Prif ddiddordebau a chyflawniadau
Mae diddordebau polisi Lesley yn cynnwys iechyd, tai a datblygu economaidd.
Mae'n byw yn Wrecsam ac yn mwynhau cerdded, darllen, coginio a gwylio
pêl-droed, yn enwedig Clwb Pêl-droed Wrecsam. Bu'n Gyfarwyddwr etholedig
Ymddiriedolaeth Cefnogwyr Wrecsam.
Hanes personol
Cafodd Lesley ei magu yng Ngogledd Ddwyrain Cymru ac mae hi wedi byw a
gweithio yn Wrecsam ar hyd ei hoes fel oedolyn.
Cefndir proffesiynol
Treuliodd Lesley 20 mlynedd yn gweithio yn Ysbyty Maelor Wrecsam. Cyn iddi
gael ei hethol i Gynulliad Cenedlaethol Cymru, bu'n gweithio fel Cynorthwyydd
Etholaeth i Ian Lucas, AS.
Hanes gwleidyddol
Cafodd Lesley ei hethol gyntaf i Senedd Cymru ym mis Mai 2007. Sefydlodd y
Grŵp Trawsbleidiol ar
Hosbisau a chadeirio’r Grŵp, a gwasanaethodd ar sawl Pwyllgor. Ym
mis Rhagfyr 2009, penodwyd Lesley i'w rôl weinidogol gyntaf yn Llywodraeth Cymru. Bu'n gweithio'n barhaus mewn sawl
rôl Cabinet o fewn y
Llywodraeth tan fis Gorffennaf 2024.
