Y Trydydd Cynulliad - Cyfarfod Llawn

Pleidleisiau a Thrafodion (27)

Dyddiad: Dydd Mercher, 7 Tachwedd 2007
Amser: 12.30pm

Eitem 1: Cwestiynau i’r Cwnsler Cyffredinol

Gofynnwyd y 15 cwestiwn.  Tynnwyd cwestiynau 4 a 13 yn ôl.

...................................................

12.59pm
Eitem 2: Cwestiynau i’r Gweinidog dros Faterion Gwledig

Gofynnwyd y 10 cwestiwn cyntaf.  Cafodd cwestiynau 1 a 7 eu grwpio.  Tynnwyd cwestiwn 8 yn ôl.

...................................................

1.47pm
Eitem 3: Datganiad gan y Gweinidog dros Dreftadaeth: Canolfan Mileniwm Cymru

………………………………

3.01pm
Eitem 4: Datganiad gan y Gweinidog dros Blant, Addysg, Dysgu Gydol Oes a Sgiliau: Addysg yn Sir Ddinbych

………………………………

3.25pm
Eitem 5: Cynnig i sefydlu Pwyllgor Rhanbarth y Gogledd

NDM3704 Dafydd Elis-Thomas (Dwyfor Meirionnydd)

Cynnig bod Cynulliad Cenedlaethol Cymru, yn unol a Rheol Sefydlog Rhif 20.1, yn sefydlu Pwyllgor Rhanbarth Gogledd Cymru a fydd yn cynnwys yr Aelodau sy’n cynrychioli’r rhanbarth hwnnw a’r etholaethau ynddo. Bydd y pwyllgor yn bodoli drwy gydol y Cynulliad hwn.

Derbyniwyd y cynnig yn unol â Rheol Sefydlog 7.35.

...................................................

3.25pm
Eitem 6: Cynnig i atal Rheolau Sefydlog

NNDM3709 Carwyn Jones (Pen-y-bont ar Ogwr)

Mae Cynulliad Cenedlaethol Cymru, yn unol â Rheolau Sefydlog 35.6 a 35.8:

1. Yn atal dros dro Reol Sefydlog 7.18(i) a'r rhan honno o Reol Sefydlog 6.10 sy'n ei gwneud yn ofynnol i'r cyhoeddiad wythnosol o dan Reol Sefydlog 6.3 i lunio'r amserlen ar gyfer busnes yng Nghyfarfod Llawn yr wythnos ganlynol, er mwyn caniatáu i NNDM3708 a gyflwynwyd ar ddydd Mawrth 6 Tachwedd gael ei ystyried yn y Cyfarfod Llawn ar ddydd Mercher 7 Tachwedd 2007; a

2. Yn atal y rhan honno o Reol Sefydlog 7.19 sy’n ei gwneud yn ofynnol i welliannau gael eu cyflwyno o leiaf dri diwrnod gwaith cyn bod y cynnig yn cael ei drafod, i ganiatáu i unrhyw welliannau mewn perthynas ag NNDM3708, a gyflwynwyd cyn 11:00am ddydd Mercher 7 Tachwedd 2007, gael eu trafod yn y Cyfarfod Llawn ddydd Mercher 7 Tachwedd.

Derbyniwyd y cynnig yn unol â Rheol Sefydlog 7.35.

...................................................

3.26pm
Eitem 7: Cynnig i roi cyfarwyddiadau i Bwyllgor Rhanbarth y Gogledd

NNDM3708 Carwyn Jones (Pen-y-bont ar Ogwr)

Mae Cynulliad Cenedlaethol Cymru, yn unol â Rheol Sefydlog 10.2, yn rhoi cyfarwyddiadau i Bwyllgor Rhanbarth y Gogledd fel a ganlyn:

1. Bydd y Pwyllgor yn trafod materion datganoledig sy'n effeithio ar Ranbarth Etholiadol Gogledd Cymru yn unig;

2. Ni fydd y Pwyllgor yn cyfarfod fwy nag unwaith ym mhob tymor y Cynulliad;

3. Bydd y Pwyllgor fel rheol yn cyfarfod yn swyddfeydd y Cynulliad Cenedlaethol ym Mae Colwyn; a

4. Yn eithriadol, gyda chytundeb y Pwyllgor Busnes yn unig, gall y Pwyllgor Rhanbarth gyfarfod mewn lleoliadau eraill yn Rhanbarth Etholiadol Gogledd Cymru yn amodol ar bwynt 2 uchod.   

Derbyniwyd y cynnig yn unol â Rheol Sefydlog 7.35.

...................................................

3.27pm
Eitem 8: Dadl i geisio caniatâd y Cynulliad i gyflwyno Mesur arfaethedig Aelod ynghylch Cau Ysgolion (Ymgynghori a Chategorïau)

NDM3691 Mike German (Dwyrain De Cymru)

Cynnig bod Cynulliad Cenedlaethol Cymru, yn unol â Rheol Sefydlog Rhif 23.103:

Yn caniatáu i Mike German gyflwyno Mesur arfaethedig Aelod er mwyn gweithredu’r wybodaeth cyn y balot a gyflwynwyd ar 3 Hydref 2007 dan Reol Sefydlog Rhif 23.102.

Gohiriwyd y bleidlais ar y cynnig o dan yr eitem hon tan y cyfnod pleidleisio.

Canlyniad y bleidlais:

Cynhaliwyd pleidlais ar y cynnig:

Gwrthodwyd y cynnig.

...................................................

4.15pm
Eitem 9: Dadl y Ceidwadwyr Cymreig

NDM3705 William Graham (Dwyrain De Cymru)

Mae Cynulliad Cenedlaethol Cymru:

1. Yn credu mai Llywodraeth y Deyrnas Unedig sy’n gyfrifol yn y pen draw am achosion diweddar clwy’r traed a’r genau;

2. Yn nodi methiant Llywodraeth y Cynulliad a Llywodraeth y Deyrnas Unedig i sicrhau iawndal digonol i ffermwyr Cymru;

3. O’r farn mai’r Trysorlys sy’n gwbl gyfrifol am ariannu pob mesur i ddigolledu effeithiau’r achosion yng Nghymru.

Cyflwynwyd y gwelliant a ganlyn:

Gwelliant - Carwyn Jones (Pen-y-bont ar Ogwr)

Dileu popeth a rhoi yn ei le:

"Mae’r Cynulliad Cenedlaethol

1. Yn nodi casgliadau adroddiad yr Awdurdod Gweithredol Iechyd a Diogelwch ar yr achosion o glwy’r traed a’r genau yn Lloegr.

2. Yn croesawu bod Llywodraeth Cynulliad Cymru wedi darparu £1m ar gyfer hybu cig o Gymru ar adeg mor anodd i’r diwydiant.

3. Yn croesawu bod Llywodraeth Cynulliad Cymru yn ariannu’n llwyr gynllun gwerth £6.75 miliwn er mwyn mynd i’r afael â darpar ystyriaethau lles ynghylch ŵyn.

4. Yn cymeradwyo camau gweithredu Llywodraeth Cynulliad Cymru wrth iddi fynd ati o ddifrif i ddarbwyllo trysorlys y Deyrnas Unedig i ariannu pecyn o gymorth economaidd ar gyfer ffermwyr Cymru.”

Gohiriwyd y bleidlais ar y cynnig a’r gwelliant o dan yr eitem hon tan y cyfnod pleidleisio.

Canlyniad y bleidlais:

Cynhaliwyd pleidlais ar y gwelliant:

Derbyniwyd y gwelliant.

Cynhaliwyd pleidlais ar y cynnig wedi’i ddiwygio:

NDM3705 William Graham (Dwyrain De Cymru)

Mae’r Cynulliad Cenedlaethol

1. Yn nodi casgliadau adroddiad yr Awdurdod Gweithredol Iechyd a Diogelwch ar yr achosion o glwy’r traed a’r genau yn Lloegr.

2. Yn croesawu bod Llywodraeth Cynulliad Cymru wedi darparu £1m ar gyfer hybu cig o Gymru ar adeg mor anodd i’r diwydiant.

3. Yn croesawu bod Llywodraeth Cynulliad Cymru yn ariannu’n llwyr gynllun gwerth £6.75 miliwn er mwyn mynd i’r afael â darpar ystyriaethau lles ynghylch ŵyn.

4. Yn cymeradwyo camau gweithredu Llywodraeth Cynulliad Cymru wrth iddi fynd ati o ddifrif i ddarbwyllo trysorlys y Deyrnas Unedig i ariannu pecyn o gymorth economaidd ar gyfer ffermwyr Cymru.

Derbyniwyd y cynnig wedi’i ddiwygio.

...................................................

5.10pm
Eitem 10: Dadl y Ceidwadwyr Cymreig

NDM3706 William Graham (Dwyrain De Cymru)

Cynnig bod Cynulliad Cenedlaethol Cymru:

Yn galw ar Lywodraeth Cynulliad Cymru i adolygu ei strategaeth tlodi tanwydd ac archwilio effeithiolrwydd y Cynllun Effeithlonrwydd Ynni Cartref presennol o ran codi pobl o dlodi tanwydd.

Cyflwynwyd y gwelliant a ganlyn:

Gwelliant - Carwyn Jones (Pen-y-bont ar Ogwr)

Dileu popeth a rhoi yn ei le:

"Mae’r Cynulliad Cenedlaethol yn cymeradwyo’r ffaith bod Llywodraeth  Cynulliad Cymru yn pwyso a mesur ei strategaeth ar dlodi tanwydd yn unol ag ymrwymiad 'Cymru’n Un’ i gynllun cenedlaethol ar effeithlonrwydd ynni ac arbedion.”

Gohiriwyd y bleidlais ar y cynnig a’r gwelliant o dan yr eitem hon tan y cyfnod pleidleisio.

Canlyniad y bleidlais:

Cynhaliwyd pleidlais ar y gwelliant:

Derbyniwyd y gwelliant.

Cynhaliwyd pleidlais ar y cynnig wedi’i ddiwygio:

NDM3706 William Graham (Dwyrain De Cymru)

Mae’r Cynulliad Cenedlaethol yn cymeradwyo’r ffaith bod Llywodraeth Cynulliad Cymru yn pwyso a mesur ei strategaeth ar dlodi tanwydd yn unol ag ymrwymiad 'Cymru’n Un’ i gynllun cenedlaethol ar effeithlonrwydd ynni ac arbedion.

Derbyniwyd y cynnig wedi’i ddiwygio.

...................................................

6.02pm
Gohiriwyd y cyfarfod.

6.07pm
Bu i’r cyfarfod ailymgynnull i bleidleisio ar y cynigion a’r gwelliannau.

...................................................

6.09pm
Eitem 11: Dadl fer

NDM3703 Jonathan Morgan (Gogledd Caerdydd):

Diwygio cyfansoddiadol, cael y cydbwysedd cywir ar gyfer dyfodol y Deyrnas Unedig.

...................................................

Daeth y cyfarfod i ben am 6.35pm

Cynhelir Cyfarfod Llawn nesaf y Cynulliad am 2.00pm ddydd Mawrth, 13 Tachwedd 2007

Ysgrifenyddiaeth y Siambr