Y Trydydd Cynulliad - Cyfarfod Llawn

Pleidleisiau a Thrafodion (209)

Dyddiad: Dydd Mercher, 30 Mehefin 2010
Amser: 13.30

Eitem 1: Cwestiynau i’r Cwnsler Cyffredinol

Gofynnwyd y cwestiynau.

.........................................

13.39
Eitem 2: Cwestiynau i’r Gweinidog dros Gyfiawnder Cymdeithasol a Llywodraeth Leol

Gofynnwyd y 9 cwestiwn cyntaf.

.........................................

14.29
Eitem 3: Cwestiynau i’r Gweinidog dros Blant, Addysg a Dysgu Gydol Oes

Gofynnwyd y 10 cwestiwn cyntaf. Tynnwyd cwestiwn 4 yn ôl.

.........................................

15.15
Eitem 4: Dadl ar Adroddiad y Pwyllgor Cymunedau a Diwylliant - Cyfiawnder Ieuenctid: Profiad plant Cymru mewn Sefydliadau Diogel

NDM4503 Sandy Mewies (Delyn)

Mae Cynulliad Cenedlaethol Cymru:

Yn nodi adroddiad y Pwyllgor Cymunedau a Diwylliant, Cyfiawnder Ieuenctid: Profiad plant Cymru mewn Sefydliadau Diogel, a osodwyd yn y Swyddfa Gyflwyno ar 24 Chwefror 2010.

Sylwer: Gosodwyd ymateb y Gweinidog dros Gyfiawnder Cymdeithasol a Llywodraeth Leol yn y Swyddfa Gyflwyno ar 23 Mehefin 2010.

Derbyniwyd y cynnig yn unol â Rheol Sefydlog 7.35.

.........................................

16.06
Eitem 5: Dadl y Ceidwadwyr Cymreig

NDM4504 Nick Ramsay (Mynwy)

Mae Cynulliad Cenedlaethol Cymru:

1. Yn credu y byddai creu swydd maer wedi’i ethol yn uniongyrchol yn fanteisiol i nifer o gynghorau Cymru, yn darparu arweinyddiaeth leol gref ac yn gwella atebolrwydd democrataidd i ddinasyddion;

2. Yn croesawu cynlluniau Llywodraeth y DU i wneud yr heddlu’n fwy atebol drwy oruchwyliaeth gan unigolyn wedi’i ethol yn uniongyrchol.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 - Jane Hutt (Bro Morgannwg)

Dileu popeth a rhoi yn ei le

Mae Cynulliad Cenedlaethol Cymru:

1. Yn nodi bod y ddarpariaeth i symud tuag at greu swydd maer wedi’i ethol yn uniongyrchol eisoes wedi’i chynnwys yn Neddf Llywodraeth Leol 2000 ac y gall gael ei gweithredu drwy refferendwm llwyddiannus.

2. Yn nodi bod Heddluoedd eisoes yn atebol i’r cymunedau y maent yn eu gwasanaethu drwy awdurdodau’r heddlu sy’n cynnwys mwyafrif o gynghorwyr etholedig yn ogystal â phobl leyg.

3. Yn credu y dylai’r Cynulliad Cenedlaethol allu penderfynu ar unrhyw gynigion i newid y system gyfredol mewn perthynas ag atebolrwydd yr heddlu lleol.

Mae Deddf Llywodraeth Leol 2000 ar gael yn:

http://www.opsi.gov.uk/acts/acts2000/ukpga_20000022_en_1

Cynhaliwyd pleidlais ar welliant 1:

Derbyniwyd gwelliant 1.

Gwelliant 2 - Peter Black (Gorllewin De Cymru)

Dileu pwynt 1 a rhoi yn ei le:

Yn nodi bod awdurdodau lleol yn gallu sefydlu maer a etholir yn uniongyrchol drwy gynnal refferendwm lleol, ac yn nodi mai dim ond un refferendwm o’r fath a gynhaliwyd hyd yma yng Nghymru, ac roedd hwnnw’n aflwyddiannus.

Cynhaliwyd pleidlais ar welliant 2:

Gwrthodwyd gwelliant 2.

Gwelliant 3 - Peter Black (Gorllewin De Cymru)

Ym mhwynt 2, ar ôl 'uniongyrchol' cynnwys:

', ond serch hynny, mae’n credu taw Llywodraeth Cynulliad Cymru fyddai yn y sefyllfa orau i weinyddu’r gwaith o roi polisi o'r fath ar waith yng Nghymru drwy ddatganoli pwerau dros blismona.’

Gan fod gwelliant 1 wedi’i dderbyn, cafodd gwelliant 3 ei ddad-ddethol.

Gwelliant 4 - Peter Black (Gorllewin De Cymru)

Ychwanegu pwynt newydd ar ddiwedd y cynnig:

Yn credu mai pobl leol ar lefel leol ddylai wneud unrhyw benderfyniad i sefydlu maer a etholir yn uniongyrchol.

Cynhaliwyd pleidlais ar welliant 4:

Gwrthodwyd gwelliant 4.

Cynhaliwyd pleidlais ar y cynnig wedi’i ddiwygio:

Mae Cynulliad Cenedlaethol Cymru:

1. Yn nodi bod y ddarpariaeth i symud tuag at greu swydd maer wedi’i ethol yn uniongyrchol eisoes wedi’i chynnwys yn Neddf Llywodraeth Leol 2000 ac y gall gael ei gweithredu drwy refferendwm llwyddiannus.

2. Yn nodi bod Heddluoedd eisoes yn atebol i’r cymunedau y maent yn eu gwasanaethu drwy awdurdodau’r heddlu sy’n cynnwys mwyafrif o gynghorwyr etholedig yn ogystal â phobl leyg.

3. Yn credu y dylai’r Cynulliad Cenedlaethol allu penderfynu ar unrhyw gynigion i newid y system gyfredol mewn perthynas ag atebolrwydd yr heddlu lleol.

Derbyniwyd y cynnig wedi’i ddiwygio.

.........................................

17.05
Eitem 6: Dadl Democratiaid Rhyddfrydol Cymru

NDM4505 Peter Black (Gorllewin De Cymru)

Mae Cynulliad Cenedlaethol Cymru:

1. Yn galw ar Lywodraeth Cynulliad Cymru i:

a) Gynnal asesiad economaidd o effaith tollau Pontydd Hafren ar economi De Cymru;

b) Cyflwyno sylwadau pellach i Lywodraeth y DU am effaith negyddol y tollau, a pharatoi’r achos o blaid cael gwared ar y tollau pan ddaw’r pontydd i fod dan berchnogaeth gyhoeddus.

Gohiriwyd y bleidlais ar y cynnig a’r gwelliant o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Gwrthodwyd y cynnig heb ei ddiwygio.

Cyflwynwyd y gwelliant a ganlyn:

Gwelliant 1 - Jane Hutt (Bro Morgannwg)

Dileu popeth a rhoi yn ei le

Mae’r Cynulliad Cenedlaethol:

1. Yn croesawu’r gwaith sy’n cael ei wneud gan Lywodraeth Cynulliad Cymru i

asesu effaith tollau Pontydd Hafren ar economi De Cymru;

2. Yn nodi bod Llywodraeth Cynulliad Cymru yn cynnal trafodaethau rheolaidd â Llywodraeth y DU ynghylch Pontydd Hafren a bydd yn parhau i drafod â hwy ynghylch rheolaeth y Pontydd a’u perchnogaeth yn y dyfodol,

3. Yn croesawu’r mesurau i ganiatáu defnyddio cerdyn i dalu’r tollau ac yn annog Llywodraeth y DU i sicrhau bod y newidiadau angenrheidiol yn cael eu gwneud cyn y Cwpan Ryder.

Cynhaliwyd pleidlais ar welliant 1:

Derbyniwyd gwelliant 1.

Cynhaliwyd pleidlais ar y cynnig wedi’i ddiwygio:

Mae’r Cynulliad Cenedlaethol:

1. Yn croesawu’r gwaith sy’n cael ei wneud gan Lywodraeth Cynulliad Cymru i

asesu effaith tollau Pontydd Hafren ar economi De Cymru;

2. Yn nodi bod Llywodraeth Cynulliad Cymru yn cynnal trafodaethau rheolaidd â Llywodraeth y DU ynghylch Pontydd Hafren a bydd yn parhau i drafod â hwy ynghylch rheolaeth y Pontydd a’u perchnogaeth yn y dyfodol,

3. Yn croesawu’r mesurau i ganiatáu defnyddio cerdyn i dalu’r tollau ac yn annog Llywodraeth y DU i sicrhau bod y newidiadau angenrheidiol yn cael eu gwneud cyn y Cwpan Ryder.

Derbyniwyd y cynnig wedi’i ddiwygio.

.........................................

18.04
Cyfnod pleidleisio

.........................................

Eitem 7: Dadl fer

Ni Chyflwynwyd Testun.

.........................................

Daeth y cyfarfod i ben am 18.07.

Cynhelir Cyfarfod Llawn nesaf y Cynulliad am 13.30 ddydd Mawrth, 6 Gorffennaf 2010

Ysgrifenyddiaeth y Siambr