Y Trydydd Cynulliad - Cyfarfod Llawn

Pleidleisiau a Thrafodion (152)

Dyddiad: Dydd Mawrth, 6 Hydref 2009

Amser: 13.30

Eitem 1: Cwestiynau i Brif Weinidog Cymru

Atebwyd pob cwestiwn. Tynnwyd cwestiwn 1, 9 ac 11 yn ôl. Cafodd cwestiynau 3 a 5 eu grwpio. Ni ofynnwyd cwestiwn 12.

.........................................

14.28
Eitem 2: Datganiad a Chyhoeddiad Busnes

.........................................

14.41
Eitem 3: Datganiad gan y Gweinidog dros Iechyd a Gwasanaethau Cymdeithasol: gofal lliniarol

.........................................

15.15
Eitem 4: Dadl ar gydraddoldeb

NDM4288 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru

1. Yn nodi'r Ymchwiliad Hawliau Dynol a gyhoeddwyd gan y Comisiwn Cydraddoldeb a Hawliau Dynol ym mis Mehefin 2009;

2. Yn nodi'r cynnydd positif a wnaed o ran cydraddoldeb a hawliau dynol yn ystod degawd cyntaf datganoli yng Nghymru fel sy'n gynwysedig yn y papur academaidd diweddar a gomisiynwyd gan y Comisiwn Cydraddoldeb a Hawliau Dynol; a

3. Yn cydnabod yr arweiniad a gynigwyd gan Gynulliad Cenedlaethol Cymru a Llywodraeth Cynulliad Cymru yn ystod y degawd ers datganoli i sefydlu egwyddorion hawliau dynol a hyrwyddo cydraddoldeb yng Nghymru.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cyflwynwyd y gwelliannau a ganlyn:

Gwelliant 1 - Peter Black (Gorllewin De Cymru)

Cynnwys pwynt 3 newydd ac ail-rifo’r pwyntiau sy'n dilyn:

Yn nodi bod yr adroddiad First Decade of Devolution unwaith eto wedi amlygu’r ffordd wael y caiff materion sy’n ymwneud â chydraddoldeb eu 'prif ffrydio’ drwy holl adrannau’r Llywodraeth.

Cynhaliwyd pleidlais ar welliant 1:

Pleidleisiau a Thrafodion

O blaid	Ymatal	Yn erbyn	Cyfanswm
13	0	33	46

Gwrthodwyd gwelliant 1.

Gwelliant 2 - Alun Cairns (Gorllewin De Cymru)

Ychwanegu pwynt newydd ar ddiwedd y cynnig:

'Yn nodi â phryder y diffygion yng nghyswllt y nod o brif ffrydio cydraddoldeb yng ngwaith y llywodraeth, fel y manylir yn yr adroddiad Equal Opportunities and Human Rights: First Decade of Devolution, ac yn galw ar Lywodraeth Cynulliad Cymru i ganfod amcanion a cherrig milltir cyraeddadwy ac adnewyddadwy er mwyn mynd i’r afael â hyn.’

Cynhaliwyd pleidlais ar welliant 2:

Pleidleisiau a Thrafodion

O blaid	Ymatal	Yn erbyn	Cyfanswm
13	0	33	46

Gwrthodwyd gwelliant 2.

Cynhaliwyd pleidlais ar y cynnig:

NDM4288 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru

1. Yn nodi'r Ymchwiliad Hawliau Dynol a gyhoeddwyd gan y Comisiwn Cydraddoldeb a Hawliau Dynol ym mis Mehefin 2009;

2. Yn nodi'r cynnydd positif a wnaed o ran cydraddoldeb a hawliau dynol yn ystod degawd cyntaf datganoli yng Nghymru fel sy'n gynwysedig yn y papur academaidd diweddar a gomisiynwyd gan y Comisiwn Cydraddoldeb a Hawliau Dynol; a

3. Yn cydnabod yr arweiniad a gynigwyd gan Gynulliad Cenedlaethol Cymru a Llywodraeth Cynulliad Cymru yn ystod y degawd ers datganoli i sefydlu egwyddorion hawliau dynol a hyrwyddo cydraddoldeb yng Nghymru.

Pleidleisiau a Thrafodion

O blaid	Ymatal	Yn erbyn	Cyfanswm
37	8	0	45

Derbyniwyd y cynnig.  

.........................................

15.52

Eitem 5: Dadl ar adroddiad blynyddol y strategaeth ar gyfer pobl hŷn

NDM4287 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru:

Yn croesawu Adroddiad Blynyddol y Strategaeth ar gyfer Pobl Hŷn 2008/09.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cyflwynwyd y gwelliannau a ganlyn:

Gwelliant 1 - Alun Cairns (Gorllewin De Cymru)

Yn lle 'croesawu’ rhoi 'nodi’.

Cynhaliwyd pleidlais ar welliant 1:

Pleidleisiau a Thrafodion

O blaid	Ymatal	Yn erbyn	Cyfanswm
8	0	38	46

Gwrthodwyd gwelliant 1.

Gwelliant 2 - Alun Cairns (Gorllewin De Cymru)

Ychwanegu pwynt newydd ar ddiwedd y cynnig:

'Yn gresynu nad yw’r Adroddiad yn pennu nac yn rhoi sylw i’r sialensiau sy’n wynebu pobl hŷn’

Cynhaliwyd pleidlais ar welliant 2:

Pleidleisiau a Thrafodion

O blaid	Ymatal	Yn erbyn	Cyfanswm
13	0	33	46

Gwrthodwyd gwelliant 2.

Gwelliant 3 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi â phryder bod nifer anghymesur o bobl hŷn yn byw mewn tlodi tanwydd.

Cynhaliwyd pleidlais ar welliant 3:

Pleidleisiau a Thrafodion

O blaid	Ymatal	Yn erbyn	Cyfanswm
14	0	32	46

Gwrthodwyd gwelliant 3.

Gwelliant 4 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi â gofid y problemau parhaus i bobl hŷn sy’n codi o ganlyniad i ddiffyg cydweithrediad rhwng Gwasanaethau Iechyd a Gwasanaethau Cymdeithasol.

Cynhaliwyd pleidlais ar welliant 4:

Pleidleisiau a Thrafodion

O blaid	Ymatal	Yn erbyn	Cyfanswm
13	0	33	46

Gwrthodwyd gwelliant 4.

Gwelliant 5 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn nodi â phryder y gost uchel o gludo cleifion i rai pobl hŷn.

Cynhaliwyd pleidlais ar welliant 5:

Pleidleisiau a Thrafodion

O blaid	Ymatal	Yn erbyn	Cyfanswm
13	0	33	46

Gwrthodwyd gwelliant 5.

Cynhaliwyd pleidlais ar y cynnig:

NDM4287 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru:

Yn croesawu Adroddiad Blynyddol y Strategaeth ar gyfer Pobl Hŷn 2008/09.

Pleidleisiau a Thrafodion

O blaid	Ymatal	Yn erbyn	Cyfanswm
46	0	0	46

Derbyniwyd y cynnig.  

.........................................

16.29

Gohiriwyd y cyfarfod i ailymgynnull am 16.34 ar gyfer y cyfnod pleidleisio.

.........................................

Daeth y cyfarfod i ben am 16.36

Cynhelir Cyfarfod Llawn nesaf y Cynulliad am 13.30 ddydd Mercher 7 Hydref 2009

Ysgrifenyddiaeth y Siambr