02/06/2009 - Pleidleisiau a Thrafodion

Cyhoeddwyd 07/06/2014   |   Diweddarwyd Ddiwethaf 07/06/2014

Y Trydydd Cynulliad - Cyfarfod Llawn

Pleidleisiau a Thrafodion (134)

Dyddiad: Dydd Mawrth, 2 Mehefin 2009
Amser: 13.30

Eitem 1: Cwestiynau i Brif Weinidog Cymru

Gofynnwyd y 9 cwestiwn cyntaf.

………………………

14.42
Eitem 2: Datganiad a Chyhoeddiad Busnes

………………………

14.52
Eitem 3: Datganiad gan y Gweinidog dros Iechyd a Gwasanaethau Cymdeithasol: y frech goch

………………………

15.27
Eitem 4: Datganiad gan y Gweinidog dros yr Amgylchedd, Cynaliadwyedd a Thai: y Comisiwn Newid yn yr Hinsawdd

………………………

15.51
Eitem 5: Datganiad gan y Gweinidog dros Iechyd a Gwasanaethau Cymdeithasol: ymgynghoriad ar sefydlu Sefydliad Iechyd Cyhoeddus Unedig


………………………

16.11
Eitem 6: Cynnig i gymeradwyo cynnig cydsyniad deddfwriaethol mewn perthynas â Mesur Prentisiaethau, Sgiliau, Plant a Dysgu Senedd y DU o dan Reol Sefydlog 26

NDM4229 John Griffiths (Dwyrain Casnewydd)

Cynnig bod Cynulliad Cenedlaethol Cymru, yn unol â Rheol Sefydlog 26.4, yn cytuno y dylai darpariaethau'r Mesur Prentisiaeth, Sgiliau, Plant a Dysgu sy'n ymwneud ag addysg troseddwyr ifanc, i'r graddau y maent yn dod o dan gymhwysedd deddfwriaethol Cynulliad Cenedlaethol Cymru, gael eu hystyried gan Senedd y DU.

Derbyniwyd y cynnig yn unol â Rheol Sefydlog 7.35.

………………………

16.15
Eitem 7: Dadl ar y Strategaeth Cydlyniant Cymunedol

NDM4226 Carwyn Jones (Pen-y-bont ar Ogwr)

Cynnig bod y Cynulliad Cenedlaethol

1. Yn croesawu cyhoeddi Strategaeth Cydlyniant Cymunedol Cymru Gyfan Llywodraeth Cynulliad Cymru

2. Yn edrych ymlaen at ymateb Llywodraeth Cynulliad Cymru i’r ymgynghoriad.

Cyflwynwyd y gwelliannau a ganlyn:

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Gwelliant 1 - Alun Cairns (Gorllewin De Cymru)

Ychwanegu pwynt newydd ar ddiwedd y Cynnig:

Yn gresynu wrth fethiant Llywodraeth Cynulliad Cymru i weithredu’r Ddeddf Cymunedau Cynaliadwy yng Nghymru.

Cynhaliwyd pleidlais ar welliant 1:

Pleidleisiau a Thrafodion

O blaid

Ymatal

Yn erbyn

Cyfanswm

14

0

27

41

Gwrthodwyd gwelliant 1.

Gwelliant 2 - Alun Cairns (Gorllewin De Cymru)

Ychwanegu pwynt newydd ar ddiwedd y Cynnig:

Yn nodi’r rhan allweddol y gall y Sector Gwirfoddol ei chwarae o ran darparu Cydlyniant Cymunedol ac yn mynegi pryder ynghylch y toriadau mewn cyllid a swyddi sy’n wynebu’r sector yn awr.

Cynhaliwyd pleidlais ar welliant 2:

Pleidleisiau a Thrafodion

O blaid

Ymatal

Yn erbyn

Cyfanswm

14

0

29

43

Gwrthodwyd gwelliant 2.

Gwelliant 3 - Alun Cairns (Gorllewin De Cymru)

Ychwanegu pwynt newydd ar ddiwedd y Cynnig:

Yn nodi’r rhan allweddol y gall Tai ei chwarae o ran darparu Cydlyniant Cymunedol ac yn gresynu wrth fethiant Llywodraeth Cynulliad Cymru i gydnabod ac i roi sylw i’r argyfwng tai sydd wedi bod yn datblygu yng Nghymru dros y degawd diwethaf.

Cynhaliwyd pleidlais ar welliant 3:

Pleidleisiau a Thrafodion

O blaid

Ymatal

Yn erbyn

Cyfanswm

9

5

30

44

Gwrthodwyd gwelliant 3.

Gwelliant 4 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi bod cymunedau’n dibynnu ar wasanaethau lleol a gyllidir yn iawn er mwyn cynnal eu cydlyniant ac yn galw ar Lywodraeth Cynulliad Cymru i sicrhau y caiff hyn ei ystyried mewn setliadau cyllido yn y dyfodol, a bod unrhyw gyfrifoldebau ychwanegol a drosglwyddir i awdurdodau lleol o ganlyniad i’r strategaeth hon yn cael digon o gyllid.

Cynhaliwyd pleidlais ar welliant 4:

Pleidleisiau a Thrafodion

O blaid

Ymatal

Yn erbyn

Cyfanswm

14

0

30

44

Gwrthodwyd gwelliant 4.

Cynhaliwyd pleidlais ar y cynnig:

NDM4226 Carwyn Jones (Pen-y-bont ar Ogwr)

Cynnig bod y Cynulliad Cenedlaethol

1. Yn croesawu cyhoeddi Strategaeth Cydlyniant Cymunedol Cymru Gyfan Llywodraeth Cynulliad Cymru

2. Yn edrych ymlaen at ymateb Llywodraeth Cynulliad Cymru i’r ymgynghoriad.

Pleidleisiau a Thrafodion

O blaid

Ymatal

Yn erbyn

Cyfanswm

35

5

4

44

Derbyniwyd y cynnig.

…………………………

Cytunodd y Cynulliad i fwrw ymlaen â’r cyfnod pleidleisio ar unwaith.

16.47
Cyfnod pleidleisio

Daeth y cyfarfod i ben am 16.49

Cynhelir Cyfarfod Llawn nesaf y Cynulliad am 13.30 ddydd Mercher 3 Mehefin 2009

Ysgrifenyddiaeth y Siambr