Atebion a roddwyd i Aelodau ar 16 Hydref 2008

[R] yn nodi bod yr Aelod wedi datgan buddiant.
[W] yn nodi bod y cwestiwn wedi’i gyflwyno yn Gymraeg.

Cynnwys

Cwestiynau i’r Dirprwy Brif Weinidog a’r Gweinidog dros yr Economi a Thrafnidiaeth

Cwestiynau i’r Gweinidog dros Blant, Addysg, Dysgu Gydol Oes a Sgiliau

Cwestiynau i’r Gweinidog dros Dreftadaeth

Cwestiynau i’r Dirprwy Brif Weinidog a’r Gweinidog dros yr Economi a Thrafnidiaeth

Ann Jones (Dyffryn Clwyd): Pa ymchwil y mae Llywodraeth Cynulliad Cymru wedi’i wneud i nifer y bobl sy’n defnyddio’r gwasanaeth rhwng Caerdydd a Chaergybi ar hyn o bryd ar gyfer y siwrneiau byr i’r Fenni, i Gwmbrân ac i Gasnewydd? (WAQ52592)

Y Dirprwy Brif Weinidog a’r Gweinidog dros yr Economi a Thrafnidiaeth (Ieuan Wyn Jones): Nid yw’r wybodaeth am nifer y teithiau ar wasanaethau presennol Caerdydd Caergybi, i’r Fenni, Cwmbrân a Chasnewydd ar gael. Mae nifer o newidiadau i’r amserlen ar y llwybr hwnnw o fis Rhagfyr 2008, gan gynnwys gwasanaeth cyflymach newydd o’r gogledd i’r de a fydd yn cynyddu’r capasiti. Rwyf wedi gofyn i’m swyddogion fonitro’r trefniadau newydd hyn ar ôl y newid i’r amserlen ym mis Rhagfyr.

Ann Jones (Dyffryn Clwyd): Pa sicrwydd y gall y Gweinidog ei roi y bydd digon o gysylltiadau trafnidiaeth gyhoeddus ar gael i’r gorsafoedd hynny sydd wedi’u cynnwys ar y gwasanaeth cyflym newydd rhwng Caergybi a Chaerdydd? (WAQ52593)

Y Dirprwy Brif Weinidog: Rwy’n fodlon bod cysylltiadau digonol yn bodoli eisoes ar gyfer gwasanaethau trên yn y gorsafoedd a wasanaethir gan y gwasanaeth cyflym newydd.

Hefyd, anogir y consortia trafnidiaeth rhanbarthol i weithio gyda gweithredwyr bysiau lleol i annog gwasanaethau trên i integreiddio ag amserlenni bysiau.

Cwestiynau i’r Gweinidog dros Blant, Addysg, Dysgu Gydol Oes a Sgiliau

Andrew R.T. Davies (Canol De Cymru): Yn dilyn ei hateb i WAQ52419, pa ganran o fyfyrwyr o sefydliadau addysg uwch yng Nghymru y gellid eu disgrifio fel 'symudol’ ar gyfer pob blwyddyn er 1999? (WAQ52588)

Y Gweinidog dros Blant, Addysg, Dysgu Gydol Oes a Sgiliau (Jane Hutt): Mae ystadegau ar symudedd cyn-fyfyrwyr Erasmus o SAU yng Nghymru ar gael o 2003/04 i 2006/07. Nid yw myfyrwyr y flwyddyn gyntaf yn gymwys i gymryd rhan yn y rhaglen ac felly cawsant eu heithrio o ddau o’r pedwar mesuriad isod.

Mae’r tabl isod yn rhoi manylion myfyrwyr Erasmus fel canran o fyfyrwyr o’r UE a’r DU, fel a ganlyn:

1. Myfyrwyr Erasmus fel canran o fyfyrwyr o’r UE a’r DU mewn

Sefydliadau Addysg Uwch yng Nghymru.

2. Myfyrwyr Erasmus fel canran o fyfyrwyr amser llawn o’r UE a’r DU mewn

Sefydliadau Addysg Uwch yng Nghymru.

3. Myfyrwyr Erasmus fel canran o fyfyrwyr o’r UE a’r DU nad ydynt yn fyfyrwyr

blwyddyn gyntaf mewn Sefydliadau Addysg Uwch yng Nghymru.

4. Myfyrwyr Erasmus fel canran o fyfyrwyr amser llawn o’r UE a’r DU nad

ydynt yn fyfyrwyr blwyddyn gyntaf mewn Sefydliadau Addysg Uwch yng Nghymru.

Nifer y Myfyrwyr Erasmus fel canran o:

Ffynhonnell: Y Cyngor Prydeinig a’r Cofnod Myfyrwyr HESA

(a) Nid yw’n cynnwys myfyrwyr sy’n 'ysgrifennu’, ar gyfnod sabothol neu segur

(b) Mae myfyrwyr llawn amser yn cynnwys y rhai ar gyrsiau rhyngosod

Andrew R.T. Davies (Canol De Cymru): Faint o Ddirprwy Benaethiaid neu Benaethiaid Cynorthwyol sydd mewn ysgolion cynradd ac uwchradd yng Nghymru ar gyfer pob blwyddyn er 1999? (WAQ52591)

Jane Hutt: Ni chesglir gwybodaeth am nifer y Penaethiaid cynorthwyol yn y Cyfrifiad Ysgolion Blynyddol. Dangosir nifer y dirprwy Benaethiaid (cyfwerth ag amser llawn) mewn ysgolion cynradd ac ysgolion uwchradd a gynhelir ym mis Ionawr bob blwyddyn yn y tabl canlynol:

Ffynhonnell: Cyfrifiad Ysgolion Blynyddol

Cwestiynau i’r Gweinidog dros Dreftadaeth

Nick Bourne (Canolbarth a Gorllewin Cymru): A wnaiff y Gweinidog ddarparu’r wybodaeth ddiweddaraf ynghylch y Gorchymyn Cymhwysedd Deddfwriaethol Iaith Gymraeg? (WAQ52590)

Y Gweinidog dros Dreftadaeth (Alun Ffred Jones): Rydym yn cael trafodaethau adeiladol gyda Swyddfa Cymru, sef yr adran arweiniol yn Whitehall, ac rydym yn edrych ymlaen at gyflwyno’r Gorchymyn Cymhwysedd Deddfwriaethol maes o law.