Dewiswch opsiwn A neu B
Opsiwn A. Adrodd i Gomisiynydd Safonau annibynnol y Senedd
Gellir trafod cyhuddiadau gyda'r Comisiynydd Safonau yn breifat a chyfrinachol. Fodd bynnag, os bydd y Comisiynydd yn ymchwilio, bydd - yn y rhan fwyaf o achosion - yn angenrheidiol i'r person rydych yn cwyno amdano wybod pwy ydych er mwyn i'r broses fod yn deg
Os yw'r Comisiynydd Safonau yn credu bod digon o sylwedd i gyfiawnhau ymchwiliad pellach, caiff eich cwyn ei hymchwilio'n llawn a chyflwynir adroddiad i'r Pwyllgor Safonau Ymddygiad. Cewch wybod beth sy'n digwydd, a gellir eich gwarchod rhag i'ch enw gael ei gyhoeddi.
Opsiwn B. Cysylltu â'r blaid wleidyddol berthnasol. Os nad yw'r Aelod yn gysylltiedig â phlaid wleidyddol, ni fydd yr opsiwn hwn yn berthnasol ac rydych yn parhau i fod yn rhydd i ddilyn Opsiwn A.
Bydd pob plaid wleidyddol yn dilyn ei gweithdrefnau ei hun. Cysylltwch â'r blaid berthnasol am fanylion y broses.
Ar unrhyw adeg, gallwch newid eich meddwl ac adrodd eich cwyn i'r Comisiynydd Safonau. Efallai y bydd angen i chi ddilyn rhai gweithdrefnau ychwanegol o ganlyniad i newid llwybr eich cwyn.
Adrodd i'r Aelod o'r Senedd sy'n cyflogi. Mater i'r Aelod o'r Senedd sy'n cyflogi fydd ystyried y gŵyn a sut i'w thrin.
Adrodd i Adran Adnoddau Dynol y Senedd.
Gellir trafod cyhuddiadau yn gyfrinachol a chynhelir ymchwiliad. Ar y cam hwnnw, bydd - yn y rhan fwyaf o achosion - yn angenrheidiol i'r person rydych yn cwyno amdano wybod pwy ydych er mwyn i'r broses fod yn deg.
Yn dibynnu ar ganlyniad yr ymchwiliad, gall gweithdrefnau disgyblu ddilyn.
Adrodd i’r Pennaeth Caffael.
Gellir trafod cyhuddiadau yn gyfrinachol a chynhelir ymchwiliad. Ar y cam hwnnw, bydd - yn y rhan fwyaf o achosion - yn angenrheidiol i'r person rydych yn cwyno amdano wybod pwy ydych er mwyn i'r broses fod yn deg.
Yn dibynnu ar ganlyniad yr ymchwiliad, efallai y gofynnir i'r unigolyn dan sylw beidio â gwneud gwaith pellach ar ein rhan.