Y Trydydd Cynulliad - Cyfarfod Llawn

Pleidleisiau a Thrafodion (199)

Dyddiad: Dydd Mercher, 19 Mai 2010
Amser: 13.30

Cafodd William Graham ei ethol yn Ddirprwy Lywydd dros dro.

.........................................

Eitem 1: Cwestiynau i’r Gweinidog dros Iechyd a Gwasanaethau Cymdeithasol

Gofynnwyd yr 8 cwestiwn cyntaf. Cafodd cwestiynau 2 a 4 eu grwpio.

.........................................

14.06
Eitem 2: Cwestiynau i’r Dirprwy Brif Weinidog a’r Gweinidog dros yr Economi a Thrafnidiaeth

Gofynnwyd yr 8 cwestiwn cyntaf. Cafodd cwestiynau 1 a 3 eu grwpio. Cafodd cwestiynau 5 ac 8 eu grwpio.

.........................................

14.46
Eitem 3: Cynnig i ethol aelod i’r Pwyllgor Busnes

NDM4478 Dafydd Elis-Thomas (Dwyfor Meirionnydd)

Cynnig bod Cynulliad Cenedlaethol Cymru, yn unol â Rheol Sefydlog 10.3:

Yn ethol Nick Ramsay (Ceidwadwyr) yn aelod o’r Pwyllgor Busnes yn lle Alun Cairns (Ceidwadwyr).

Derbyniwyd y cynnig yn unol â Rheol Sefydlog 7.35.

.........................................

14.46
Eitem 4: Dadl y Ceidwadwyr Cymreig

NDM4477 Nick Ramsay (Mynwy):

Cynnig bod Cynulliad Cenedlaethol Cymru:

1. Yn cydnabod y rôl bwysig y mae Cymru yn ei chwarae wrth ddatblygu triniaethau newydd ar gyfer canser;

2. Yn mynegi siom bod targedau ar gyfer amseroedd aros i gleifion canser yn cael eu methu’n gyson;

3. Yn galw ar Lywodraeth Cynulliad Cymru i sefydlu cydgysylltydd canser annibynnol i godi ymwybyddiaeth o faterion canser a chymryd camau i sicrhau bod cyfraddau goroesi 5 mlynedd ar gyfer canser ymysg y gorau yn Ewrop.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 - Jane Hutt (Bro Morgannwg)

Dileu popeth ar ôl pwynt 1 a rhoi yn ei le:

2. Yn cydnabod y gwelliannau a wnaed o ran yr amseroedd aros ar gyfer cleifion canser dros y blynyddoedd diwethaf a’r angen i sicrhau bod y gwelliannau yn parhau

3. Yn cydnabod y gwelliannau yn y cyfraddau goroesi 5 mlynedd ar gyfer canser yng Nghymru a’r hyn a wnaed hyd yma i wireddu nod polisi Llywodraeth Cynulliad Cymru ar gyfer 2015 sef sicrhau bod y cyfraddau goroesi yn cymharu’n debyg i’r gorau yn Ewrop.

4. Yn nodi bod Llywodraeth Cynulliad Cymru wedi elwa ers amser hir ar y cyngor annibynnol a roddir gan y Grŵp Cydgysylltu Gwasanaethau Canser.

Cynhaliwyd pleidlais ar welliant 1:

Derbyniwyd gwelliant 1.

Gwelliant 2 - Peter Black (Gorllewin De Cymru)

Ym mhwynt 3, ar ôl 'Lywodraeth Cynulliad Cymru' rhoi 'edrych ar yr holl ddewisiadau posibl ar gyfer gwella gwasanaethau canser yng Nghymru, gan gynnwys a yw’n ymarferol'

Gan fod gwelliant 1 wedi’i dderbyn, dad-ddewiswyd gwelliant 2.

Cynhaliwyd pleidlais ar y cynnig wedi’i ddiwygio:

NDM4477 Nick Ramsay (Mynwy):

Cynnig bod Cynulliad Cenedlaethol Cymru:

1. Yn cydnabod y rôl bwysig y mae Cymru yn ei chwarae wrth ddatblygu triniaethau newydd ar gyfer canser;

2. Yn cydnabod y gwelliannau a wnaed o ran yr amseroedd aros ar gyfer cleifion canser dros y blynyddoedd diwethaf a’r angen i sicrhau bod y gwelliannau yn parhau

3. Yn cydnabod y gwelliannau yn y cyfraddau goroesi 5 mlynedd ar gyfer canser yng Nghymru a’r hyn a wnaed hyd yma i wireddu nod polisi Llywodraeth Cynulliad Cymru ar gyfer 2015 sef sicrhau bod y cyfraddau goroesi yn cymharu’n debyg i’r gorau yn Ewrop.

4. Yn nodi bod Llywodraeth Cynulliad Cymru wedi elwa ers amser hir ar y cyngor annibynnol a roddir gan y Grŵp Cydgysylltu Gwasanaethau Canser.

Derbyniwyd y cynnig wedi’i ddiwygio.

.........................................

15.39
Eitem 5: Dadl y Ceidwadwyr Cymreig

NDM4476  Nick Ramsay (Mynwy):

Mae’r Cynulliad Cenedlaethol yn nodi’r angen dybryd i adolygu TAN 15.

Gohiriwyd y bleidlais ar y cynnig a’r gwelliant o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Gwrthodwyd y cynnig heb ei ddiwygio.

Cyflwynwyd y gwelliant a ganlyn:

Gwelliant 1 - Jane Hutt (Bro Morgannwg)

Dileu popeth a rhoi yn ei le;

Mae Cynulliad Cenedlaethol Cymru:

1. Yn croesawu llwyddiant TAN15 wrth atal datblygiad amhriodol mewn ardaloedd lle mae perygl llifogydd; a

2. Yn croesawu ymhellach yr ymgynghoriad arfaethedig ar y Strategaeth Genedlaethol ar gyfer rheoli’r risg o lifogydd ac erydiad arfordirol yng Nghymru i’w gyhoeddi’r haf hwn ac a fydd yn gyfle i egluro am y tro cyntaf y gwelliannau yn y trefniadau i reoli perygl llifogydd ac erydiad arfordirol yng Nghymru.

Cynhaliwyd pleidlais ar welliant 1:

Derbyniwyd gwelliant 1.

Cynhaliwyd pleidlais ar y cynnig wedi’i ddiwygio:

NDM4476  Nick Ramsay (Mynwy):

Mae Cynulliad Cenedlaethol Cymru:

1. Yn croesawu llwyddiant TAN15 wrth atal datblygiad amhriodol mewn ardaloedd lle mae perygl llifogydd; a

2. Yn croesawu ymhellach yr ymgynghoriad arfaethedig ar y Strategaeth Genedlaethol ar gyfer rheoli’r risg o lifogydd ac erydiad arfordirol yng Nghymru i’w gyhoeddi’r haf hwn ac a fydd yn gyfle i egluro am y tro cyntaf y gwelliannau yn y trefniadau i reoli perygl llifogydd ac erydiad arfordirol yng Nghymru.

Derbyniwyd y cynnig wedi’i ddiwygio.

.........................................

16.44
Eitem 6: Dadl Democratiaid Rhyddfrydol Cymru

NDM4480 Peter Black (Gorllewin De Cymru)

Cynnig bod Cynulliad Cenedlaethol Cymru:

Yn nodi bod oddeutu 150,000 o bobl yng Nghymru’n dioddef osteoporosis ag effaith torri asgwrn o ganlyniad i osteoporosis ar gleifion;  

Yn nodi’r effaith gadarnhaol y gall Gwasanaethau Cyswllt Torri Esgyrn ei chael o ran adnabod cleifion sy’n torri esgyrn oherwydd breuder, asesu ar gyfer osteoporosis a chynnig triniaethau gwarchod esgyrn lle bo hynny’n briodol;

Yn galw ar Lywodraeth Cynulliad Cymru i asesu’r posibilrwydd o ddefnyddio’r model hwn ledled Cymru yn y dyfodol.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Derbyniwyd y cynnig heb ei ddiwygio.

.........................................

17.32
Cyfnod pleidleisio

.........................................

17.35
Eitem 7: Dadl fer - a ohiriwyd ers 5 Mai 2010

NDM4468 Nick Ramsay

Wedi’u Dallu gan y Golau: Awyr Dywyll yng Nghymru

.........................................

17.55
Eitem 8: Dadl fer

NDM4479 Brynle Williams (Gogledd Cymru):

Syndrom Ar ôl Polio: Gwaddol y Clefyd sydd wedi mynd yn Angof.

.........................................

Daeth y cyfarfod i ben am 18.09.

Cynhelir Cyfarfod Llawn nesaf y Cynulliad am 13.30 ddydd Mawrth, 25 Mai 2010

Ysgrifenyddiaeth y Siambr