Y Trydydd Cynulliad - Cyfarfod Llawn

Pleidleisiau a Thrafodion (151)

Dyddiad: Dydd Mercher, 30 Medi 2009
Amser: 13.30

Eitem 1: Cwestiynau i’r Gweinidog dros Iechyd a Gwasanaethau Cymdeithasol

Gofynnwyd y 10 cwestiwn cyntaf. Trosglwyddwyd cwestiwn 2 i’w ateb yn ysgrifenedig. Cafodd cwestiynau 3 a 6 ac 8 a 10 eu grwpio i’w hateb. Tynnwyd cwestiwn 5 yn ôl.

.........................................

14.08
Eitem 2: Cwestiynau i’r Dirprwy Brif Weinidog a’r Gweinidog dros yr Economi a Thrafnidiaeth

Gofynnwyd y 10 cwestiwn cyntaf. Tynnwyd cwestiwn 9 yn ôl.

.........................................

14.44
Eitem 3: Cynigion i ethol Aelodau ar bwyllgorau

NDM4282 Dafydd Elis-Thomas (Dwyfor Meirionnydd)

Cynnig bod Cynulliad Cenedlaethol Cymru, yn unol â Rheol Sefydlog 10.3, yn ethol William Graham (Ceidwadwyr) yn aelod o’r Pwyllgor Is-ddeddfwriaeth yn lle David Melding (Ceidwadwyr).

NDM4283 Dafydd Elis-Thomas (Dwyfor Meirionnydd)

Cynnig bod Cynulliad Cenedlaethol Cymru, yn unol â Rheol Sefydlog 10.3 yn ethol Brynle Williams (Ceidwadwyr) yn aelod o Bwyllgor Deddfwriaeth Rhif 2 yn lle Paul Davies (Ceidwadwyr).

Derbyniwyd y cynigion yn unol â Rheol Sefydlog 7.35

.........................................

14.45
Eitem 4: Dadl ar adroddiad y Pwyllgor Menter a Dysgu ar ei ymchwiliad i swyddogaeth llywodraethwyr ysgolion

NDM4285 Gareth Jones (Aberconwy)

Cynnig bod Cynulliad Cenedlaethol Cymru:

Yn nodi adroddiad y Pwyllgor Menter a Dysgu ar Swyddogaeth Llywodraethwyr Ysgolion a osodwyd yn y Swyddfa Gyflwyno ar 9 Gorffennaf 2009.

Nodyn: Gosodwyd ymateb y Gweinidog dros Blant Addysg Dysgu Gydol Oes a Sgiliau yn y Swyddfa Gyflwyno ar 23 Medi 2009.

Derbyniwyd y cynnig yn unol â Rheol Sefydlog 7.35

.........................................

15.31
Eitem 5: Dadl ar adroddiad yr Is-bwyllgor Datblygu Gwledig ar ei ymchwiliad i gynhyrchu a hybu bwyd Cymreig

NDM4284 Alun Davies (Canolbarth a Gorllewin Cymru)

Cynnig bod Cynulliad Cenedlaethol Cymru:

Yn nodi adroddiad yr Is-bwyllgor Datblygu Gwledig ar ei Ymchwiliad i Gynhyrchu a Hybu Bwyd Cymreig a osodwyd yn y Swyddfa Gyflwyno ar 21 Gorffennaf 2009.

Nodyn: Gosodwyd ymateb y Gweinidog dros Faterion Gwledig yn y Swyddfa Gyflwyno ar 23 Medi 2009.

Derbyniwyd y cynnig yn unol â Rheol Sefydlog 7.35

.........................................

16.23
Eitem 6: Dadl y Ceidwadwyr Cymreig

NDM4286 Alun Cairns (Gorllewin De Cymru)

Cynnig bod Cynulliad Cenedlaethol Cymru:

1. Yn nodi y gellid atal hyd at 70% o ddallineb drwy ganfod cyflyrau llygaid a’u trin yn gynnar.

2. Yn galw ar Lywodraeth Cynulliad Cymru i:

a) Gefnogi mesurau i helpu i ganfod namau ar lygaid plant.

b) Rhoi’r wybodaeth ddiweddaraf yn rheolaidd am y cynnydd a wnaed i leihau’r achosion o glawcoma.

c) Cydnabod swyddogaeth optometryddion o ran datblygu gofal llygaid da yn y sector cynradd.

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 - Carwyn Jones (Pen-y-bont ar Ogwr)

Ychwanegu at ddiwedd pwynt 1 'yn cynnwys defnyddio’n effeithiol y gwasanaethau sydd eisoes yn bod er mwyn canfod a thrin achosion yn gynnar.’

Cynhaliwyd pleidlais ar welliant 1:

Derbyniwyd gwelliant 1.  

Gwelliant 2 - Carwyn Jones (Pen-y-bont ar Ogwr)

Ychwanegu at ddiwedd pwynt 2a 'yn cynnwys gwaith Eiriolydd Plant Prin eu Golwg a gwerthuso cynllun peilot ar wasanaethau sgrinio mewn ysgolion.’

Cynhaliwyd pleidlais ar welliant 2:

Derbyniwyd gwelliant 2.  

Gwelliant 3 - Carwyn Jones (Pen-y-bont ar Ogwr)

Ychwanegu pwynt newydd ar ddiwedd y cynnig:

'Yn cefnogi penderfyniad Llywodraeth Cynulliad Cymru i fod ymhlith y cyrff i lofnodi Strategaeth Golwg y DU.’

Cynhaliwyd pleidlais ar welliant 3:

Derbyniwyd gwelliant 3.  

Cynhaliwyd pleidlais ar y cynnig wedi’i ddiwygio:

NDM4286 Alun Cairns (Gorllewin De Cymru)

Cynnig bod Cynulliad Cenedlaethol Cymru:

1. Yn nodi y gellid atal hyd at 70% o ddallineb drwy ganfod cyflyrau llygaid a’u trin yn gynnar yn cynnwys defnyddio’n effeithiol y gwasanaethau sydd eisoes yn bod er mwyn canfod a thrin achosion yn gynnar.

2. Yn galw ar Lywodraeth Cynulliad Cymru i:

a) Gefnogi mesurau i helpu i ganfod namau ar lygaid plant yn cynnwys gwaith Eiriolydd Plant Prin eu Golwg a gwerthuso cynllun peilot ar wasanaethau sgrinio mewn ysgolion.

b) Rhoi’r wybodaeth ddiweddaraf yn rheolaidd am y cynnydd a wnaed i leihau’r achosion o glawcoma.

c) Cydnabod swyddogaeth optometryddion o ran datblygu gofal llygaid da yn y sector sylfaenol.

3. Yn cefnogi penderfyniad Llywodraeth Cynulliad Cymru i fod ymhlith y cyrff i lofnodi Strategaeth Golwg y DU.

Derbyniwyd y cynnig wedi’i ddiwygio.

.........................................

17.08
Cyfnod pleidleisio

.........................................

17.10
Eitem 7: Dadl fer

NDM4281 Alun Davies (Canolbarth a Gorllewin Cymru):

Cadw ein Golau Ynghyn.

.........................................

Daeth y cyfarfod i ben am 17.33

Cynhelir Cyfarfod Llawn nesaf y Cynulliad am 13.30 ddydd Mawrth 6 Hydref 2009

Ysgrifenyddiaeth y Siambr