Ysgrifennydd y Cabinet
dros Lywodraeth Leol a Thai
Cafodd Jayne Bryant MS ei geni a’i magu yng Nghasnewydd, lle mae’n byw.
Aeth Jayne i'r ysgol yng Nghasnewydd a mentrodd i fyd gwleidyddiaeth yn 17 oed.
Yn 2016, cafodd Jayne ei hethol yn Aelod Cynulliad dros Orllewin Casnewydd.
Cafodd ei phenodi’n Gadeirydd y Pwyllgor Safonau Ymddygiad yn y Bumed Senedd,
ac roedd yn aelod o’r Pwyllgor Iechyd, Gofal Cymdeithasol a Chwaraeon.
Wedi’i hailethol yn 2021, enwebwyd Jayne i Gadeirio’r Pwyllgor Plant, Pobl
Ifanc ac Addysg yn y Chweched Senedd a bu hefyd yn aelod o’r Pwyllgor Diben
Arbennig ar Ddiwygio’r Senedd a’r Pwyllgor Llywodraeth Leol a Thai.
Cadeiriodd Jayne Grwpiau Trawsbleidiol ar Ddiabetes, ar Rwystro Plant rhag
cael eu Cam-drin yn Rhywiol, ac ar Atal Hunanladdiad, a bu’n Is-gadeirydd ar
gyfer y Grwpiau Trawsbleidiol ar Ddementia ac Undod Rhwng Cenedlaethau.
Penodwyd Jayne yn Weinidog Iechyd Meddwl a’r Blynyddoedd Cynnar ar 21
Mawrth 2024.
Gydag angerdd dros gyfiawnder cymdeithasol, ac yn eiriolwr dros helpu a
chefnogi pobl, mae Jayne yn ymgyrchydd gweithgar ar faterion megis iechyd a
llesiant, yr amgylchedd a newid hinsawdd, trafnidiaeth, a mynd i'r afael ag
anghydraddoldeb. Mae Jayne yn ymroddedig i annog pobl ifanc i fod yn weithgar
ac ymddiddori mewn gwleidyddiaeth. Mae gwleidyddiaeth yn bwysig, a rhaid i bobl
ifanc fod yn ganolog iddi.
