Y Trydydd Cynulliad - Cyfarfod Llawn

Pleidleisiau a Thrafodion (67)

Dyddiad: Dydd Mercher, 21 Mai 2008
Amser: 12.30pm

Eitem 1: Cwestiynau i’r Cwnsler Cyffredinol
Gofynnwyd un cwestiwn.

………………………………

12.32pm
Eitem 2: Cwestiynau i’r Gweinidog dros Faterion Gwledig
Gofynnwyd y 14 cwestiwn cyntaf. Trosglwyddwyd cwestiynau 5 ac 13 i’w hateb yn ysgrifenedig.

………………………………

1.19pm
Eitem 3: Datganiad gan y Gweinidog dros yr Amgylchedd, Cynaliadwyedd a Thai: Rheoli Perygl Llifogydd ac Adolygiad Pitt

………………………………

1.54pm
Eitem 4: Dadl ar adroddiad y Pwyllgor Cynaliadwyedd ar Leihau Allyriadau Carbon Preswyl

NDM3937 Mike German (Dwyrain De Cymru)

Cynnig bod Cynulliad Cenedlaethol Cymru:

Yn nodi adroddiad y Pwyllgor Cynaliadwyedd ar Leihau Allyriadau Carbon Preswyl yng Nghymru: Adroddiad Cyntaf ar Ymchwiliad y Pwyllgor Cynaliadwyedd i Leihau Allyriadau Carbon yng Nghymru, a osodwyd yn y Swyddfa Gyflwyno ar 13 Mawrth 2008.

Derbyniwyd y cynnig yn unol â Rheol Sefydlog 7.35.

………………………………

2.31pm
Eitem 5: Dadl ar adroddiad y Pwyllgor Iechyd, Lles a Llywodraeth Leol ar yr Ymchwiliad i Gynllunio Gweithlu yn y Gwasanaeth Iechyd ac ym Maes Gofal Cymdeithasol

NDM3944 Jonathan Morgan (Gogledd Caerdydd)

Cynnig bod Cynulliad Cenedlaethol Cymru:

Yn nodi Adroddiad y Pwyllgor Iechyd, Lles a Llywodraeth Leol ar Gynllunio'r Gweithlu yn y Gwasanaeth Iechyd ac ym maes Gofal Cymdeithasol a osodwyd yn y Swyddfa Gyflwyno ar 13 Mawrth 2008.

Derbyniwyd y cynnig yn unol â Rheol Sefydlog 7.35.

………………………………

3.15pm
Eitem 6: Dadl Democratiaid Rhyddfrydol Cymru

NDM3943 Kirtsy Williams (Brycheiniog a Sir Faesyfed):

Cynnig bod Cynulliad Cenedlaethol Cymru:

1. Yn nodi’r cyfraniad y mae Addysg Uwch yn ei wneud i economi Cymru;

2. Yn nodi’r cyfraniad sylweddol y mae dysgwyr rhan amser yn ei wneud i Addysg Uwch;

3. Yn nodi â phryder bod y bwlch cyllido Addysg Uwch rhwng Sefydliadau Addysg Uwch yng Nghymru ac yn Lloegr wedi tyfu i £61 miliwn yn ôl Cyngor Cyllido Addysg Uwch Cymru;

4. Yn galw ar Lywodraeth Cynulliad Cymru i:

a) rhoi sylw i’r bwlch cyllido rhwng Sefydliadau Addysg Uwch yng Nghymru ac yn Lloegr; a

b) sicrhau bod parch cydradd ar gyfer dysgwyr rhan amser mewn Addysg Uwch, yn enwedig ym meysydd ffioedd a chefnogaeth i fyfyrwyr.

Cyflwynwyd y gwelliannau a ganlyn:

Gwelliant 1 - Carwyn Jones (Pen-y-bont ar Ogwr)

Ym mhwynt 3, dileu 'â phryder’.

Gwelliant 2 - William Graham (Dwyrain De Cymru)

Cynnwys pwynt 4 newydd ac ail-rifo’r pwyntiau sy'n dilyn:

"Yn mynegi pryder ynghylch y cwymp yn nifer y ceisiadau i Sefydliadau Addysg Uwch yng Nghymru yn ystod y tymor academaidd nesaf a goblygiadau hyn i’w gallu ariannol, i’w buddsoddiad mewn rhagoriaeth, a’r golled i’r economi gyffredinol yn sgil hynny.”

Gwelliant 3 - Carwyn Jones (Pen-y-bont ar Ogwr)

Ym mhwynt 4, dileu (a) ac yn ei le rhoi: 'ymchwilio i ddulliau arloesol o sicrhau bod cyllid yn cael ei rannu yn y modd mwyaf teg rhwng sefydliadau a myfyrwyr’.

Gwelliant 4 - William Graham (Dwyrain De Cymru)

Ychwanegu is-bwynt newydd ar ôl is-bwynt b)

"egluro eu polisi ar gyfer cyllido myfyrwyr o Gymru sy'n astudio cyrsiau mewn mannau eraill yn y DU, nad ydynt ar gael yng Nghymru.”

Gwelliant 5 - Carwyn Jones (Pen-y-bont ar Ogwr)

Ychwanegu pwynt newydd ar ddiwedd y cynnig:

"Yn cymeradwyo ymrwymiad Llywodraeth Cynulliad Cymru i "Ddatblygu dysgu ymhlith oedolion”, fel y nodir yn rhaglen Cymru’n Un.”

Gohiriwyd y bleidlais ar y cynnig o dan yr eitem hon tan y cyfnod pleidleisio.

Canlyniad y pleidleisiau:

Cynhaliwyd pleidlais ar welliant 1:

Derbyniwyd gwelliant 1.

Cynhaliwyd pleidlais ar welliant 2:

Gwrthodwyd gwelliant 2.

Cynhaliwyd pleidlais ar welliant 3:

Derbyniwyd gwelliant 3.

Cynhaliwyd pleidlais ar welliant 4:

Gwrthodwyd gwelliant 4.

Cynhaliwyd pleidlais ar welliant 5:

Derbyniwyd gwelliant 1.

Cynhaliwyd pleidlais ar y cynnig wedi’i ddiwygio:

NDM3943 Kirtsy Williams (Brycheiniog a Sir Faesyfed):

Cynnig bod Cynulliad Cenedlaethol Cymru:

1. Yn nodi’r cyfraniad y mae Addysg Uwch yn ei wneud i economi Cymru;

2. Yn nodi’r cyfraniad sylweddol y mae dysgwyr rhan amser yn ei wneud i Addysg Uwch;

3. Yn nodi bod y bwlch cyllido Addysg Uwch rhwng Sefydliadau Addysg Uwch yng Nghymru ac yn Lloegr wedi tyfu i £61 miliwn yn ôl Cyngor Cyllido Addysg Uwch Cymru;

4. Yn galw ar Lywodraeth Cynulliad Cymru i:

a) ymchwilio i ddulliau arloesol o sicrhau bod cyllid yn cael ei rannu yn y modd mwyaf teg rhwng sefydliadau a myfyrwyr; a

b) sicrhau bod parch cydradd ar gyfer dysgwyr rhan amser mewn Addysg Uwch, yn enwedig ym meysydd ffioedd a chefnogaeth i fyfyrwyr.

5. Yn cymeradwyo ymrwymiad Llywodraeth Cynulliad Cymru i "Ddatblygu dysgu ymhlith oedolion”, fel y nodir yn rhaglen Cymru’n Un.

Derbyniwyd y cynnig wedi’i ddiwygio.

………………………………

4.15pm
Eitem 7: Dadl fer

NDM3936 Gareth Jones (Aberconwy):

Ysgol a Chymuned.

………………………………

4.33pm
Cyfnod Pleidleisio

………………………………

Daeth y cyfarfod i ben am 4.35pm

Cynhelir Cyfarfod Llawn nesaf y Cynulliad am 2.00pm ddydd Mawrth, 3 Mehefin 2008

Ysgrifenyddiaeth y Siambr