): A wnaiff y Gweinidog amlinellu’r gwahaniaeth rhwng y Fagloriaeth Ryngwladol a Bagloriaeth Cymru. (WAQ55854)

Jenny Randerson (Canol Caerdydd): Yn dilyn atebion y Gweinidog i WAQ55697, WAQ55718 ac WAQ55719, a wnaiff y Gweinidog roi gwybod a yw’r term 'cyhoeddiad’ a ddefnyddir yn yr atebion hyn yn cyfeirio at adeg cyhoeddi hysbysiad statudol y cynnig ynteu ddiwedd y cyfnod ymgynghori deufis. (WAQ55858)

Gofyn i’r Gweinidog dros Iechyd a Gwasanaethau Cymdeithasol

Jenny Randerson (Canol Caerdydd): Pa gynnydd sydd wedi cael ei wneud i sicrhau bod pob sefydliad gofal iechyd sy’n ymwneud ag asesu a rhoi diagnosis yng nghyswllt arthritis a chyflyrau cyhyrysgerbydol yn gallu darparu gwybodaeth sy’n cyfeirio at wasanaethau cefnogi a gwybodaeth arall. (WAQ55855)

Jenny Randerson (Canol Caerdydd): Pa asesiad sydd wedi cael ei wneud o weithredu rhaglenni hunanreoli ar gyfer pobl sy’n byw ag arthritis a chyflyrau cyhyrysgerbydol. (WAQ55856)

Michael German (De Cymru Dwyrain): Pa drafodaethau y mae’r Gweinidog wedi’u cael gyda swyddogion Llywodraeth Cynulliad Cymru, swyddogion Llywodraeth y DU, swyddogion yr adran iechyd a swyddogion Llywodraeth Ynys Manaw ynghylch parhau â chytundeb dwyochrog y GIG rhwng Cymru ac Ynys Manaw. (WAQ55859)

Michael German (De Cymru Dwyrain): A wnaiff y Gweinidog gadarnhau bod Cynulliad Cenedlaethol Cymru eisoes wedi pasio deddfwriaeth a fydd yn dod â chytundeb dwyochrog y GIG gydag Ynysoedd y Sianel i ben, ond nad yw deddfwriaeth mewn perthynas ag Ynys Manaw wedi’i chyflwyno hyd yma. (WAQ55860)

Gofyn i'r Gweinidog dros Faterion Gwledig

Mick Bates (Sir Drefaldwyn): A wnaiff y Gweinidog amlinellu unrhyw drafodaethau y mae wedi’u cael ynghylch cyflwyno 'treth ceffylau’ yng Nghymru. (WAQ55853)