Hysbysiad Prifatrwydd Ymchwiliadau y Comisiwn (i Tachwedd 2026)

Cyhoeddwyd 24/11/2020   |   Diweddarwyd Ddiwethaf 18/11/2026   |   Amser darllen munud

Cyhoeddedig 12 Chwefror 2018. Dilys i 17 Tachwedd 2026

Pwy ydym ni

Comisiwn y Senedd yw rheolydd data y wybodaeth yr ydych yn ei darparu, a bydd yn sicrhau bod y wybodaeth hon yn cael ei diogelu a'i defnyddio yn unol â deddfwriaeth diogelu data.

Pam rydym yn casglu'r wybodaeth hon

Bydd eich sylwadau yn cael eu defnyddio i lywio gwaith Comisiwn y Senedd ar ddiwygio Senedd, er enghraifft mewn perthynas â'i faint a'i drefniadau etholiadol, gweithredol a mewnol.

Yr hyn fyddwn ni'n ei wneud â'r wybodaeth a gawn gennych

Bydd staff Comisiwn y Senedd sy'n rhan o'r ymgynghoriad yn gweld y sylwadau ar eu hyd. Mae'n bosibl hefyd y bydd Comisiynwyr y Senedd ac Aelodau eraill y Senedd yn gweld y sylwadau. Bydd yr holl ymatebion i'r cwestiynau ymgynghori (gan gynnwys y rhai a gyflwynir ar bapur) yn cael eu storio yn Survey Monkey. Mae Survey Monkey weithiau'n storio gwybodaeth y tu allan i'r Ardal Economaidd Ewropeaidd. Mae gwybodaeth ynglŷn â sut y bydd yn defnyddio’ch gwybodaeth ar gael ar ei wefan:

Cyhoeddi sylwadau

Mae’n bosibl y bydd Comisiwn y Senedd yn cyhoeddi'ch ymateb i'r ymgynghoriad hwn, yn rhannol neu'n gyflawn, ar wefan y Senedd. Efallai y byddwn hefyd yn cyhoeddi rhannau o'ch sylwadau mewn dogfennau a gaiff eu llunio ar ôl yr ymgynghoriad ac a gyhoeddir ar wefan y Senedd. Bydd unrhyw ymatebion sy’n cael eu cyhoeddi ar wefan y Senedd yn parhau i fod ar gael i’r cyhoedd.

Rhowch wybod os byddai'n well gennych inni beidio â chyhoeddi'ch sylwadau na dyfynnu ohonynt.

Os byddwn yn cyhoeddi sylwadau a anfonwyd gennych ar ran sefydliad, byddwn yn cynnwys eich enw, teitl eich swydd, ac enw’r sefydliad gyda’ch sylwadau. Os byddwn yn cyhoeddi sylwadau a anfonwyd gennych chi’n bersonol, ni fyddwn yn datgelu eich enw dim ond os gwnaethoch ofyn inni wneud hynny.

Pa mor hir y byddwn yn cadw'r wybodaeth a gawn gennych

Bydd yr ymatebion yn cael eu cadw ar ein system TG ddiogel ein hunain hyd nes y bydd Comisiwn y Senedd wedi gorffen yr ymgynghoriad ac unrhyw waith dilynol yn y meysydd a amlinellir yn y ddogfen hon.

Cysylltu â chi

Efallai y byddwn yn defnyddio'r manylion cyswllt a gawsom gennych i gysylltu â chi mewn perthynas â'r ymgynghoriad hwn a'ch sylwadau. Efallai y byddwn hefyd am gysylltu â chi yn y dyfodol mewn perthynas â'r ymgynghoriad hwn, eich sylwadau, a gwaith y Comisiwn ar ddiwygio'r Senedd. Rhowch wybod wrth i chi ymateb i'r ymgynghoriad a ydych am inni gadw eich manylion cyswllt a chysylltu â chi at y dibenion hyn. Os penderfynwch adael inni gysylltu ymhellach â chi, fe allwch ddewis dynnu'ch caniatâd yn ôl ar unrhyw adeg trwy roi gwybod i ni.

Ceisiadau i Gomisiwn y Senedd am wybodaeth

Os gwneir cais am wybodaeth o dan y ddeddfwriaeth hawl i wybodaeth, efallai y bydd yn rhaid datgelu'r wybodaeth a ddarparwyd gennych neu ran ohoni. Gall hyn gynnwys gwybodaeth a ddilëwyd cyn hynny gan Gomisiwn y Senedd at ddibenion cyhoeddi. Dim ond os yw’n ofynnol yn ôl y gyfraith y byddwn yn gwneud hynny.

Eich hawliau

Bydd eich data personol yn cael eu prosesu ar gyfer cyflawni tasg a wneir er budd y cyhoedd gan Gomisiwn y Senedd, hynny yw ymgynghoriad ar ddiwygio'r Senedd. Os hoffech chi: arfer unrhyw un o'r hawliau sydd gennych o dan y ddeddfwriaeth berthnasol (fel yr hawl i gael gweld gwybodaeth), gofyn cwestiwn neu wneud cwyn am y ffordd y defnyddir eich gwybodaeth, dylech gysylltu â Rheolwr Llywodraethu Gwybodaeth y Senedd.

Gallwch hefyd wneud cwyn i Swyddfa'r Comisiynydd Gwybodaeth os ydych yn credu nad ydym wedi defnyddio’ch gwybodaeth yn unol â'r gyfraith. Mae manylion cyswllt Swyddfa'r Comisiynydd Gwybodaeth ar gael ar ei gwefan.


Gweld fersiwn gyfredol o'r hysbysiad hwn: