Cwestiynau Ysgrifenedig y Cynulliad a gyflwynwyd ar 09 Tachwedd 2009 i’w hateb ar 16 Tachwedd 2009
R - Yn dynodi bod yr Aelod wedi datgan buddiant.
W - Yn dynodi bod y cwestiwn wedi’i gyflwyno yn Gymraeg.
(Dangosir rhif gwreiddiol y Cwestiwn mewn cromfachau)
Gofyn i’ Gweinidog dros yr Amgylchedd, Cynaliadwyedd a Thai
Kirsty Williams (Brycheiniog a Sir Faesyfed): A wnaiff y Gweinidog ddatganiad am fonitro a hyfforddi cynllunwyr sy’n gyfrifol am sicrhau mynediad i bobl anabl dan y Ddeddf Gwahaniaethu ar sail Anabledd. (WAQ55116)
Mick Bates (Sir Drefaldwyn): Pa asesiad y mae Llywodraeth Cynulliad Cymru wedi'i wneud o berfformiad Pympiau Gwres o’r Awyr. (WAQ55122)
Mick Bates (Sir Drefaldwyn): Beth oedd y rheswm dros eithrio Pympiau Gwres o’r Awyr o’r newidiadau diweddar i hawliau datblygu a ganiateir ar gyfer technoleg microgyngyrchu. (WAQ55123)
Gofyn i’r Gweinidog dros Iechyd a Gwasanaethau Cymdeithasol
Kirsty Williams (Brycheiniog a Sir Faesyfed): A wnaiff y Gweinidog ddatganiad am ddarparu crynodyddion ocsigen cludadwy i gleifion ar ôl iddynt gael eu cyfeirio gan eu hymgynghorydd. (WAQ55115)
Mick Bates (Sir Drefaldwyn): Faint o gleifion yng Nghymru sydd wedi cael eu cyfeirio ar gyfer llawdriniaeth gordewdra bob blwyddyn dros y 3 blynedd diwethaf. (WAQ55117)
Mick Bates (Sir Drefaldwyn): O’r holl gleifion yng Nghymru a gafodd eu cyfeirio ar gyfer llawdriniaeth gordewdra bob blwyddyn dros y 3 blynedd diwethaf, faint o’r cyfeiriadau hyn sydd wedi cael eu cymeradwyo. (WAQ55118)
Mick Bates (Sir Drefaldwyn): Pa lawdriniaethau meddygol sy’n disgyn i’r categori 'triniaethau bariatrig’. (WAQ55119)
Nick Bourne (Canolbarth a Gorllewin Cymru): A wnaiff y Gweinidog ymrwymo i ymgynghori â’r Gymdeithas Peiriannau Gwerthu Awtomatig fel rhan o’i hadolygiad o’r cyfarwyddiadau ar beiriannau gwerthu mewn ysbytai. (WAQ55120)
Nick Bourne (Canolbarth a Gorllewin Cymru): Pryd y mae’r Gweinidog yn bwriadu cyhoeddi canfyddiadau ei hadolygiad o’r cyfarwyddiadau ar beiriannau gwerthu mewn ysbytai. (WAQ55121)
Darren Millar (Gorllewin Clwyd): Ac ystyried cost colli diwrnodau gwaith oherwydd poen cefn i unigolion ac i’r economi, pa ymdrechion y bydd y Gweinidog yn eu gwneud i sicrhau bod Byrddau Iechyd Lleol yn gwneud eu gorau glas i weithredu canllawiau NICE ar Boen yng Ngwaelod y Cefn. (WAQ55124)
Darren Millar (Gorllewin Clwyd): Sut y mae Adran y Gweinidog yn monitro gweithredu’r Gyfarwyddeb Datblygu a Chomisiynu ar gyfer Poen Anfalaen Cronig i sicrhau bod y 'Camau Gweithredu Allweddol’ a bennwyd yn cael eu cyflawni gan Fyrddau Iechyd Lleol a chyrff perthnasol eraill. (WAQ55125)