Y Trydydd Cynulliad - Cyfarfod Llawn

Pleidleisiau a Thrafodion (164)

Dyddiad: Dydd Mawrth, 24 Tachwedd 2009
Amser: 13.30

Eitem 1: Cwestiynau i Brif Weinidog Cymru

Gofynnwyd yr 11 cwestiwn cyntaf. Tynnwyd cwestiynau 4 a 5 yn ôl.

………………………

14.25
Eitem 2: Datganiad a Chyhoeddiad Busnes

………………………

14.48
Eitem 3: Datganiad gan Brif Weinidog Cymru: Adroddiad Confensiwn Cymru Gyfan

………………………

15.56
Eitem 4: Datganiad gan y Gweinidog dros yr Amgylchedd, Cynaliadwyedd a Thai: y wybodaeth ddiweddaraf am y Comisiwn Hinsawdd

………………………

16.18
Eitem 5: Dadl ar y cymorth a ddarperir i fusnesau

NDM4331 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru:

1. Yn cefnogi strategaeth Llywodraeth Cynulliad Cymru ar gyfer datblygu sgiliau ar gyfer busnesau drwy Sgiliau sy'n Gweithio i Gymru a Rhaglen Datblygu'r Gweithlu; a

2. Yn canmol cymorth Llywodraeth Cynulliad Cymru ar gyfer sgiliau yn y gweithle yn ystod y dirwasgiad.

Cyflwynwyd y gwelliannau a ganlyn:

Gwelliant 1 - Alun Cairns (Gorllewin De Cymru)
Yn lle 'cefnogi’ rhoi 'nodi’

Cynhaliwyd pleidlais ar welliant 1:

Gwrthodwyd gwelliant 1.

Gwelliant 2 - Alun Cairns (Gorllewin De Cymru)
Dileu pwynt 2 a rhoi yn ei le:

'Yn credu bod angen i strategaeth sgiliau Llywodraeth Cynulliad Cymru ganolbwyntio’n gliriach ar anghenion economi Cymru ac yn enwedig creu mwy o fentrau cynhenid.’

Cynhaliwyd pleidlais ar welliant 2:

Gwrthodwyd gwelliant 2.

Gwelliant 3 - Peter Black (Gorllewin De Cymru)
Ychwanegu pwynt newydd ar ddiwedd y cynnig:

Yn credu na fydd yr enillion effeithlonrwydd arfaethedig o 5% i’r cyllidebau ôl-16 ac addysg uwch yn helpu Llywodraeth Cynulliad Cymru i gyflwyno’i strategaeth sgiliau ac mae’n galw ar Lywodraeth Cynulliad Cymru i wrthdroi’r cynnig hwn.

Cynhaliwyd pleidlais ar welliant 3:

Gwrthodwyd gwelliant 3.

Cynhaliwyd pleidlais ar y cynnig.

NDM4331 Carwyn Jones (Pen-y-bont ar Ogwr)

Cynnig bod Cynulliad Cenedlaethol Cymru:

1. Yn cefnogi strategaeth Llywodraeth Cynulliad Cymru ar gyfer datblygu sgiliau ar gyfer busnesau drwy Sgiliau sy'n Gweithio i Gymru a Rhaglen Datblygu'r Gweithlu; a

2. Yn canmol cymorth Llywodraeth Cynulliad Cymru ar gyfer sgiliau yn y gweithle yn ystod y dirwasgiad.

Derbyniwyd y cynnig.

………………………

16.56
Eitem 6: Dadl ar "Cymru’n Un”

NDM4332 Carwyn Jones (Pen-y-bont ar Ogwr)

Mae Cynulliad Cenedlaethol Cymru:

Yn croesawu’r camau sy’n parhau i gael eu cymryd i weithredu Rhaglen Cymru’n Un Llywodraeth Cynulliad Cymru.

Cyflwynwyd y gwelliannau a ganlyn:

Gwelliant 1 - Alun Cairns (Gorllewin De Cymru)

Dileu popeth ar ôl "Cynulliad Cenedlaethol Cymru:” a rhoi yn ei le:

"Yn gresynu at fethiant Llywodraeth Cynulliad Cymru i gyflwyno gwelliannau sylweddol fel yr amlinellwyd yn y rhaglen Cymru’n Un, yn arbennig y rhai hynny sy’n ymwneud â’r economi a gwasanaethau cyhoeddus yng Nghymru.”

Cynhaliwyd pleidlais ar welliant 1:

Gwrthodwyd gwelliant 1.

Gwelliant 2 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn credu na fydd y Rhaglen Cymru’n Un yn cael ei chyflawni oni cheir newid mewn ffocws wrth baratoi’r gyllideb derfynol.

Cynhaliwyd pleidlais ar welliant 2:

Gwrthodwyd gwelliant 2.

Gwelliant 3 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn credu bod angen i Lywodraeth Cynulliad Cymru, er mwyn bod mewn sefyllfa well i gyflawni’r ymrwymiadau iechyd yn y rhaglen Cymru’n Un, ymchwilio i’r honiad nad yw hyd at un rhan o bump o’r gyllideb iechyd yn cael ei gwario’n effeithiol.

Cynhaliwyd pleidlais ar welliant 3:

Gwrthodwyd gwelliant 3.

Gwelliant 4 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn credu bod angen i Lywodraeth Cynulliad Cymru adolygu ei rhaglen Cymru’n Un yng ngoleuni’r amgylchiadau economaidd presennol.

Cynhaliwyd pleidlais ar welliant 4:

Gwrthodwyd gwelliant 4.

Cynhaliwyd pleidlais ar y cynnig.

NDM4332 Carwyn Jones (Pen-y-bont ar Ogwr)

Mae Cynulliad Cenedlaethol Cymru:

Yn croesawu’r camau sy’n parhau i gael eu cymryd i weithredu Rhaglen Cymru’n Un Llywodraeth Cynulliad Cymru.

Derbyniwyd y cynnig.

.........................................

Daeth y cyfarfod i ben am 18.06

Cynhelir Cyfarfod Llawn nesaf y Cynulliad am 13.30 ddydd Mercher 25 Tachwedd 2009

Ysgrifenyddiaeth y Siambr