Cynigion a Gwelliannau i'w Trafod yn y Dyfodol
Cynnig a gyflwynwyd ar 23 Mawrth 2017
NDM6273 Huw Irranca–Davies (Ogwr)
Cynnig bod Cynulliad Cenedlaethol Cymru:
1. Yn nodi cynnig ar gyfer Bil i bob gyrrwr tacsi a cherbyd llogi preifat (PVH) ddilyn cwrs hyfforddiant ar gydraddoldeb i bobl anabl fel un o amodau cael eu trwydded.
2. Diben y Bil hwn fyddai:
a) helpu i sicrhau bod gyrwyr tacsis a cherbydau llogi preifat yn cydymffurfio â Deddf Cydraddoldeb 2010 sy'n nodi'n glir bod angen i yrwyr tacsis a cherbydau llogi preifat gludo ci cymorth person anabl a chaniatáu iddo aros gyda'r person anabl heb godi unrhyw dâl ychwanegol am wneud hynny;
b) sicrhau na wahaniaethir yn erbyn pobl anabl na allant yrru na defnyddio cludiant cyhoeddus wrth geisio byw eu bywyd bob dydd; ac
c) lleihau unrhyw bwysau newydd ar yrwyr trwyddedig, gan gynnwys:
i) peidio â'i gwneud yn ofynnol iddynt ymgymryd ag unrhyw hyfforddiant tan y tro nesaf y maent yn adnewyddu eu trwyddedau; a
ii) eithrio'r hyfforddiant ar gyfer gyrwyr sydd eisoes wedi ymgymryd â hyfforddiant cydraddoldeb i bobl anabl i safon ddigonol a'r rhai na allant gwblhau'r hyfforddiant am resymau meddygol.